நீங்களும் ஒரு நிமிட சாதனையாளரே!

வாய்ப்புகள் இரண்டுவகை.
1. மீண்டும் வாய்க்கும் வாய்ப்பு.
2. ஒரே ஒரு முறை மட்டும் வாய்க்கும் வாய்ப்பு.

வாய்ப்புகளை இப்படி பிரித்து அறிந்து இனம் காணத் தெரியாதவர்கள் எல்லாவற்றையும் ஓன்று போல எண்ணி, அரிய வாய்ப்பினை நழுவவிட்டுப் பின்னர் வருத்தப்படுகிறார்கள்.

விடியற்காலை எழவேண்டிய அவசியம் சில தினங்களில் நமக்கு ஏற்படுவது உண்டு. ரயில் பிடிக்க, முதல் முகூர்த்ததில் கலந்து கொள்ள, தேர்வுக்கு படிக்க என்று பலருக்கும் அவசியங்கள் பல விதம்.

இவற்றுள் பெருபாலானவை மறுபடி வைக்காத வாய்ப்புகள். விட்டால் கை விட்டது தான் என்ற ரகங்கள்.

அலாரம் வைத்து எழ நினைக்கிறவர்கள், அலாரம் அடித்ததும் அதன் தலைமேல் ஏதோ நம்மீது உட்கார்ந்த கொசுவைத் தூக்கத்தில் அடிப்பது போல பட்டெண்டு அடித்துவிட்டு மறுபடி தூங்க ஆரமித்து விடுகிறார்கள்.


அலாரத்தை படுக்கை அறையின் வெகுமூலை வையுங்கள். அலாரம் அடிப்பதை உணர்த்து சோம்பல் முறித்து, தட்டுத் தடுமாறி எழுந்து, நடந்து பொய் அதை அணைக்க ஆகும் கால இடைவெளி சுமார் ஓர் நிமிடம். இந்த ஒரு நிமிடம் மிக முக்கியமானது. மனதை உடல் கெஞ்சும். படிப்பாவது கிடிப்பாவது ? கடைமையாவது மண்ணாவது ? எல்லாமே தூக்க அரக்கனின் அடிமைகள்.

மறுபடி வந்து படுத்து, "இதோ! ஒரு நிமிடத்தில் எழுதுடறேன்!" என்று உடல் + மனமும் இதற்கு உடன்படும். ஒரு நிமிடமாவது.. ? கண் திறந்தால், வழக்கமான நேரத்தை விடத் தாமதமான கண் விழிப்பு. "ஐயோ!, பல மணி நேரம் போச்சே! போச்சே!" என்று மனம் பதிக்க வேண்டியது தான்.

நாம் செய்ய வேண்டியதெல்லாம் ஓன்று தான். இரவில் என்ன நோக்கத்திற்காக அலாரம் வைக்கிறோமோ அதனால் ஏற்படும் பலன்களை பற்றி கற்பனை செய்துவிட்டு, அலாரம் நேரம் எழுந்தே தீருவேன் என்று மனதில் பதிக்கவேண்டும்.

இரவு நேர வைராக்கியத்தால் உடலை முறுக்கேற்ற வேண்டும். உலகை வெல்லும் முனைப்பில் இருப்பதால்ம் தூக்க அரக்கனே! உனக்கு நான் மசிய மாட்டேன். கண்ணில் கண்ட காட்சிகளை கையகப் படுத்துவேன் என்று மனத்திற்குள் உறுதி பூண வேண்டும். இந்த ஒரு நிமிட உறுதி தான் உங்கள் வெற்றியின் விலாசங்களை அடியாளம் காட்டப் போகிறது.

இனி நீங்களும் ஒரு நிமிட சாதனையாளரே!

இதைப் படிக்கும்பொழுது உடல் நன்றாகத்தான் முறுக்கேறுகிறது! ஆனால் காலையில் அலாரம் அடிக்கும் பொழுது எழுந்திரிக்கத்தான் வேண்டுமா? என்றல்லவா மனமும், உடலும் இணைந்து ஏங்குகிறது!

சிவா wrote:இதைப் படிக்கும்பொழுது உடல் நன்றாகத்தான் முறுக்கேறுகிறது! ஆனால் காலையில் அலாரம் அடிக்கும் பொழுது எழுந்திரிக்கத்தான் வேண்டுமா? என்றல்லவா மனமும், உடலும் இணைந்து ஏங்குகிறது!

உண்மைதான் அண்ணா

ராத்திரியில நிறைய தண்ணி அடிச்சிட்டு படுத்தீங்கன்னா, சீக்கிரமே எழுந்திரிச்சிரலாம் .



குறிப்பு: தண்ணி அடிப்பது - டாஸ்மாக் சரக்கு அடிப்பது அல்ல. நிறைய தண்ணீர் குடிப்பதைத்தான் அப்படி கிக் ஆக அறிவித்துள்ளோம் என்பதை அறிக.

எ

1. என்றும் மாணவியாக கற்றுக்கொண்டிருக்க விரும்பும் எனக்குள் ஒரு உத்வேகத்தை ஏற்படுத்தியது இப்பதிவு. முதலில் அதற்கு நன்றி.

2. நம் தளத்திற்கு இப்போது நிறைய மாணவர்கள் வந்துகொண்டிருக்கிறார்கள். நிச்சயமாக இப்பதிவு அவர்கள் மனைதில் ஊக்கத்தை ஏற்படுத்தும். முறுக்கேற்றும்.. என்பதில் ஐயமில்லை.
3. இது போன்ற பதிவுகள் நம் தளத்தின் மேன்மையையும் பறைசாற்றும்.

4. இப்பணி தொடர வேண்டும் என்ற வேண்டுகோளை வைக்கிறேன்.

இவள்..
ஒரே முறை வாய்க்கும் வாய்ப்புகளை பல முறை தவற விட்ட பேதை....

Aathira wrote:என்றும் மாணவியாக கற்றுக்கொண்டிருக்க விரும்பும் எனக்குள் ஒரு உத்வேகத்தை ஏற்படுத்தியது இப்பதிவு.

நம் தளத்திற்கு இப்போது நிறைய மாணவர்கள் வந்துகொண்டிருக்கிறார்கள். நிச்சயமாக இப்பதிவு அவர்கள் மனைதில் ஊக்கத்தை ஏற்படுத்தும். முறுக்கேற்றும்.. என்பதில் ஐயமில்லை.
இது போன்ற பதிவுகள் நம் தளத்தின் மேன்மையையும் பறைசாற்றும். இப்பணி தொடர வேண்டும் என்ற வேண்டுகோளை வைக்கும் இவள்..
ஒரே முறை வாய்க்கும் வாய்ப்புகளை பல முறை தவற விட்ட பேதை....

நல்ல விடயம் கார்த்திக் நானும் முயற்சி செய்கிறேன்...

அலாரத்தை ஒரு குலோமீட்டரு தூரத்துல வச்சாலும்,,,ஆஃப் பண்ணிட்டு வந்து தூங்குவோம்!

பிச்ச wrote:அலாரத்தை ஒரு குலோமீட்டரு தூரத்துல வச்சாலும்,,,ஆஃப் பண்ணிட்டு வந்து தூங்குவோம்!

தங்கள் மிகபெரிய சாதனையாளர்