இளம்பெண் தீயில் கருகி பலி கணவன் குடும்பம் மீது புகார்

by நவீன் Thu Sep 30, 2010 2:07 pm

தண்டையார்பேட்டை : காதல் திருமணம் செய்த 6 மாதத்தில் இளம்பெண் தீயில் கருகி இறந்தார். அவரது உறவினர்கள் மறியல் செய்ததால் பரபரப்பு ஏற்பட்டது. தண்டையார்பேட்டை படேல் நகரை சேர்ந்தவர் சாகுல் அமீது (28). பர்மா பஜாரில் கடை வைத்துள்ளார். இவரது மனைவி நிஷா (22). இருவரும் காதலித்து 6 மாதத்துக்கு முன்பு திருமணம் செய்துகொண்டனர். வீட்டு வேலை செய்யாததால் நிஷாவை மாமியார் கண்டித்ததாக கூறப்படுகிறது. இதுபற்றி தனது அம்மாவிடம் நிஷா கூறியுள்ளார். இந்நிலையில், நேற்று முன்தினம் நிஷா வீட்டில் தீயில் கருகித் துடித்தார். அவரது அலறல் சத்தம் கேட்டு அக்கம் பக்கத்தில் இருந்தவர்கள் ஓடி வந்து நிஷாவை மீட்டு, கீழ்ப்பாக்கம் அரசு மருத்துவமனையில் சேர்த்தனர். அங்கு அவர் இறந்தார்.நிஷாவின் தாய் மெகரா பேகம் ஆர்.கே.நகர் போலீசில் அளித்த புகாரில், திருமணம் முடிந்ததில் இருந்தே வரதட்சணை கேட்டு என் மகளை கொடுமைப்படுத்தினர். நேற்று முன்தினம் அவளை பார்க்க வீட்டுக்கு சென்றேன். அப்போது பார்க்க விடாமல் சாகுல்அமீது மற்றும் அவரது அம்மா, சகோதரி தடுத்தனர். நான் திரும்பிய சிறிது நேரத்தில் நிஷா தீக்குளித்து இறந்ததாக போன் செய்தனர். என் மகள் தீக்குளிக்கும் அளவுக்கு கோழை அல்ல. அவளை கணவன், மாமியார், நாத்தனார் சேர்ந்து கொன்று விட்டனர் என்று கூறியுள்ளார்.நிஷாவின் உறவினர்கள் உட்பட 100&க்கும் மேற்பட்டோர் ஆர்.கே.நகர் போலீஸ் நிலையம் முன்பு நேற்று காலை திரண்டு மறியல் செய்தனர். இதனால் பரபரப்பு ஏற்பட்டது. இன்ஸ்பெக்டர் சரவணபிரபு சமரச பேச்சு நடத்தினார். சம்பந்தப்பட்டவர்கள் மீது நடவடிக்கை எடுப்பதாக உறுதி அளித்ததைத் தொடர்ந்து மறியலை கைவிட்டனர். இதனால் அப்பகுதியில் அரை மணி நேரம் போக்குவரத்து பாதிக்கப்பட்டது. இளம்பெண் தீயில் கருகி பலி கணவன் குடும்பம் மீது புகார் Tamil-crime-news-1963

இளம்பெண் தீயில் கருகி பலி கணவன் குடும்பம் மீது புகார் Tamil-crime-news-1963

by கார்த்திக் Thu Sep 30, 2010 2:09 pm

இளம்பெண் தீயில் கருகி பலி கணவன் குடும்பம் மீது புகார்

இளம்பெண் தீயில் கருகி பலி கணவன் குடும்பம் மீது புகார்

Re: இளம்பெண் தீயில் கருகி பலி கணவன் குடும்பம் மீது புகார்