வடமேற்கு சௌதி அரேபியாவை அச்சுறுத்தும் எரிமலைகள்

நவீன் · நவீன் Thu Sep 30, 2010 11:39 am

வடமேற்கு சௌதிஅரேபியாவின் சில பகுதிகளுக்குக் கீழ் மேக்மா, எரிமலை உருவாக்கச் செயல்பாடுகளைக் கொண்டிருப்பதாக அமெரிக்க புவியியல் ஆய்வு மையம் தெரிவித்துள்ளது.

ஹர்ரத் லுனாயிர் என்ற பகுதியில் மட்டும் கடந்த ஆண்டு மே மாதம் ஜூன் மாதம் வரை 30,000 சிறு நிலநடுக்கங்கள் ஏற்பட்டுள்ளது. இதனால் 5 மைல் நீளமுடைய பெரிய பிளவு ஏற்பட்டுள்ளதாக அமெரிக்க புவியியல் ஆய்வு மையம் தெரிவித்துள்ளது.

அந்தச் சமயங்களில் மட்டும் சௌதி அரேபிய அரசு அப்பகுதியில் வசித்து வந்த 40,000 மக்களை அப்பகுதியிலிருந்து வேறு இடங்களுக்கு அப்புறப்படுத்தியுள்ளது. ஆனால் மீண்டும் அவர்கள் அங்கு குடியமர்த்தப்பட்டு வருகின்றனர்.

ஆனால் மீண்டும் நிலநடுக்கங்கள் ஏற்படும் வாய்ப்பு இருப்பதால் அங்கிருந்து அவர்கள் வெளியேறவேண்டி நேரிடும் என்று யு.எஸ்.ஜி.எஸ். எச்சரித்துள்ளது.

"இந்தப் பகுதியில் குறிப்பிடத்தகுந்த புவி இடர்பாடுகள் இருந்து வருகிறது." என்று யு.எஸ்.ஜி.எஸ். ஆய்வாளர்கள் எச்சரிக்கை விடுத்துள்ளனர்.

லாவா வயல்களுக்குப்பெயர்போன இடமாக இது திகழ்கிறது. அதனால்தான் அரேபிய மொழியில் இது ஹர்ரத் என்று அழைக்கப்படுகிறது. அதேபோல் டெப்ரா என்று அழைக்கப்படும் எரிமலைக் கூம்புகளையும் கொண்டுள்ளது.

இந்த லாவா வயல்களால் எரிமலை வெடிப்பு அவ்வளவு குறைந்த இடைவெளியில் ஏற்படாது என்றாலும் இவை செயல்பாட்டில் இருப்பதால் இடர்பாடுகளைத் தவிர்க்கவியலாது என்று இந்த ஆய்வாளர்கள் தெரிவித்துள்ளனர்.

வடமேற்கு சௌதி அரேபியாவை அச்சுறுத்தும் எரிமலைகள்

வடமேற்கு சௌதி அரேபியாவை அச்சுறுத்தும் எரிமலைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக