காதின் பின்னால் வீக்கம், காதிலிருந்து சீழ்வடிவது

by சபீர் Sun Sep 26, 2010 1:19 pm

காது, கடைநுதலென்பு (Temporal bone) இனுள் அமைந்திள்ளது நடுக்காது, ஊத்தேக்கியாவின் கால்வாய் மூலம் தொண்டையுடன் இணைக்கப்பட்டுள்ளது. தொண்டையில் ஏற்படும் வைரசுத் தொற்றுகை நடுக்காதிற்கு விரைவாகப் பரவுகிறது. இதன் விளைவாக நடுக்காதில் ஏற்படும் பற்றீரியாத் தொற்றுக்களால், சீழ் சேகரிக்கப்படும். இது நடுக்காது அமுக்கத்தைக் கூட்டுவதால் நரம்புகளைத் தூண்டி கடுமையான வலியை ஏற்படுத்தும். தொற்றுகை மேலும் தீவிரமடைவதால், ,செவிப்பறை மென்சவ்வில் துவாரம் ஏற்படுகிறது. சீழ் வெளியே கசிவது, அமுக்கத்தையும் வலியையும் குறைக்கிறது. இந்த நிலையில், வைத்தியர் ஒருவர் பற்றீரியா நுண்ணுயிர் வளர்ப்பு (Culture) ஐயும் நுண்ணுயிர்க் கொல்லிக்கு உணர்ச்சியுள்ள சோதனையையும் செய்யும்படி சிபாரிசு செய்வார் . சோதனை முடிவுகளைப் பெற 72 மணித்தியாலங்கள் செல்லும் என்பதால், நுண்ணுயிர்க்கொல்லிகள் அனுபவரீதியாக தொடங்கப்படுகின்றன.

(அதாவது, இந்தத் தொற்றுகைக்கு மிகவும் பொருத்தமானது என வைத்தியரால் தீர்மானிக்கப்பட்டது) பற்றீரியா வளர்ப்பின் முடிவினைப் பெறுவது நுண்ணுயிர்க் கொல்லிகளை மாற்றவேண்டியிருக்கும். பல்வேறு காரணங்களால் நடுக்காதுத் தொற்றுகை சுற்றவுள்ள மாத்தாய்டு என்பிற்கு (Mastoid bone) பரவும், குறிப்பாக குழந்தைகளில், o இவ்வென்பு தேன்கூடு போன்ற பல சிறிய கலங்களைக் கொண்டது்o சிறுவர்களின் நிர்ப்பீடனம் குறைவானது.o ஊத்தேக்கியாவின் தொழிற்பாடு குறைவு. சரீர அமைப்பின் காரணமாக மூளைக்குத் தொற்றுகை பரவுவதற்கான சாத்தியக்கூறு அதிகம். உங்களுடைய குழந்தை மாய்த்தாய்டழல் (Mastoiditis) இற்குரிய நோயறிகுறிளைக் கொண்டிருப்பின், அவரை காது, மூக்கு, தொண்டை சம்மந்தமான வாட்டில் அவதானிக்கப்படுவதற்காக அனுமதித்தல்வேண்டும். இரத்தப்பரிசோதனைகள், மாய்த்தாய்டு என்பு X-கதிர், சீழ் நுண்ணுயிர்வளர்ப்பு (Pus culture ) நுண்ணுயிர்க் கொல்லிக்கான உணர்ச்சித்தன்மை என்பனவற்றின் பின் நுண்ணுயுர்க்கொல்லி சிகிச்சை தொடங்கப்படும். அடிக்கடி காதினை சுத்தப்படுத்தலும் நுண்ணுயிர்க்கொல்லிச் சொட்டுக்களை இடுவதும் தேவைப்படும் (காதுச் சொட்டுக்களை இடுவதற்கான சரியான முறை முன்னர் விபரிக்கப்பட்டுள்ளது. ) நுண்ணுயிர் கொல்லிகளுக்கு குழந்தை சரியாகப் பதிலளிக்கா விட்டால் மாய்த்தாய்டு என்பினை சத்திரசிகிச்சை மூலம் அகத்துறிஞ்ச வேண்டும்.

மேற்கூறிய குணமாக்கல் முறைமூலம் ,குழந்தை விரைவாகக் குணமடையும் (பொதுவாக ஒரு கிழமையினுள் ) செவிப்பறை மென்சவ்வில் ஏற்படும் துவாரம் தானாவே குணமடையும். குணமடைவது தாமதித்தால் பின்வரும் அறிவுரை கொடுககப்படும். · குளிக்கும் போது பெற்றோலியம் ஜெலியில் தோய்த்த ஒரு பஞ்சுத் துண்டினை அல்லது காது அடைப்பானைப் பயன்படுத்தவும். இது தொற்றுகைக்கு உட்பட்ட நீர் காதினுள் நுழைவதிலிருந்து தடுக்கிறது. · குளிர் சுரத்தின் போது, நடுக்காது தொற்றுகையடைய முடியும். மீண்டும் மீண்டும் ஏற்படும் தொற்றுகை துவாரத்தை மேலும் பெரிதாக்கலாம். உங்களுடைய குழந்தைக்கு குளிர்ச்சுரம் பிடிக்கும் போது, ஆரம்பத்திலேயே வைத்தியரை ஆலோசிக்கவும். நாள்-கவனிப்பு நிலையங் களில், குறுக்குத் தொற்றுகை வீதம் அதிகம் என்பதால் அவற்றைத் தவிர்க்க முயற்சிக்கவும். ·

வீட்டுச் சூழலை சுத்தமாகப் பேணவும். போதியளவு காற்றோட்டம் இல்லாமையும், சனநெருக்கடியும் தொற்றுகை ஏற்படும் அபாயத்தை அதிகரிக்கிறது. · உங்களுடைய குழந்தை மூக்கு ஒவ்வாமையின் நோயறிகுறிகளை கொண்டிருப்பின், (தும்முதல், காது மற்றும் கண் கடித்தல், மூக்கு வடிதலும் அடைத்தலும்) ஒவ்வாமையை எற்படுத்தும் காரணியை (செல்லப் பிராணிகள், சில உணவுகள், தூசி, பனி) இனங் காணவும். இவற்றை தவிர்ப்பது, மீண்டும் மீண்டும் காதுத் தொற்றுகை ஏற்படுவதை தடுக்க உதவும். நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)