எந்த சந்தர்ப்பத்துக்கு என்ன கலர்?

கருப்பு என்பது துக்க நிறம்

ஒரு காலத்தில். இப்போது அதுதான் எல்லாருக்கும் பிடிச்ச கலர். கல்யாண வரவேற்பு மாதிரியான நல்ல விசேஷங்களில் கருப்பில் அணிவது வேகமாகப் பரவி வருகிற ஃபேஷன். கருப்பு அணிகிற போது தலை முதல் கால் வரை எல்லாம் கருப்பு மயமாக அணிந்தால், நீங்களே உங்களைப் பார்த்துப் பயப்படுவீர்கள். எனவே கருப்பு சேலை என்றால், சிகப்பு நிறத்தில் பாந்தினி டிசைனில் ஜாக்கெட்டும், சல்வார் கமீஸுக்கு சிகப்பு நிற பாந்தினி துப்பட்டாவும் அணியலாம். மாலை நேர விசேஷங்களுக்கு ஏற்ற நிறம் கருப்பு. வெயில் காலத்தில் மட்டும் வேண்டாம்.

வெள்ளை நிறம் அணியும் போது உங்களையும் அறியாமல் ஒருவித அமைதி உங்களைப் பற்றிக் கொள்ளும். அது அந்த நிறத் துக்கே உள்ள சக்தி. வெள்ளை நிற சல்வாருக்கு கருப்பு நிற பேண்ட்டும், வெளிர் நிற பேண்ட் மற்றும் துப்பட் டாக்களும் பொருத்தமாக இருக்கும். கருப்பு-வெள்ளை காம்பினேஷனுக்கு எப்போதும் உண்டு தனிக் கவர்ச்சி.

நீங்கள் ரொம்பவும் கூச்ச சுபாவியா? பயந்தாங் கொள்ளியா? சிகப்பு நிறத்தில் அடிக்கடி உடை அணியுங் கள். அது உங்களை தைரியசாலியாகக் காட்டும்.

இன்டர்வியூ அல்லது முக்கியமான நபர்களை சந்திக்கச் செல்கிற போதெல்லாம் அடிக்கிற ஆரஞ்சு, பச்சை, மிட்டாய் பிங்க் மாதிரி நிறங்க ளைத் தவிருங்கள். வெளிர் நிறமே கண்ணிய மாகக் காட்டும்.

பிசினஸ் மீட்டிங் மாதிரியான முக்கிய மான சந்தர்ப்பங்களின் போது அணிய கிரே கலர் சிறந்தது.

அலுவலகம் போகிற பெண்கள் இளம் சிகப்பு, வெளிர் மஞ்சள், பேபி நீலம் மாதிரியான உடைகளில் மதிப்பாகத் தெரிவார்கள்.

நீல நிறம் எல்லா சந்தர்ப்பங்களுக்கும் ஏற்றது. நீல நிறம் அணிகிற போது மற்ற நிறங்கள் அணிகிற போது உள்ளதைவிட அதிக சரளமாக மற்றவர்களிடம் பேச முடியுமாம்.

அடிக்கிற பச்சை நிறம் அலுவலகம் போகிற பெண்கள் தவிர்க்க வேண்டிய ஒன்று.

மஞ்சள் விரும்பிகள் அத்துடன் லேசான தங்க அல்லது மஸ்டர்ட் ஷேடு கலந்து உடுத்தினால் பேரழகு.

கருப்பு, நேவி ப்ளூ, ஆலிவ், ஊதா, சாக்லேட் பிரவுன், கத்தரிக்காய் நிறம், பர்கண்டி போன்றவற்றுக்கு ஒருவரை ஒல்லியாகக் காட்டும் திறன் உண்டாம்.

பளிச்சென்ற, பளபளப்பான நிறங்கள் குண்டாகக் காட்டக் கூடியவை.

ரொம்பவும் குள்ளமானவர்கள், வெவ்வேறு நிறத்தில் சேலை, ஜாக்கெட்டோ, சுடிதாரோ அணியக் கூடாது. ஒரே நிறத்தில் இருக்குமாறு அணிந்தால் உயரம் அதிகமாகத் தெரியும்.

ஒரு குறிப்பிட்ட கலரில் உடை உடுத்தும் போதெல்லாம் மற்றவர்களது பாராட்டுகள் உங்களுக்குக் கிடைப்பதைப் பார்த்திருப்பீர்கள். அது என்ன நிறம் எனத் தெரிந்து கொண்டு, அதிக கவனம் செலுத்துங்கள்.