115 மணி நேரம் நடனம்: கேரள பெண் சாதனை

கார்த்திக் · கார்த்திக் Mon Sep 27, 2010 9:21 am

கேரள மாநிலம் கலமண்டலம் என்ற ஊரை சேர்ந்த பிரபல மோகினி ஆட்ட நடன மங்கை ஹேமலதா, தொடர்ந்து 115 மணி நேரம் மோகினி நடனம் ஆடி சாதனை படைத்தார்.

திருச்சூரில் இந்த சாதனை நிகழ்ச்சி நடந்தது. ஒரு மணி நேரத்துக்கு 5 நிமிடம் மட்டும் அவர் ஓய்வு எடுத்தார்.

108 மணி நேரம் நடனம் ஆடி ஐதராபாத்தை சேர்ந்த ஒரு பெண் முன்பு சாதனை படைத்து இருந்தார். அவரது சாதனையை ஹேமலதா முறியடித்து கின்னஸ் சாதனை புத்தகத்தில் இடம் பெற்றார்.

இந்த சாதனையை முடித்ததும் அவர் களைப்பின் காரணமாக தனியார் மருத்துவமனையில் அனுமதிக்கப்பட்டார்.

ஹேமலதா, திருச்சி பாரதிதாசன் பல்கலைக்கழகத்தில் பரதநாட்டியக் கலையில் பட்டம் பெற்றவர் என்பது குறிப்பிடத்தக்கது