அசாதாரணமான வடிவு அமைக்கப்பட்ட காதைக் கொண்டுள்ளது.

எனது ஏழுமாதக் குழந்தை அசாதாரணமான வடிவு அமைக்கப்பட்ட காதைக் கொண்டுள்ளது. அதில் வெளித் துவாரம் இல்லை. மற்றைய காதின் தோற்றம் சாதாரணமாக உள்ளது. அவன் ஒலிக்கு நன்றாகவே பதில் கொடுக்கின்றான். எனது குழந்தைக்கு உடனடியான வைத்தியக் கவனிப்பு தேவையில்லை என வைத்தியர் கூறுகிறார். ஏன்?


உங்களுடைய குழந்தைக்குப் பிறப்பிலேயே ஒரு காது அசாதாரணமாக வடிவமைக்கப்பட்டிருந்தாலும், அவனது மற்றைய காது நன்கு தொழிற்படுவது போல் தோன்றுகிறது. குழந்தை வெவ்வேறு ஒலிமட்டங்களுக்கு எவ்வாறு பதிலளிக்கிறது. என்பதைப் பொறுத்து ஒரு கேளலைவரைபி (Audioqram) எடுக்கப்பட முடியும். அதன் சோதனை முடிவுகள் திருப்திகரமாக இருந்தால், அவனது மொழிவிருத்தியும் கற்றல் தொடர்பான ஆற்றல் பற்றி பயப்படக்காரணம் எதுவும் இல்லை. ‘சரிப்படுத்தல் பிளாஸ்ரிக் சத்திரசிகிச்சை’ இற்கு செல்வதற்கு, குழந்தைக்கு குறைந்தது ஏழுவயதாவது இருத்தல் வேண்டும். அப்பொழுது மற்றக்காது வயதுவந்தவர்களின் அளவிற்கு வளர்ச்சியடைந்துவிடும்.

குழந்தை தனக்குள்ள பிரச்சனையை தெரிந்திருப்பதுடன் அதை சரிசெய்யவும் விரும்பலாம். நண்பர்கள் கேலிபண்ண முடியுமாகையால், அது மன அழுத்தத்தைக் கொடுக்கலாம். பிளாஸ்ரிக் சத்திரசிகிச்சை பல படிமுறைகளைக் கொண்டதால் பலதடவை வைத்தியசாலையில் அனுமதிக்கப்படல் தேவைப்படும். கசியிழையம் ஆனது, மார்புச்சுவரிலிருந்து பெறப்படும். காது பல பகுதிகளாக துண்டாக்கப்பட்டு, ஒன்றாக இணைக்கப்பட்டு, தோலிற்குக் கீழாகப் புதைக்கப்படும். சரியான வடிவமுடைய காதினை உருவாக்குவது கடினம். எனினும், அனுபவமுள்ள, திறனுடைய சத்திரசிகிச்சை நிபுணரால் முடியலாம். வளர்ச்சியடைந்த நாடுகளில் உள்ள குழந்தைகளுக்கு, பிளாஸ்ரிக்காது ரைரேனியம் ஆணியைக் கொண்டு பொருத்தப்படும். ரைரேனியம் மிகவும் விலையுயர்ந்த உலோகம். மூன்றாம் உலக நாடுகள் இன்னமும் பழைய பிளாஸ்ரிக் சத்திரசிகிச்சையையே செய்கின்றன.

சில பெற்றோர்கள், உட்செல்ல வேண்டிய செயன்முறைகளை கேட்ட பின்னர் தமது குழந்தை சத்திரசிகிச்சைக்கு உட்செல்லாமல் இருக்க, தெரிவு செய்கின்றனர். இதற்குப் பதிலாக உரிய முடியலங்காரத்தால், அசாதாரணமாக வடிவமைக்கப்பட்ட காதினை மூடிவிடுகின்றனர். காதின் முன்னால் காணப்படும் மேலதிக காதுச் சோணையை சிறிய சத்திரசிகிச்சை மூலம் அகற்ற முடியும். நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)