நாட்டின் எல்லா இடத்திற்கும் சென்று வரக் கூடியளவிற்கு வாய்ப்பு கிடைத்துள்ளது: பசில்

நாட்டின் எல்லா இடத்திற்கும் சென்று வரக் கூடியளவிற்கு வாய்ப்பு கிடைத்துள்ளது: பசில் _

நாட்டின் அனைத்துப் பகுதிகளுக்கும் எல்லோரும் சென்றுவரக்கூடிய வாய்ப்பு நமது ஜனாதிபதியினாலும் முப்படைகள் மற்றும் பொலிஸாராலும் ஏற்பட்டது. அதற்கு நாம் அனைவரும் நன்றி கூறுபவர்களாக இருக்க வேண்டும். சுற்றுலாத்துறை என்பது வெளிநாட்டவர்களுக்கு மட்டுமானதல்ல நாமும் எமது நாட்டின் வேறு பிரதேசங்களுக்குச் சென்று வருவதற்கும் ஆனது என மட்டக்களப்பு பாலமீனு மடுவில் அமைக்கப்பட்ட வாவி சுற்றாடல் கற்கை நிலையத்தை இன்று பகல் திறந்து வைத்து உரையாற்றுகையில் பொருளாதார அபிவிருத்தி அமைச்சரும் ஜனாதிபதியின் சிரேஸ்ட ஆலோசகருமான பசில் ராஜபக்ஷ தெரிவித்தார்.

நாம் முன்பு நாட்டின் எல்லா பிரதேசங்களுக்கும் சென்று பார்க்கக் கூடிய மகிழக்கூடிய வாய்ப்பு இருந்தது. ஆனால் சில காலத்துக்கு எமது இளைய குறிப்பிட்ட பரம்பரையினர் அந்த வாய்ப்பினை இழந்திருந்தனர்.

கிழக்கிலுள்ள சிலர் அதனைச் சூழவுள் 456 கிலோமீட்டர் கடற்கரைப் பிரதேசத்தைக்கூட பார்க்க முடியாத சூழல் இருந்தது. ஆனால் இப்போது நிலைமை மாற்றமடைந்துள்ளது. சுற்றுலாத் துறையை அபிவிருத்தி செய்யக்கூடியதாகவும், நாம் அனைவரும் எல்லாப்பகுதிகளுக்கும் சென்று பார்த்து மகிழக்கூடிய வாய்ப்பும் உருவாகியுள்ளது. எந்தவிதமான அச்சமுமில்லாமல் நாட்டிலுள்ள அனைத்து மதத்தினரும் அவர்களுடைய மத வழிபாடுகளிலும் செயற்பாடுகளிலும் ஈடுபடக் கூடிய நல்லதொரு சூழல் ஏற்பட்டிருக்கிறது.

இங்கு அமைக்கப்பட்டுள்ள இந்த கற்கை நிலையம் நீங்கள் மக்கள் வங்கி, இலங்கை வங்கிகளில் கடன்படுவது போன்று நாங்கள் வெளிநாடுகளிள்ள உலக வங்கி, ஆசிய அபிவிருத்த வங்கி போன்ற வங்கிகளில் கடனாகப் பெற்று அமைக்கப்பட்டதாகும்.

இதற்கு வட்டியும் செலுத்த வேண்டும். நீங்களும் நாங்களும் சேர்ந்துதான் இதனை செலுத்த வேண்டும். இவ்வாறான அபிவிருத்தி திட்டங்கள் நாட்டில் மேற்கொள்ளப் படுகின்றன. இவற்றினை அமைப்பதுடன் எமது பணி முடிவடைந்து விடுகிறது. அதனைப் பாதுகாக்க வேண்டியவர்கள் நீங்களேயாகும். இது இன்று உங்களுடைய கைகளில் ஒப்படைக்கப்படுகிறது. இதனைப் பாதுகாத்து மேலும் பயனுடையதாக மாற்றுவது உங்களுடைய பொறுப்பாகும். என்றார்.

சொல்லிடாருயா

சந்தோசமான செய்தி எப்படியோ முன்னேறி போனால் சரிதான் நாமும் தூரே இருந்து பார்ப்போமே