கடி ஜோக்ஸ்

by **சிவா** Wed Sep 29, 2010 4:46 am

1. ""கல்லூரியில் இடம் தர "அவர்' மறுத்துவிட்டார். இதில், "அவர்' என்பது ஆண்பாலா? பெண்பாலா?''

""இரண்டும் இல்லை சார்! "அவர்' பிரின்ஸி"பால்!'

மெ.அ.கா.ஹாஜா தவ்பிக், காயல்பட்டினம்.

2. ""மனசு ரொம்ப பாரமா இருக்கு டாக்டர்!''

""ஐயையோ... உடனே எழுந்திருங்க!''

""ஏன் டாக்டர்?''

""அதிக பாரத்தை இந்த ஸ்டூல் தாங்காது!''

ஜீ.வி.சுபாஷ், கதவு எண்:100/31, பென்னாடம் வெங்கட் ராமைய்யர் தெரு (சந்து), சேலம்-636 001.

3. ""அந்தக் கிராமத்தில் எங்க பார்த்தாலும் குண்டூசியா இருக்கே... ஏன்?''

""அது மிகவும் "பின்' தங்கிய கிராமம்.''

ஜி.உஷா, 15, 16-வது குறுக்குத் தெரு, சக்தி நகர், செங்குன்றம், சென்னை-600 107.

4. ""இன்ஸ்பெக்டர் சார்! எங்க வீட்டுல பூட்டை உடைச்சி பத்து லட்சம் ரூபாயை கொள்ளையடிச்சிட்டாங்க!''

""ஆச்சரியமா இருக்கே. பூட்டுக்குள்ள எப்படி பத்து லட்சத்தை வெச்சிங்க!''

பி.கவிதா, சிதம்பரம்

5. ""பூனைக்கும், எலிக்கும் என்ன வித்தியாசம்?''

""பூனை எலியைப் பிடிக்கும். எலிக்கு பூனையைப் பிடிக்காது.''

அ.பேச்சியப்பன், ராஜபாளையம்.

6. ""என் எதிர் வீட்டுக்காரர் ஒண்ணாவதுகூட படிக்கலை. ஆனா, நல்லா வாசிக்கிறார்.''

""எப்படி?''

""அவர் வாசிக்கிறது மேளம் ஆச்சே!''

இரா.வசந்தராசன், அரூர்.

தினமணி