இந்தியாவிடம் அமெரிக்கா தோற்று வருகிறது: ஒபாமா

கல்லூரிகளில் படித்து பட்டம் பெறும் அமெரிக்க இளைஞர்கள் எண்ணிக்கை குறைந்து வருவதால், வேலை வாய்ப்பில் இந்தியா சீனாவிடம் அமெரிக்கா தோற்று வருகிறது என்று அமெரிக்க ஜனாதிபதி ஒபாமா கவலை தெரிவித்து இருக்கிறார்.


அமெரிக்க ஜனாதிபதி ஒபாமா அயோவாவில் நடந்த பொதுக்கூட்டத்தில் கலந்து கொண்டு பேசியதாவது,


அமெரிக்க இளைஞர்கள் கல்லூரிகளில் படித்து பட்டம் பெறுவது குறைந்து வருகிறது. இதனால் வேலைகளுக்கு போட்டிபோடும் நிலையை அமெரிக்கா இழந்து வருகிறது. இந்தியா, சீனா போன்ற நாடுகள் கல்விக்கும், கல்விக்கான கட்டுமானங்களுக்கும் அதிக தொகை செலவிட்டு வருகின்றன.


கல்வி நிலையங்களை பொறுத்தவரை நாம் முதலிடத்தில் இருக்கிறோம். மாணவர்கள் எண்ணிக்கையை பொறுத்தவரை நாம் 12வது இடத்தில் இருக்கிறோம். இதனால் எதிர்காலத்தில் வேலை வாய்ப்புகள் அமெரிக்கர்களுக்கு மிக குறைவாகவே கிடைக்கும்.


பூமியிலேயே அதிக அளவுக்கு உற்பத்தி செய்யும் நாடாக இருக்கும் அமெரிக்கா, அந்த நிலையில் இருந்து நழுவ தொடங்கி உள்ளது.


முன்பை விட இந்தியா, சீனா ஆகிய நாடுகள் தங்கள் குழந்தைகளுக்கு கல்வி அறிவு புகட்டுவதில் ஆக்ரோஷமாக ஈடுபட்டு வருகின்றன. அமெரிக்கா இந்த நாடுகளிடம் பலத்த போட்டியை எதிர்நோக்கி உள்ளது. விரைவிலோ அல்லது சில காலம் கழித்தோ அவர்கள் நம்மை முந்தி விடுவார்கள்.


இந்த நாடுகளுடன் நாம் எல்லா நிலையிலும் போட்டி போடவேண்டி உள்ளது. அவர்கள் தங்கள் சக்தியை விட அதிகமாக ஏற்றுமதி செய்து வருகிறார்கள்.


எதிர்காலத்தில் வெற்றியை தேடி தரப்போகிற தூய்மையான எரிசக்திக்கான ஆதாரங்களை கண்டறிவதற்கான ஆராய்ச்சிகளில் இந்தியா, சீனா போன்ற நாடுகள் ஈடுபட்டு உள்ளன. இதில் நாம் ஈடுபடாவிட்டால், எதிர்கால வேலைகள் எல்லாம் அவர்கள் கைகளில் தான் இருக்கும். அமெரிக்கர்கள் அவர்களுக்கு தொண்டூழியம் செய்யவேண்டியது தான்.


பட்டதாரிகள் எண்ணிக்கை குறைந்து வருவதால், ஆராய்ச்சிகளும் அமெரிக்காவில் குறைந்து விட்டன. கல்வித்துறையில் நமக்கு சரிவு ஏற்பட்டதற்கு காரணம், முந்தைய ஆட்சியாளர்கள் தான் பொறுப்பு. புஷ் ஆட்சி காலத்தில் தான் சர்வதேச அளவில் போட்டியிடும் தன்மை குறைந்து போனது என்றார்.