ஆட்டோ டிரைவர் கைது க்ஷீ40 லட்சம் மீட்பு

ஆவடி : தொண்டு நிறுவனத்தில் 70 லட்சம் ரூபாய் கொள்ளையடித்த ஆட்டோ டிரைவரை போலீசார் கைது செய்தனர். அவரிடம் இருந்து க்ஷீ40 லட்சம் பறிமுதல் செய்யப்பட்டது.ஆவடி அடுத்த பட்டாபிராம் டாக்டர் பீமாராவ் நகர் ஐஏஎப் சாலையை சேர்ந்தவர் ஜான் பிரபாகர் (39). தொண்டு நிறுவனம் மூலம் முதியோர், விதவை, அனாதை குழந்தைகளுக்கு உதவி செய்து வருகிறார். இதற்காக, தமிழகம் மட்டுமின்றி ஆந்திரா, கேரளா, கர்நாடகா, கோவா, மும்பை உள்ளிட்ட மாநிலங்களுக்கு சென்று நன்கொடை வசூலித்து வருவார்.இந்நிலையில், கடந்த 21ம் தேதி நன்கொடையாக வந்த ரூ.70 லட்சத்தை சூட்கேஸில் வைத்து நிறுவனத்தின் கீழ் தளத்தில் மறைத்து வைத்திருந்தார். வெளியூர் சென்று விட்டு நேற்று முன்தினம் வந்து அறையை பார்த்தபோது, ஷட்டர் பூட்டு உடைக்கப்பட்டு திறந்து கிடந்தது. சூட்கேஸில் வைத்திருந்த 70 லட்ச ரூபாய் கொள்ளை போயிருந்தது.பட்டாபிராம் போலீஸ் இன்ஸ்பெக்டர் சத்தியன், சப் இன்ஸ்பெக்டர் தாம்சன் சேவியர், ஜெயரத்தினம் ஆகியோர் வழக்குப் பதிந்து விசாரித்தனர். ஜான் பிரபாகரின் தம்பியான ஆட்டோ டிரைவர் சிகாமணி (25) மீது போலீசாருக்கு சந்தேகம் எழுந்தது. அவரை பிடித்து விசாரித்ததில், கூட்டாளிகளுடன் சேர்ந்து பணத்தை கொள்ளையடித்ததை ஒப்புக் கொண்டார்.இதையடுத்து சிகாமணியை போலீசார் கைது செய்து, க்ஷீ40 லட்சம் பணத்தை பறிமுதல் செய்யப்பட்டது. அவரது கூட்டாளிகள் பட்டாபிராம் கக்கன்ஜி நகரை சேர்ந்த டின்டு (எ) பரமேஸ் (28), மணி (25) ஆகியோரை தேடி வருகின்றனர்.

வடை போச்சே