உன் பிறந்த நாள் பரிசு!

வினுப்ரியா · வினுப்ரியா Mon Sep 27, 2010 8:48 am

First topic message reminder :

உன் பிறந்த நாள் பரிசு

அகிலத்தின் பிறந்தநாள் எதுவோ!
அறிந்தவர் யாருமில்லை?

உயிர்கள் ஜனித்தது எதற்கோ!
உணர்ந்தவர் யாருமில்லை?

பூமி சுற்றுவது யாருக்கோ!
புரிந்தவர் யாருமில்லை?

பிரபஞ்சத்தின் அதிசயம்
புரிந்தேன் -நீ
பிறந்ததாலே!

என் உயிரே!
உன்னை பிரசிவிக்கவே
பூமி பிறந்தது!

உன்னை தாலாட்டவே
தென்றல் வீசுகிறது!

உன்னை மகிழ்விக்கவே
மலர்கள் மனம் பெற்றது!

உன்னை வாழ்த்தவே
வானவில்லும் வண்ணம் கொண்டது!

அகிலத்தின் அத்தனை
ஆனந்தங்களையும் -நீ
அனுபவிக்கவே
உன்னுடன் சேர்த்து
என்னையும் படைத்தான் இறைவன்!

என் உறவே!
உன் ஜன்னல் வழியே
எட்டிபார்!
அதிகாலை கதிரவன்
ஆரத்தி தட்டுடன்
உனக்காக காத்திருக்கிறான்!
உன் பிறந்த நாள் பரிசாக
நான் அனுப்பிய தூதுவன்அவனே !

வினுப்ரியா கவிதைகள்

[i]