அயோத்தி தீர்ப்புக்கு பாகிஸ்தானில் கடும் கண்டனம்

நவீன் · நவீன் Fri Oct 01, 2010 11:40 am

இஸ்லாமாபாத்,

:அயோத்தி தொடர்பாக அலாகாபாத் நீதிமன்றம் அளித்த தீர்ப்புக்கு பாகிஸ்தானின்இஸ்லாமாபாத், ஹைதராபாத், மூல்தான் ஆகிய நகரங்களில் கடும் கண்டனம்தெரிவிக்கப்பட்டது.இந்தியத் தலைவர்களின் உருவப்படங்களும்சுவரொட்டிகளும் வீதிகளில் எரிக்கப்பட்டன.

சில இடங்களில் கடை அடைப்புநடந்தது. இந்தியாவுக்கு எதிராக கோஷங்கள் எழுப்பப்பட்டன.ஹிந்து சமூகத்துக்கு சாதகமாக வழங்கப்பட்ட தீர்ப்பு இது என்று பாகிஸ்தானின் மத விவகார அமைச்சர் ஹமீத் சய்யீத் கஸ்மி கண்டித்தார்.

மூல்தான் நகரில் கடைகள் அடைக்கப்பட்டன. நீதிமன்றத் தீர்ப்பைக் கண்டித்து கோஷங்களை எழுப்பினர்.ஹைதராபாத்நகரில் ஹைதர் சதுக்கத்தில் சுன்னி தேரிக் அமைப்பினர் கண்டன ஆர்ப்பாட்டம்நடத்தினர். இந்திய முஸ்லிம்களின் விருப்பத்துக்கு மாறான இந்தத் தீர்ப்பைஏற்க முடியாது என்று கண்டித்தனர்.

இந்தத் தீர்ப்பை பாகிஸ்தான் அரசுகண்டிக்காமல் ஏற்றுக்கொண்டால் தங்களுடைய போராட்டம் வலுக்கும் என்றுபேச்சாளர்கள் எச்சரித்தனர். இந்தியாவுடனான கலாசார, பொருளாதார உறவுகளைத்துண்டித்துக் கொள்ள வேண்டும் என்றும் அவர்கள் கோரிக்கை விடுத்தனர்.மூல்தானிலும் ஹைதராபாதிலும் இந்தியாவைச் சேர்ந்த அரசியல் தலைவர்களின் சுவரொட்டிகளையும் உருவ பொம்மைகளையும் தீ வைத்து எரித்தனர்.இஸ்லாமாபாதில்மத விவகாரங்களுக்கான அமைச்சர் கஸ்மி நிருபர்களிடம் காட்டமாகப் பேசினார்.முழுக்க முழுக்க ஹிந்துக்களுக்குச் சாதகமான அரசியல் தீர்ப்புதான் இதுஎன்றார்.இந்தியாவில் முஸ்லிம்கள் எந்தவித உரிமைகளும் இல்லாமல் வாழ்கிறார்கள் என்பதற்கு இந்த ஒருதலைப்பட்சமான தீர்ப்பே சாட்சி என்றார்.

பாபர்மசூதி இருந்த இடத்தில்தான் ராமர் பிறந்தார் என்று நீதிமன்றம் கூறிவிட்டு,ஒரு துண்டு நிலத்தைப் போனால் போகிறது என்று முஸ்லிம்களுக்கு தானம்கொடுத்திருக்கிறது என்று சாடினார்.ஒரே இடத்தில் இரு மதத்தவருக்கும்நிலங்களைப் பிரித்துக் கொடுப்பதால் எதிர்காலத்தில் குழப்பமும் மோதலும்தான்அதிகரிக்கும் என்றும் அவர் எச்சரித்தார்.இந்திய முஸ்லிம்கள்தங்களுடைய உரிமைகளை இழக்காமல் இருக்க உச்ச நீதிமன்றத்தில் மேல் முறையீடுசெய்ய வேண்டும் என்று அவர் யோசனை தெரிவித்தார்.

பாகிஸ்தானில்சிறுபான்மைச் சமூகங்களுக்கு பாதிப்பு ஏற்படும்போதெல்லாம் நாம் குரல்கொடுக்கிறோம், இந்தியாவில் அரசு முஸ்லிம்களுக்கு அப்படிச் சாதகமாக நடப்பதேஇல்லை; நியாயமற்ற இந்த முடிவை பாகிஸ்தானின் அனைத்துப் பிரிவு மக்களும்கண்டிக்க வேண்டும் என்றும் கஸ்மி வலியுறுத்தினார்.பாகிஸ்தானின்ஜமியாத் உலேமா அமைப்பைச் சேர்ந்த சாஹிப்சாதா பசில் கரீம், இந்தத் தீர்ப்பை ஏற்க முடியாது, இது சர்வதேச அளவில் கண்டிக்கப்படும் என்றார்.

சர்வதேச அளவில் செயல்படும் இஸ்லாமிய மாநாட்டு அமைப்பு இந்தத் தீர்ப்பைக்கவனத்தில் கொள்ள வேண்டும் என்றும் அவர் கேட்டுக்கொண்டார்.இதுமிகவும் ராஜதந்திரமான தீர்ப்பு என்று கண்டித்தார் ரூயத் இ ஹிலால்கமிட்டித் தலைவர் முப்தி முனீப் உர் ரெஹ்மான். இந்திய முஸ்லிம்கள் அமைதிகாக்க வேண்டும், வன்செயல்களில் இறங்கக்கூடாது, எதிர்ப்பை அமைதியாகத்தெரிவியுங்கள் என்று அவர் வேண்டுகோள் விடுத்தார்.