டூட்டியை ஊதிக் கெடுக்கும் ஊழியர்கள் டீக்கடை, டாய்லெட், மொட்டை மாடி.. ஆய்வில் அதிர்ச்சி தகவல்

லண்டன் & சிகரெட் பழக்கமுள்ளவர்கள் அலுவலக நேரத்தில் ஆண்டுக்கு 240 மணி நேரத்தை வீணாக¢குவதாக லண்டனில் நடத்தப்பட்ட ஆய்வில் தெரியவந்துள்ளது. ‘டேபிள்ல ஏகப்பட்ட ஃபைல் கிடக்கு. வேலை நேரத்துல இவர் அடிக்கடி எங்கே போறாரு’ என அலுவலகத்தில் பாஸ் இப்படி அவ்வப்போது முணுமுணுப்பதை பார்த்திருக்கலாம்.இப்படி அடிக்கடி கட் அடித்துவிட்டு வெளியே போய்வரும் ஊழியர்களில் பெரும்பாலானோர் சிகரெட் பிரியர்கள் என லண்டனிலுள்ள வெப்சைட் ஒன்று நடத்திய ஆய்வில் தெரியவந்துள்ளது. இவர்கள் அலுவலக வேலைநேரத்தில் ஒரு நாளில் நான்கு முறையாவது வெளியே போய் தம் போட்டுவிட்டு வருகிறார்களாம். இதன்படி ஆண்டுக்கு 240 மணி நேரம் இவர்கள் பிரேக் எடுத்துக் கொள்கிறார்கள். 44 ஆண்டுகள் பணியில் ஈடுபடுகிறார்கள் என¢றால், அதில் 10 ஆயிரத்து 680 மணி நேரத்தை ஊதியே தள்ளுகிறார்கள் இந்த புகைப் பிரியர்கள்.லண்டன் போன்ற நகரங்களில் ஆண்களைவிட பெண்கள் இதில் மும்முரமாக இருப்பதாகவும் ஆய்வு தகவல் சொல்கிறது. குரூப்பாக ஆண் நண்பர்களுடன் செல்லும் பெண் ஊழியர்கள், சிகரெட்டை அதிகமாக ஊதித் தள்ளுகிறார்கள் என்கிறது ரிப்போர்ட். ‘நாட்டிலுள்ள எல்லா அலுவலகங்களிலும் இந்த நிலைதான் இருக்கிறது. சிலர் நண்பர்களுடன் வெளியே சென்று தம் அடிக்க விரும்புகிறார்கள். அந்த நபர்கள், சிகரெட் பிடிக்காத நபரின் நேரத்தையும் சேர்த்து வீணடிக்கிறார்கள்’ என்பதும் ஆய்வுத் தகவல்.லண்டனில் ஆய்வுகள் சொல்லும் தகவலை நம்மூரில் அனுபவத்திலேயே எல்லா ஆபீஸ்களும் உணர்ந்து வைத்துள்ளன. பிரேக் டைமில் தம் அடித்தது போக கிடைக்கிற கேப்பில் எல்லாம் ஊதித் தள்ளுகிறவர்கள் உண்மையிலேயே ஆபீஸ் டூட்டி நேரத்தை வீணடிக்கிறார்கள். அவர்கள் சார்ந்திருக்கும் டிபார்ட்மென்ட் மட்டுமல்லாது, தொடர்புடைய இன்ன பிற டிபார்ட்மென்ட் பணிகளும் இவர்களால் பாதிக்கப்படுவது நித்தம் நித்தம் ஆபீஸ் அனுபவிக்கும் டார்ச்சர்.

இந்த பக்கிரி மாதிரி ஆளுங்க எல்லாம் இப்படிதான் இருக்காங்க நவீனு