தமிழ் சினிமாவின் மறக்க முடியாத இசையமைப்பாளர் சந்திரபோஸ் மரணம்

கார்த்திக் · கார்த்திக் Tue Sep 28, 2010 8:52 am

இசையமைப்பாளர் சந்திரபோஸ் (55) சென்னையில் இன்று காலமானார்.

கல்லீரல் பாதிப்பு காரணமாக அரசு பொது மருத்துவமனையில் அனுமதிக்கப்பட்டிருந்தார். அவரது உடல்நிலை மோசமடைந்த நிலையில் இன்று மாலை காலமானார்.

தமிழ் சினிமாவில் 350-க்கும் மேற்பட்ட படங்களுக்கு இசையமைத்தவர் சந்திரபோஸ். 1977-ல் தொடங்கிய இவரது இசை சாம்ராஜ்யம் தொடர்ந்து 20 வருடங்களுக்கும் மேலாக நிலைத்தது.

ரஜினி நடித்த மனிதன், ராஜா சின்னரோஜா உள்ளிட்ட ஏவி.எம்.மின் தயாரிப்பில் வந்த 12 படங்களுக்கு இசையமைத்துள்ளார்.

ஊர்க்காவலன்,விடுதலை, அண்ணாநகர் முதல் தெரு, மாநகர காவல்,சங்கர் குரு,வசந்தி, பாட்டி சொல்லைத்தட்டாதே,புதிய பாதை, தொட்டில் சபதம், மக்கள் என் பக்கம் உட்பட பல

வெற்றிப்படங்களுக்கு இசையமைத்து முன்னணி இசையமைப்பாளராக இருந்தார்.

’வண்டிக்காரன் சொந்த ஊரு மதுரை’, ‘டில்லிக்கு ராஜான்னாலும் பாட்டி சொல்ல தட்டாதே’, ‘வானத்த பார்த்தேன் பூமிய
பார்த்தேன்’, ரவிவர்மன் எழுதாத கலையோ’, ‘சின்னச்சின்னப்பூவே நீ கண்ணால் பாரு போதும்’ என்பன போன்ற ஏராளமான ஹிட் பாடல்களை தந்திருக்கிறார்.

12 வயதிலேயே பாய்ஸ் நாடகக் கம்பெனியில் நடித்த இவர், கலைஞர் நடித்த மணிமகுடம் நாடகத்தில் கூட நடித்திருக்கிறார். கலைஞரின் பராசக்தி நாடகமாக நடந்தபோது அதிலும் நடித்திருக்கிறார்.

எதிர்பாராமல் இசையமைப்பாளராகி அதில் பிரபலமான நேரத்தில் நடிப்பு ஆசையை ஒத்தி வைத்தார்.

சமீபத்தில் மெட்டிஒலி சித்திக் தயாரித்த மலர்கள் தொடரில் லிங்கம் என்ற வில்ல கேரக்டரில் தனது நடிப்பால் ரசிகர்களை பயமுறுத்தவும் செய்தார்.

லி‌ங்‌கம்‌ என்‌கி‌ற அவரது வி‌ல்‌லதனமா‌ன பா‌த்‌தி‌ரம்‌ ரசி‌கர்‌கள்‌ மத்‌தி‌யி‌ல்‌ பரபரப்‌பா‌க பே‌சப்‌பட்‌டது. டைரக்டர் தினேஷ் இவரை தனது கத்திக்கப்பல் படத்தில் மெயின் வில்லனாக நடிக்க ஒப்பந்தம் செ‌ய்‌தா‌ர்‌.

கலை‌ஞர்‌ தொ‌லை‌க்‌கா‌ட்‌சி‌யி‌ல்‌ ஒளி‌பரப்‌பா‌ன வைரநெஞ்சம் தொடரில்‌ மாமனார் வே‌டத்‌தி‌லும்‌‌, மெகா சேனலில் ஒளி‌பரப்‌பா‌ன யார் கண்ணன் இயக்கி‌ய ஜனனம் தொடரில் வைத்தியராகவும் நடி‌த்‌தா‌ர்‌.

இந்நிலையில் அவர் உடல் நிலை காரணமாக மரணமடைந்திருக்கிறார். அவரது ரசிகர்கள் கண்ணீர் அஞ்சலி செலுத்தி வருகின்றனர்.

மனிதன் படத்தில் ‘வாழும்போது செத்து செத்து பிழைப்பவன் மனிதனா வாழ்ந்த பின்னும் பேரை நாட்டின் நிலைப்பவன் மனிதனா’ என்று வரும் வரிகள் மிக ஆழமான கருத்துடையது.

இந்தப்பாடல் வரிகளுக்கு இசையைமைத்த சந்திரபோஸ். ரசிகர்களின் கண்ணீர் அஞ்சலி மூலம் அவர் அந்த வரிகளுக்கு அர்த்தப்படுத்தியிருக்கிறார்.