‘சீ போங்க.. கூச்சமா இருக்கு’ இதற்கும் வந்தாச்சு மருந்து

ஜெருசலேம் & சிலர் சமூகத்துடன் ஒட்டாமல் தனித்து நிற்பார்கள். கல்யாணம், காதுகுத்துக்கு வரக்கூட வெட்கப்படுவார்கள். சில குழந்தைகள் அநியாயத்துக்கு வெட்கப்படும். எல்லாவற்றுக்கும் தயங்கும். இதில் முற்றிய நிலைதான் ஆட்டிசம் என்ற மூளைக்குறைபாடு என்கின்றனர் ஆராய்ச்சியாளர்கள். சமூகத்துடன் ஒட்டாமல் தனித்து நிற்பது, அளவுக்கு அதிகமாக வெட்கப்பட்டு ஒதுங்கி நிற்பது அவர்களது பிறவிக்குணம் அல்ல. இதுகூட சுரப்பிகளின் குறைபாடே என்கின்றனர்.இதுதொடர்பாக இஸ்ரேல் ஆட்டிசம் ஆராய்ச்சி மற்றும் சிகிச்சை நிறுவனமும், அமெரிக்காவின் கொலம்பியா பல்கலைக் கழகமும் இணைந்து ஆட்டிசம் மற்றும் அதுதொடர்பாக விரிவான ஆராய்ச்சியை மேற்கொண்டனர். ஆய்வு முடிவில் கூறப்படுவதாவது:எப்போதும் தனிமையை விரும்புபவர்கள், பொது இடங்களில் கூச்சப்பட்டு தங்களது கருத்துகளை வெளிப்படுத்த தயங்குபவர்கள், மனைவியிடம்கூட காதல், ஆசை போன்ற உணர்வுகளை வெளிப்படுத்தாமல் இருப்பவர்கள் என மனிதரில் பல ரகம் உண்டு. இது அவர்களது பிறவி குணம் என்றுதான் பலரும் நினைப்பார்கள். ஆனால், அவர்களது இந்த குணத்துக்கு நரம்பு, சுரப்பிகளின் குறைபாடே காரணம்.உணர்ச்சிகளை வெளிப்படுத்தவும் உடலில் தனித்தனி ஹார்மோன்கள் உள்ளன. அதன் செயல்பாடுகளுக்கு ஏற்ப நமது விருப்பு, வெறுப்புகள், குணங்கள் அமைகின்றன. உரிய மருந்து கொடுத்து ஹார்மோன் அளவை சரிசெய்தால் கூச்ச சுபாவத்தைக்கூட மாற்ற முடியும்.ஆட்டிசம் என்பது ஒருவகை மூளைக் குறைபாடு. இதனால் பாதிக்கப்படுபவர்கள் பெரும்பாலும் தனிமையை மட்டுமே விரும்புவார்கள். மற்றவர்களுடன் பழகுவது, பேசுவதை தவிர்ப்பார்கள். இது அதிகரிக்கும்போது தகுந்த மருத்துவ சிகிச்சை அளிக்க வேண்டியது கட்டாயம். ஆரம்பக் காலத்தில் கண்டுபிடித்தால் ‘ஆக்சிடோசின்’ மருந்து கொடுத்து எளிதில் குணப்படுத்தி விடலாம். இது ஆராய்ச்சி மூலம் நிரூபணமாகி உள்ளது.