இயற்கை ஒப்பனை

balug00 · balug00 Sun Sep 26, 2010 2:20 pm

அடி வானசிவப்பு
விரல் நீட்டி எடுத்து
பொட்டிட்டு கொள்வேன்.

கரு நீல கடல் சேலை
உடுத்தி அலை பாய
நடை பயில்வேன்.

மூன்று நட்சத்திரங்கள் பறித்து
ஒரு மூக்குத்தியும் இரண்டு கம்மலும்
போட்டு கொள்வேன்.

அலை நுரை அள்ளியெடுத்து
மல்லிகைப்பூ கார் மேகக்
கூந்தலில் சூடிக்கொள்வேன்.

பாரிஜாத பூசாரெடுத்து
நறுமண நீர் தேய்த்து
பூப்போல மணப்பேன்.

சொக்கதங்க நிலவுடைத்து
நகை செய்து அணிகலன் பூட்டி
அழகு பெண்ணாவேன்.

பெண் பார்க்க வரும் காதலா
உனக்கு செலவில்லை.எனக்கு
இயற்கை அழகு.