அப்பாவின் இணையடியில் பாச்சரம்!

by nilaaa Tue Sep 28, 2010 11:03 am

First topic message reminder :

[url=src='https://2img.net/r/ihimizer/img210/3796/appa.jpg' border='0'/>]

[/url]

எந்தையே! உடலால் எமைப் பிரிந்து
ஆனது ஏழாண்டுகள்!
முந்தை வினைப்பயனே!
போனதேன் எமை விட்டு?

கடமை முடிந்ததென்று
கண்ணை மூடினீரோ?
கடவுள் அடி தனில்
கண்டீரோ நிம்மதி?

காலமெல்லாம் எமக்காய்
கடுமையாய் உழைத்தவரே!
காசினியில் வந்துதிக்கும்
உடுக்களுக்கு இடம் வைத்தீரோ?

வெய்யிலில் தான் தெரியும்
நிழலின் அருமையென
விரைந்தீரோ விண்ணுலகம்!
விம்முகிறோம்! வேதனையில்!

காலங்கள் போனாலும்
காலனவன் உமைக் கவர்ந்து!
கர்வமெம் மனதில், மகவென
கண்ணியமான தந்தைக்கு!

புன்னகையும் பொசுக்கெனவரும்
பொய்க்கோபமும் கொண்ட எம்
பொக்கிஷமே! இனிவரும்
பிறப்பிலும் நான் உங்கள்
பிள்ளையாகப் பிறக்கவேண்டும்!

இன்னுமோர் தாயாய் எமைக் காத்தவரே!
இல்லாள் தனின் உளமறிந்து நடப்பவரே!
என்றும் உண்டு உங்கள் ஆசி..
இறைஞ்சுகிறோம் நின்னடியே!

உங்கள் கடைக்குட்டி வதனி
(நிலா லண்டன்)

by nilaaa Wed Sep 29, 2010 10:41 am

ஹாசிம் wrote:அருமையான வரிகளில் தந்தைபுகள்
அவர் மனம் சாந்தியடைய வேண்டுகிறேன்

நன்றி ஹாசிம்!

by nilaaa Wed Sep 29, 2010 10:46 am

முபிஸ் wrote:அருமையான வரிகள் உண்மையில் அழ வைத்து விட்டீர்கள் என்னை விட்டு பிரிந்த தந்தையின் ஞாபகம் வந்து விட்டது

வாழ்வில் எஞ்சுவது நினைவுகள் தானே. பணமோ பொருளோ அல்லவே!

நன்றி

by srinihasan Wed Sep 29, 2010 11:33 am

இன்று உங்களுடன் அருகினில் துணையாக இல்லாமல் இருந்தாலும்... உங்கள் மனத்தினில் தோன்றும் சில கவலைகளையும் மறக்க செய்து தங்களின் உற்சாகத்திற்கு, முன்னேற்றத்திற்கு மற்றும் நல்வாழ்விற்கும் உங்கள் தந்தை என்றென்றும் உடனிருந்து ஆசிர்வதிப்பார்...