எனக்கொரு காதல் கடிதம்!?

by வினுப்ரியா Fri Oct 01, 2010 5:13 pm

First topic message reminder :

எனக்கொரு காதல் கடிதம்!?

என் பதின் வயதில்
என் பருவ தோழிக்கொரு
காதல் கடிதம்
உடன் பயிலும் தோழனொருவன்
உயிரே !உணர்வே என
உருகி உருகி வரைந்திருந்தான்

எனக்கும் ஆசை வந்தது
எனக்கொரு காதல் கடிதம்
வேண்டுமென்று!

ஏனோ தெரியவில்லை
எனக்கு எழுதும் துணிவில்லை
எவருக்கும்!

காலம் வந்தது
கரம் பிடித்தவனை கேட்டேன் -எனக்கொரு
காதல் கடிதம் வேண்டுமென்று
காதலிக்குத்தான் கடிதமெல்லாம்
மனைவிக்கு அல்ல என்று
மறுமொழி கூற
மறுகி நின்றேன் மனதிற்குள்!

பின்னாளில் தெரிந்தது
கடிதம் மட்டுமல்ல
காதலும் அவனிடம் இல்லையென்று!

காலம் கடந்து விட்டபோதிலும்
காதல் கடிதத்தின் மீதுள்ள
காதல் மட்டும் குறையவில்லை எனக்கு !

முடிவாக தீர்மானித்தேன்
எனக்கொரு காதல் கடிதம்
நானே தீட்டுவதென்று!

விரல்களில் எழதுகோல்
வீற்றிருக்க!
விழிகளில் கண்ணீர்
வழிந்திருக்க!
வார்த்தைகள்
வற்றிவிட்டதா?
வெள்ளைத்தாள்
வெறுமையாக -என்னை
வெறித்துப்பார்த்து
கேலி செய்கிறதே!? -என்
இதயமும் கேவி அழுகிறதே!?

by வினுப்ரியா Sat Oct 02, 2010 8:22 pm

Jotheshree wrote:திருமணத்திற்கு பின் வாழ்வின் கஷ்டங்களை அருமையாய் எடுத்து சொல்கிறது கவிதை

by வினுப்ரியா Mon Oct 04, 2010 7:05 pm

ரபீக் wrote:கவிதை அழகு

மனதின் வலிகள் எப்போதுமே மருந்துக்காக காத்திருக்கும் ரணங்கள். அன்பெனும் அமுது பருகும் போது கவலைகள்
காற்றாக பறந்து போகும்!

by வினுப்ரியா Mon Oct 04, 2010 9:20 pm

Kaa Na Kalyanasundaram wrote:மனதின் வலிகள் எப்போதுமே மருந்துக்காக காத்திருக்கும் ரணங்கள். அன்பெனும் அமுது பருகும் போது கவலைகள்
காற்றாக பறந்து போகும்!

by **மு.வித்யாசன்** Mon Oct 04, 2010 10:37 pm

கடிதம்
காதல் கடிதம்...

நீ கேட்ட அந்த நிமிடம்
வானம் வெள்ளை தாளானது
வானவில் எழுதுகோலானது
விண்மீன்கள் வார்த்தையானது
வெண்ணிலா, சூரியன் புள்ளியானது
அனுப்பிவைக்க காற்று தகுதியானது
படித்து பார்க்க உனக்கே உருவானது
படைத்து விட்டேன் அது உனக்கென்றதும்
ஏனோ கவிதையானது.

சற்று ஈரமான கவிதைதான் காதல் கடிதம்
இருப்பினும் கடிதம் கேட்டவளுக்கு
கவிதை தந்திருக்கிறான் அந்த நாயகன்.

வாழ்த்துகள் .