பல்க் எஸ்.எம்.எஸ்.க்கு தடை

by கார்த்திக் Wed 29 Sep 2010, 15:43

First topic message reminder :

அயோத்தி தீர்ப்பையொட்டி, பல்க் எஸ்.எம்.எஸ்.,க்கு அக்டோபர் 2ஆம் தேதி வரை தடை விதிக்கப்பட்டுள்ளது.

அயோத்தியில் சர்ச்சைக்குரிய நிலம் தொடர்பான வழக்கில் தீர்ப்பு வெளியாவதையொட்டி, தீர்ப்புக்கு முன்னரும், பின்னரும், வதந்திகள் பரவுவதை தடுக்கும் வகையில், மத்திய அரசு தகவல் தொடர்பு அமைச்சகம் அதிரடி நடவடிக்கை எடுத்துள்ளது.

மொபைல் வாடிக்கையாளர்கள் தங்கள் மொபைல் போனில் இருந்து மொத்தமாக பலருக்கு எஸ்.எம்.எஸ்., மற்றும் எம்.எம்.எஸ்., அனுப்புவதற்கு தடை விதிக்கப்படுகிறது.

இந்த உத்தரவு அக்டோபர் 2ஆம் தேதி வரை அமலில் இருக்கும் என அறிவிக்கப்பட்டுள்ளது. தீர்ப்புக்கு பின், விஷமிகள் சிலர் உணர்ச்சிப் பெருக்கில் வதந்திகளை பரப்பாமல் இருப்பதற்காகவும், முன்னெச்சரிக்கை நடவடிக்கையாகவும் அரசு இந்த நடவடிக்கையை எடுத்திருந்தது.

இந்த உத்தரவு அனைத்து மொபைல் சேவையை வழங்கும் நிறுவனங்களுக்கும்
அனுப்பப்பட்டுள்ளது.

நக்கீரன்