ஓராண்டாகவே டாக்டருக்கு "டார்ச்சர்' கொடுத்து வந்த லஞ்ச இன்ஸ்பெக்டர்

மதுரை : மதுரையில் ரூ.1.20 லட்சம் லஞ்சம் வாங்கிய வழக்கில், கைதான லஞ்சஒழிப்பு இன்ஸ்பெக்டர் பெருமாள்பாண்டியன், ஓராண்டாகவே டாக்டரிடம் மறைமுகமாகலஞ்சம் கேட்டு "டார்ச்சர்' கொடுத்தது வந்தது, தெரியவந்துள்ளது.மேலூர் அரசுசித்தா டாக்டர் அசோக்குமார், வருமானத்திற்கு அதிகமான சொத்து சேர்த்ததாகபுகார் கிளம்பியது. இதுகுறித்து விசாரணை நடத்திய மதுரை லஞ்சஒழிப்புஇன்ஸ்பெக்டர் பெருமாள்பாண்டியன், உறவினர் நமச்சிவாயம் மூலம் "பேச்சு'நடத்தி, நேற்று முன் தினம் 1.20 லட்சம் ரூபாய் வாங்கியதாக இருவரும் கைதுசெய்யப்பட்டனர்.
உண்மையில் நடந்தது என்ன?:டாக்டர் அசோக்குமாருக்கு சொந்தமான இடம் மதுரைவிஸ்வநாதபுரத்தில் உள்ளது. பாதை தொடர்பாக இவருக்கும், வக்கீல்ஒருவருக்கும் கருத்து வேறுபாடு ஏற்பட்டது. இதுதொடர்பாக கோர்ட்டில்வழக்கும் தொடரப்பட்டது.இந்நிலையில், "அரசு டாக்டரான அசோக்குமார்,விதிமுறையை மீறி, வீடு கட்டி விற்கும் தொழில் செய்கிறார்' என்று,கடந்தாண்டு செப்.,1 ல் போட்டோ ஆதாரத்துடன் லஞ்சஒழிப்பு போலீசிற்கு புகார்அனுப்பப்பட்டது. இதுகுறித்து கடந்த ஓராண்டாகவே அசோக்குமாரிடம்இன்ஸ்பெக்டர் பெருமாள்பாண்டியன் விசாரணை நடத்தினார். ஆனால், ஆதாரமாகஅனுப்பப்பட்ட போட்டோவில் உள்ள வீடு, அதற்குரிய நிலம் அசோக்குமாருக்குசொந்தமானதா, என இன்ஸ்பெக்டர் விசாரிக்கவில்லை. மறைமுகமாக லஞ்சம்கேட்பதிலேயே குறியாக இருந்தார். இரு மாதங்களுக்கு முன் விசாரணையை"தீவிரப்படுத்தினார்'. டாக்டரிடம் நேரடியாக லஞ்சம் கேட்க தயங்கி, உறவினர்நமச்சிவாயத்தை அனுப்பி வைத்தார்.
பேரம் ஆரம்பமானது :"இன்ஸ்பெக்டர் அனுப்பி வைத்த'தாக கூறி, டாக்டரிடம்அறிமுகமானார் நமச்சிவாயம். பேரம் 12 லட்சத்தில் துவங்கியது. அவ்வப்போதுவிசாரணை என்ற பெயரில், லஞ்சஒழிப்பு பிரிவு அலுவலகம் அருகே, இரவு 7 மணிக்குமேல் டாக்டரை வரவழைத்து, இன்ஸ்பெக்டர் பேரம் பேசினார். "மொபைல் போனில்"டீலிங்' பேசி சிக்கலாகி விடும்' என்று கருதி, நேரில் பேசி இருக்கிறார்.லஞ்சஒழிப்பு பிரிவில் இருந்துக் கொண்டே லஞ்சம் கேட்பதை பொறுக்க முடியாதடாக்டர், இன்ஸ்பெக்டரை சிக்க வைக்க முடிவு செய்தார். பேர முடிவில், 5லட்சம் ரூபாய் தருவதாக ஒப்புக்கொள்வது போல் நடித்து, அட்வான்சாக 1.20லட்சம் ரூபாயை தரமுன்வந்தார். இதுகுறித்து, தனது நண்பர் மூலம் திருச்சிலஞ்சஒழிப்புத்துறை டி.எஸ்.பி., அம்பிகாபதிக்கு தகவல் கொடுத்தார். மதுரைஅல்லது தென்மாவட்ட லஞ்சஒழிப்பு போலீசிற்கு தகவல் கொடுத்தால்,இன்ஸ்பெக்டருக்கு எப்படியாவது தெரிந்துவிடும் என்பதால் திருச்சியை டாக்டர்தேர்ந்தெடுத்தார்.
தனிப்படை அமைப்பு : லஞ்சஒழிப்பு துறை ஏ.டி.ஜி.பி., உத்தரவுகிடைத்தவுடன், பெருமாள் பாண்டியன் ஏற்கனவே பணியாற்றிய இடங்களில் லஞ்சம்வாங்கியுள்ளாரா? வருமானத்திற்கு மீறி சொத்து சேர்த்துள்ளாரா என்பதுகுறித்து விசாரிக்க தனிப்படை அமைக்கப்படவுள்ளது.