இஷ்டத்துக்கு பேரு வைக்கிறாங்க! தமிழக அரசு கவலை!!

தமிழ் திரையுலகில் தமிழ் பெயர் என்ற பெயரில் இஷ்டத்துக்கு பெயர் வைத்து விட்டு வரிவிலக்கு கேட்கிறார்கள் என்று தமிழக அரசு தெரிவித்துள்ளது. அத்தகைய படங்களுக்கு வரிவிலக்கு வழங்கப்பட் மாட்டாது என்றும் அரசின் புதிய அறிவிப்பில் கூறப்பட்டுள்ளது. தமிழில் பெயர் வைக்கும் தமிழ் சினிமாக்களுக்கு வரிவிலக்கு அளிக்கப்படும் என்று தமிழக அரசு ஏற்கனவே அறிவித்து, அந்த அறிவிப்பை துரிதகதியில் செயல்படுத்தி வருகிறது. இதன் மூலம் நலிந்து (?) வரும் திரையுலகம் கேளிக்கை வரிச்சுமையில் இருந்து தப்பித்து மீண்டு எழுந்து வந்து கொண்டிருக்கிறது. இந்நிலையில் தமிழ்ப்பெயர் என்ற பெயரில் சிலர் இஷ்டத்துக்கு பெயர் வைத்துவிட்டு, வரிவிலக்கு கேட்பதாக தமிழக அரசு கவலை தெரிவித்துள்ளது.

இதுதொடர்பாக தமிழக அரசு வெளியிட்ட செய்திக்குறிப்பில் கூறப்பட்டு இருப்பதாவது:

தமிழில் பெயரிடப்படும் திரைப்படங்களுக்கு மட்டுமே கேளிக்கை வரி முழுமையாக விலக்கு அளிக்கப்படும் என்று முதல்வர் கருணாநிதி ஏற்கனவே அறிவித்துள்ளார். தமிழ்த் திரைப்பட துறையினரோடு கலந்து ஆலோசித்து எடுக்கப்பட்ட இந்த அறிவிப்புக்கு இணங்க அந்த அறிவிப்பையும், தமிழ் மொழி வளர்ச்சியையும் கவனமாக கருத்தில் கொண்டு தமிழ்ப்படங்கள் தயாரித்தவர்கள் கேளிக்கை வரிவிலக்கைப் பெற்று பயன் அடைந்திருக்கிறார்கள். இடையிலே, ஒருசிலர் தங்கள் விருப்பத்திற்கு பெயர்களை வைத்துக்கொண்டு அதுவும் தமிழ்தான் என்று வாதாடுவதும், வரிவிலக்கு கோரி பரிந்துரை செய்வதும், தற்போது வழக்கமாகி வருவதை கண்டு பெரிதும் வருந்துவதோடு, தொடக்கத்தில் அரசு விதித்துள்ள நிபந்தனைப்படி, எந்த ஒரு திரைப்படமும் தமிழில் பெயரிடப்படாமல் வெளிவருமேயானால் அந்த திரைப்படத்துக்கு கேளிக்கை வரிவிலக்கு கண்டிப்பாக வழங்கப்படாது என்று தெரிவிக்கப்படுகிறது.

இவ்வாறு அதில் கூறப்பட்டுள்ளது.

தமிழில் பெயர் வைக்கப்படும் பல படங்களில் இரண்டாம் தலைப்பாக ஆங்கிலத்தில் பெயர் வைப்பது வாடிக்கையாகி விட்டது. உதாரணத்திற்கு எந்திரன் - தி ரோபோ, வ - குவாட்டர் கட்டிங், சிவா மனசுல சக்தி - எஸ்.எம்.எஸ், 1977 - தி ஹிஸ்ட்ரி ரீ-ரைட்டன், சித்து - பிளஸ் டூ பர்ஸ்ட் அட்டம்ப்ட், கவசம் - தி வார் நெவர் என்ட்ஸ், என சப் டைட்டில்களை ஆங்கிலத்தில் வைக்கும் படங்களுக்கு தமிழக அரசு தொடர்ந்து வரிவிலக்கு அளித்து வருவது குறிப்பிடத்தக்கது.

இதற்குத்தான் தமிழில் பெயர் வைத்து பிறகு ஆங்கிலத்திற்கு மாற்றுகிறார்களா? எவனோ படம் எடுத்து சம்பாதிக்க அரசு ஏன் இதற்குப் பணம் கொடுக்க வேண்டும்!

நலிந்து வரும் திரையுலகமா? பணத்திலும், புகழிலும் புரளும் திரையுலகம் என மாற்றிக் கொள்ளுங்கள்!

இவனுங்க தமிழில் பெயர் வெச்சபிறகு தமிழ் வளர்ந்துடும் ,,,,,போங்கடா உங்க புடலங்கா அரசியலும் நீங்களும்

அப்போ இதுக்கும் கலைஞ்சர் பேரையே வச்சுட்டா கவலை இல்லை

ரபீக் wrote:இவனுங்க தமிழில் பெயர் வெச்சபிறகு தமிழ் வளர்ந்துடும் ,,,,,போங்கடா உங்க புடலங்கா அரசியலும் நீங்களும்