அதிக சுமை ஏற்றி செல்லும் வாகனங்களுக்கு அபராதம்

நவீன் · நவீன் Fri Oct 01, 2010 11:11 am

சென்னை : தமிழக நெடுஞ்சாலைகளில் செல்லும் சரக்கு வாகனங்களில் இன்று முதல் 7ம் தேதி வரை அதிரடி சோதனை நடத்தப்படும், அதிகப்படியான ஒவ்வொரு டன்னுக்கும் க்ஷீ1000 அபராதம் வசூலிக்கப்படும் என்று போக்குவரத்து ஆணையர் ராஜாராம் தெரிவித்துள்ளார். நெடுஞ்சாலைகளில் அடிக்கடி விபத்துகள் நடக்க முக்கிய காரணம், சரக்கு வாகனங்களில் அதிக சுமை ஏற்றுவதாகும். அதிக சுமை ஏற்றிச் செல்லும் வாகனங்களால், சாலைகள் மற்றும் பாலங்கள் விரைவில் பழுதடைகின்றன. இதை கருத்தில் கொண்டு, சரக்கு வாகனங்களில் அதிக பாரம் ஏற்றுவதை முற்றிலும் தடுக்க, போக்குவரத்துத் துறை தீவிர நடவடிக்கை எடுத்து வருகிறது.இது குறித்து போக்குவரத்து ஆணையர் ராஜாராம் கூறியதாவது: மோட்டார் வாகனச் சட்டத்தில் குறிப்பிட்டுள்ள அளவுக்கு மட்டுமே சரக்கு வாகனங்களில் சுமை அனுமதிக்கப்படும். அளவுக்கு அதிகமாக பாரம் ஏற்றும் வாகன ஓட்டுனர் மற்றும் உரிமையாளர்கள், சொந்த பொறுப்பில் அதிகப்படியான பாரத்தை இறக்கி வைத்த பின்னரே, சாலையில் தொடர்ந்து செல்ல அனுமதிக்கப்படும். இதற்காக இன்று முதல் 7ம் தேதி வரை தமிழ்நாட்டில் உள்ள அனைத்து நெடுஞ்சாலைகளிலும் சோதனை நடத்தப்பட உள்ளது.நிர்ணயிக்கப்பட்ட எடைக்கு அதிகப்படியான சரக்குகளை ஏற்றிவரும் பிற மாநில வாகனங்களுக்கு க்ஷீ2000 அபராதம் மற்றும் அதிகப்படியான ஒவ்வொரு மெட்ரிக் டன்னுக்கும் க்ஷீ1000 அபராதம் வசூலிக்கப்படும். போக்குவரத்து சட்ட விதிமுறைகளை கடைப்பிடிக்காத வாகன ஓட்டுனர், உரிமையாளர் மீது சட்ட ரீதியான நடவடிக்கை எடுக்கப்படும். இதைத் தொடர்ந்து எல்லையோர சோதனைச் சாவடிகளில் தொடர் சோதனை மேற்கொள்ளப்படும். சென்னை மண்டலத்தில் மட்டும் 25 போக்குவரத்து அதிகாரிகள் சோதனையில் ஈடுபடுவார்கள்.இவ்வாறு ஆணையர் ராஜாராம் கூறினார்.

அதிக சுமை ஏற்றி செல்லும் வாகனங்களுக்கு அபராதம்

அதிக சுமை ஏற்றி செல்லும் வாகனங்களுக்கு அபராதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக