ஒருபக்கக் காது கேட்கவில்லை...

by சபீர் Sun Sep 26, 2010 1:05 pm

விபத்தின் போது மண்டையோட்டிலுள்ள கடைநுதலென்பு (Temporal bone) பிளவிற்கு உட்பட முடியும். இதனுள் அமைந்திருக்கும் உட்காதும் இதன்போது பாதிப்படையலாம். இது காது கோளாமைக்கு இட்டுச்செல்கிறது. தலைச்சுற்று அல்லது சுயநினைவின்மை என்பனவும் ஏற்படலாம். விபத்தின் பின்னர் சுயநினைவுள்ள நோயாளி, கேட்கும் திறன் இழந்து விட்டதாகக் கூறின், அவரை காது, மூக்கு, தொண்டை சத்திர சிகிச்சை நிபுணரிடம் நோயைக் குணப்படுத்தலுக்காக அனுப்பவேண்டும்.

நோயாளிக்கு சுயநினைவு இல்லாவிடில், அவரை நரம்பியல் சத்திரசிகிச்சை நிபுணரிடம் அனுப்ப வேண்டும். நோயாளி மீளும்போது, அவர் கேட்பது கடினமாக இருப்பதை உணர்வார் அதன் பின்னர், கேட்கும் திறன் இழப்பை சோதிப்பதற்காக அவர் காது, மூக்கு, தொண்டை சத்திர சிகிச்சை நிபுணரிடம் அனுப்பி வைக்கப்படுவார். நோயாளி தனக்கு கேட்டல் திறன் இழப்பு இருப்பதாக பாசாங்கு செய்வதாக வைத்தியர் சந்தேகப்பட்டால் அதனை விசேட பரீட்சைகளைப் பயன்படுத்தி கண்டுபிடிக்க முடியும்.

வைத்தியர்கள் சில சமயங்களில் இவ்வாறான நோயாளிகளை தமது சிகிச்சை நிலையங்களில் எதிர்கொள்வர். உதாரணம்,· காதுகேளாமைக்காக முதலாளியிடமிருந்து நட்டஈட்டை எதிர்பார்க்கும் தொழிலாளிகள்.· பெரியவர்களின் கவனத்தை எதிர்பார்க்கும், மனநோய் அழுத்தமுடைய குழந்தை. இவர்களில், செய்யப்படும் கேட்டல் உணர்வு சோதனைகளின் முடிவு . போலியான நோயாளியும் தனது தந்திரம் வெளிச்சமாகி விட்டது என்பதை உணர்வார். மண்டையோட்டு உடைவினால் ஏற்படும் கேளுணர்வு இழப்பு நிரந்தரமானது. இழப்பின் அளவு கடுமையானதாக இருப்பின் செவித்துணைக்கருவிகள் உதவியளிக்காது. நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)