வங்கி அதிகாரிகளுடன் போலீசார் ஆலோசனை

நவீன் · நவீன் Fri Oct 01, 2010 11:03 am

சென்னை : வங்கி குற்றங்களை தடுப்பது மற்றும் ஏடிஎம் பாதுகாப்பு குறித்த ஆலோசனைக் கூட்டம் ரிசர்வ் வங்கி அலுவலகத்தில் நேற்று நடந்தது. ஆர்பிஐ வங்கி மண்டல இயக்குனர் கே.ஆர்.ஆனந்தா தலைமை தாங்கினார். வங்கி குற்றங்களை எவ்வாறு தடுப்பது, பாதுகாப்பை பலப்படுத்துவது, பாதுகாப்பிற்காக உள்ள வங்கி தனியார் செக்யூரிட்டிகளை எவ்வாறு கண்காணிப்பது உள்ளிட்ட பல்வேறு அம்சங்கள் குறித்து கூட்டத்தில் விரிவாக ஆலோசிக்கப்பட்டது. நிகழ்ச்சியில் வங்கி உயர் அதிகாரிகள், போலீஸ் உயர் அதிகாரிகள் உள்பட பலர் கலந்து கொண்டனர்.கூட்டம் முடிந்ததும், சென்னை போலீஸ் கமிஷனர் ராஜேந்திரன் நிருபர்களுக்கு அளித்த பேட்டி: வங்கி குற்றங்களை தடுப்பது குறித்து வங்கி அதிகாரிகளுடன் ஆலோசனை நடத்தினோம். இதில், பல்வேறு ஆலோசனைகள் பரிமாறப்பட்டன. சென்னையில் 1,400 ஏடிஎம் மையங்கள் உள்ளன. அனைத்தையும் போலீஸ் நிலையத்துடன் இணைக்க முடியாது. ஒரு சில மையங்களை போலீஸ் நிலையத்துடன் இணைத்துள்ளோம். இதன் மூலம் வங்கி கொள்ளையை தடுக்க முடியும். தற்போது, பண்டிகை காலம் என்பதால் அனைத்து வங்கிகளிலும் உள்ளேயும் வெளியேயும் கண்காணிப்பு கேமரா பொருத்த அறிவுரை வழங்கியுள்ளோம்.துரைப்பாக்கம் ஏடிஎம் கொள்ளை சம்பவத்திற்கு பிறகு சில தொழில்நுட்ப தகவல்கள் எங்களுக்கு கிடைத்துள்ளது. அதன் அடிப்படையில் தீவிர கண்காணிப்பில் ஈடுபட்டுள்ளோம். வங்கி நிர்வாகம் தனியார் செக்யூரிட்டிகளை நியமனம் செய்யும்போது, கவனமாக இருக்க வேண்டும். அவர்களை கண்காணிக்க வேண்டும். 2007 முதல் 2010 வரை நடந்த சைபர் கிரைம் குற்றங்களை பரிசீலித்து வருகிறோம். இவ்வாறு கமிஷனர் ராஜேந்திரன் கூறினார். வங்கி அதிகாரிகளுடன் போலீசார் ஆலோசனை Chennai-new-news-2159

வங்கி அதிகாரிகளுடன் போலீசார் ஆலோசனை Chennai-new-news-2159

வங்கி அதிகாரிகளுடன் போலீசார் ஆலோசனை

வங்கி அதிகாரிகளுடன் போலீசார் ஆலோசனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக