இயற்கை... (என் காதலி)

by srinihasan Sat Sep 25, 2010 4:49 pm

First topic message reminder :

பார்க்க நினைத்து
பார்க்காமல் போனாலும்
வர்ணித்து கவிபாட
கவிஞர்கள் பலரிருக்க...
உன்னை கண்டுபின்
ரசித்துக்கொண்டே மகிழ்ந்த
உன்னழகினை நான்
சொல்லாமல் போனாலே
உன்னை விரும்பியது - உண்மையில்
பொய்யாய் போய்விடும்...

புறவழிச்சாலை என்றாலே
ஊருக்கு வெளிப்புறமாய்
பிரித்த அகலபாதையாய்
செல்வதற்கும் வருவதற்கும்
தனித்தனி புறமென
பரந்து விரிந்திருக்க
நீயும் புடைசூழ்ந்திருக்க
பயணத்தின் வேகத்தில்
உள்ளமும் மகிழ்ந்திடும் - செல்லும்
தூரமும் குறைந்திடும்...

இன்பமான அத்தருணத்தில்
மனதினை கொள்ளைக்கொள்ளும்
காட்சியாய் வனப்பென
கண்டதை வார்த்தையால்
சொல்லியும் தீராத
வியப்பாய் விசித்திரமாய்
விந்தையாய் வேடிக்கையாய் - நீ
என்னுள் இக்கணமும்...

இல்லாளின் தலைபோல்
இருகூறாய் வானில்நீ!
ஒருகையின் பக்கம்
உன்னை மேல்நோக்கி
உற்று பார்த்தேன்
வெள்ளைநிற காகித்தில்
சிறுபுள்ளியாய் இருந்தாலும்
கண்ணில்பட்டு மறையாத
கருமையாய் அல்லாது
நீலநிற வானத்தையே
கருநிற மேககூட்டத்தால் - எங்கும்
காணாது செய்ந்திருந்தாய்...

மறுகையின் பக்கம்
தலைசாய்த்து உன்னை
காணாது கண்டேன்
மனதுக்குள் மலைப்புதான்!
நீலநிற கடலில்
பொங்கிவரும் நுரைபோல்
வெண்ணிற முகில்கள்
அங்கெங்கே ஒன்றாய்தவழ
வானும்கடலும் ஒன்றென - எந்தன்
பார்வையில் நிறைந்திருந்தாய்...

மிதவேக பயணத்தில்
இதமாய் காற்றும்
பேருந்துக்குள் வீசியிருக்க!
வசந்தகாலத்தில் பூக்கதொடங்கிய
மரங்கள் பலவண்ணங்களில்
செறிவை அள்ளிதந்திருக்க!!
எனைபார்த்து அவைசிரிக்க
இளந்தென்றலாய் என்மேனியில்
மோதிவிட அதனிலும் - கண்மூடி
நான் மயங்கியிருக்க!!!

இதுவரை!
பார்த்திடாத முகத்துடன்
பகிர்ந்துக்கொண்ட விசயங்கள்
பலநூறு இருக்க
பார்த்திட்ட உன்னழகை
பங்குபோட்டு சொல்லி
பேசிமுடிக்கும் முன்பே - எனது
பயணம் முடிந்திருக்க...

இயற்கையே!!
மயக்கும் பாதையாய்
இன்று என்னுள்நீ
மறக்காத பொழுதாய்
இன்றும் என்றும்நீ
நீயுமென் காதலிதான் - நான்
மண்ணில் மடியும்வரை...

by **Aathira** Sun Sep 26, 2010 11:28 am

உன்னுடன் பயணித்த அனுபவம் .....என்னுள்
கண்டதை வார்த்தையால்
சொல்லியும் தீராத
வியப்பாய் விசித்திரமாய்
விந்தையாய் வேடிக்கையாய் - நீ
என்னுள் இக்கணமும்...
இதைத்தவிர வேறென்ன சொல்வேன் என் அன்பான நண்பனே......

by srinihasan Sun Sep 26, 2010 11:46 am

மஞ்சுபாஷிணி wrote:இயற்கையை இத்தனை அழகாய் வர்ணிக்க வாசா உன்னால் முடியும் என்பதை மிக அழகிய மெல்லிய ரசிக்க வைக்கும் வரிகளால் எழுதி இருப்பது சிறப்பு ரங்கண்ணா...

அதென்னா அப்ப நீ தூங்கமாட்டியா பயணம் செய்யும்போது?

நான் வண்டில ஏறி உட்கார்ந்ததுமே தூங்கிருவேன் நல்லா... அதான் இயற்கையை ரசிப்பதை மிஸ் செய்துவிடுவேன்...

ரயில் பயணம் தான் ரொம்ப நல்லா இருக்கும்ல?

அருமையான வரிகள்.... காதலியாகவே இயற்கையை வரித்தது மிக அருமை...

இயற்கையை ரசிக்கும் ரசிகனா நீ வாசா?

அன்பு பாராட்டுக்கள் வாசா...

இந்த ரவுடி ரங்கண்ணாவை சிறப்புடன் வாழ்த்தியமைக்கு மிக்க நன்றி அக்கா....

அக்கா மாதிரி தம்பி இல்லாமல் இருக்கேன் பயணங்களில்... ஆனால் ரசிப்பதில், வர்ணிப்பதில் தம்பி நான் அவ்வாறு இல்லாமல் இருப்பது எனக்கு வருத்தம்தான்...

எல்லா பயணங்களையும் நான் ரசிப்பது உண்டு... இரயில் பயணம் மிகவும் அருமையானது அதன் ஓசையும் இசைபாடி பல நினைவுகளை அசைபோட வைக்கும் நம்முள்....

இயற்கையை ரசிக்கும் ரசிகனும் நானே.... காதலனும் நானே....

என்றென்றும் மாறாத தங்களின் அன்பு பாராட்டிற்கு மிக்க மகிழ்ச்சி.... நன்றி

by srinihasan Sun Sep 26, 2010 12:05 pm

Aathira wrote:உன்னுடன் பயணித்த அனுபவம் .....என்னுள்
கண்டதை வார்த்தையால்
சொல்லியும் தீராத
வியப்பாய் விசித்திரமாய்
விந்தையாய் வேடிக்கையாய் - நீ
என்னுள் இக்கணமும்...
இதைத்தவிர வேறென்ன சொல்வேன் என் அன்பான நண்பனே......

எந்தன் பயணங்களில் நீங்களும்.. உங்கள் பயணங்களில் நானும் அருகினில் இருப்போம் என்ற உணர்வும் நம்பிக்கையும் என்றென்றும்....

இப்படி சொல்வதை தவிர வேற எப்படி சொல்ல முடியும்...