எனது காதின் ஒரு பக்கத்தில் சத்தம்......

உண்மையான சூழல் தூண்டல் அற்ற நிலையில் சத்தம் ஒன்றைக் கேட்டால் இல்ஒலி உணர்வு (Tinnitus) எனப்படும். இந்நிலைமை நோயாளிக்கு பயத்தை ஏற்படுத்தலாம். எந்தவொரு கேட்டல் குறைபாடும் இல்லொலி உணர்வு நோயறிகுறியாகக் கொண்டு இருக்கலாம். சூழலிலிருந்து வரும் ஒலியைக் கேட்கும் திறன் குறையும்போது, உட்காதிலும் செவி நரம்பிலும் உருவாக்கப்பட்ட தூண்டலலைகள் ஒரு சத்தமாகக் கேட்கப்படும் (tinnitus). கலன்களில் குருதி பாயும்போது. அல்லது கழுத்து, தாடை அசைவின் போது உருவாக்கப்படும். ஒலிகளும் இல்வொலி உணர்வை (tinnitus) ஏற்படுத்தலாம்.

இல்லொலி உணர்வு ஏற்பட இரு பிரதான காரணங்கள் உள்ளன.

1 காதுடன் தொடர்புடைய காரணங்கள்

2. பொதுவான காரணங்கள்.



காதிற்குரிய காரணங்கள்.

· மூப்புற்குரிய செவிட்டுத்தன்மை – இயற்கையான வயதாதலினால் காது கேட்கும் திறன் குறைதல்.

· உரத்த ஒலிக்கு வெளிக்காட்டப்பட்டதால் கேட்கும் திறனில் இழப்பு ஏற்படல் உ+ம் தொழிற்சாலை களில் வேலை செய்யும் தொழிலாளிகள் , அங்கு உரத்த ஒலிக்கு வெளிக்காட்டப்பட்டுள்ளனர்.

· மினியேரின் நோய். (menier’s disease) - உட்காது நோய்.

· எகொஸ்ரிக் நியூறோமா (acoustic neunowa) செவி நரம்பில் ஏற்படும் கட்டி.

· செவிவன்மை / செவித்தடிமன். (otoselclerosis) நடுக்காது என்புகள் விறைப்படைதல்.

· நடுக்காதுக்கட்டிகள்

.· வெளிக்காதுக்கால்வாயில் புதைந்த மெழுகு காணப்படல்.



பொதுவான காரணங்கள்.

· உயர் இரத்த அழுத்தம்

· குருதிச் சோகை, குருதிப்புற்று நோய் (குருதியில் ஏற்படும் நோய்கள். ).

· நீரிழிவு

· உயர் கொலஸ்ரோல்

· அதி தைரொயிட் தொழிற்பாடு

· காய்ச்சல். உயர் காய்ச்சல் உடைய இளைய நோயாளிகள் இல்ஒலி உணர்வை (tinnitus) உணரலாம்.



காது, மூக்கு, தொண்டை சத்திரசிகிச்சை நிபுணர் இல்ஒலி உணர்வு தொடர்பாக பின்வரும் கேள்விகளைக் கேட்பார்.

· இல்ஒலி உணர்விற்கும், நாடித்துடிப்பிற்கும் இடையே ஏதாவது தொடர்பு இருக்கிறதா? (நாடித்துடிப்புடன் கேட்கும் உரத்த ஒலி குருதிச்சுற்றோட்டத்துடன் தொடர்புடையது.)

· சத்தம் கேட்கும் காலம் (முக்கியமாக முழுநாட்களும் கேட்கிறதா?)

· தனிப்பட்டவரின் வழமையான வேலைகளுக்கு இடையூறு விளைவிக்கிறதா?.

· அவரின் வேறு நோய்கள் அல்லது மருந்துகள் சம்மந்தமான மருத்துவ வரலாறு.

காது, மூக்கு, தொண்டை (ENT) சத்திரசிகிச்சை நிபுணர், காதிற்குரிய காரணங்களுக்காக, சோதனை செய்வார். மருத்துவ வரலாறும் பரிசோதனையும் பொதுவான காரணத்தைச் சுட்டிக்காட்டினால், நோயாளி மருத்துவவியல் நிபுணருடம் அனுப்பி வைக்கப்படுவார்.

பின்வரும் பரீட்சைகள் பொதுவாக மேற்கொள்ளப்படும்.

1 இரத்தப்பரிசோதனை.-

Ø சாப்பாடு உட்கொள்ளாமல் வெறும் வயிற்றில் இருக்கும் போது குருதியிலுள்ள குருதி மட்டத்தையும் (fasting blood sugar) கொலஸ்ரோல் மட்டத்தையும் அளத்தல்.

Ø குருதிச்சோகை மற்றும் ஏனைய நோய்கள் இல்லை என்பதை உறுதிப்படுத்த முழுமையான இரத்த எண்ணிக்கை (Full Blood Count) யையும், இரத்தப் படத்தை (blood picture) யும் எடுத்தல் வேண்டும்.

Ø ESR

Ø தைரொயிட் ஓமோனின் அளவு. 2 கேளலை வரைபடம் (Audiogram)கேட்கும் திறன் இழப்பு, இல்ஒலி உணர்வை எற்படுத்த முடியும் என்பதால் இந்நிலைமை உள்ள அனைத்து நோயாளிகளிலும் கேட்கும் திறன் சோதிக்கப்படல் வேண்டும். 3 CT அல்லது MRIமூளைக்கட்டிகளையும், ஏனைய மூளைக் குறை பாடுகளையும் இனங்காண. குணமாக்கும் முறை· இரண்டு பக்கங்களிலும் கேட்கும் திறன் இழப்பு இனம் காணப்படின் செவித்துணைக்கருவி வழங்கப்படும்.· இந்நிலையானது நோயாளியின் நித்திரையைக் குழப்பினால், அவரின் படுக்கைக்கு அருகில் வானொலியை போட்டு வைக்குமாறு கேட்கப்படும். இது இல்ஒலி உணர்வை மறைப்பதனால் நோயாளி நித்திரை கொள்ள உதவும்.· மனநோய் குணமாக்கலும் ஆலோசனையும் அவசியம். இல்ஒலி உணர்வு மனவழுத்தத்திற்கும் தற்கொலை முயற்சிக்கும் இட்டுச் செல்லலாம். நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)தமிழில்.