ரெயில்கள் மோதலை தடுக்கும் சோதனை ஓட்டம் வெற்றி

கார்த்திக் · கார்த்திக் Sat Sep 25, 2010 5:25 pm

இந்தியாவில் பல்வேறு மாநிலங்களில் எதிர் எதிரே ரெயில்கள் மோதிக்கொண்டு அவ்வப்போது விபத்துக்கள் நடந்து வருகின்றன. இதனால் உயிர் சேதமும், பொருள் சேதமும் ஏற்பட்டு வருகிறது.

இவ்வாறு எதிர் எதிரே ரெயில்கள் மோதிக் கொள்வதை தவிர்ப்பதற்காக ஆர்.எப்.டேக் ரீடர் ஆண்டனா, ஆன்டிகொல்யூசன் டிவைஸ் கருவி என்கிற விபத்து தடுப்பு பாதுகாப்பு கருவிகள் பொருத்தப்பட்ட ரெயில்கள் அரக்கோணம் ரெயில் நிலையத்தில் சோதனை ஓட்டமாக நடத்தப்பட்டது.

அதைத் தொடர்ந்து அரக்கோணம் ரெயில் நிலையத்தில் இருந்து ஆவடிக்கும் அரக்கோணத்திற்கும் இடையே சோதனை ஓட்டங்கள் நடத்தப்பட்டது.

இந்த சோதனை ஓட்டம் கடந்த 15 நாட்களாக ரெயில்வே அலுவலர்கள், பொறியாளர்கள் முன்னிலையில் நடந்தது.

இந்த நிலையில் நேற்று மாலை தென்னக ரெயில்வே கோட்ட மேலாளர் அனந்தராமன், உதவி மேலாளர் ஜான்தாமஸ், ரெயில் தொழில்நுட்ப பாதுகாப்பு அலுவலர் கிறிஸ்டோபர், அரக்கோணம் ரெயில் நிலைய மேலாளர் அன்சர்பாஷா, ரெயில் போக்குவரத்து அலுவலர் பால்ராஜ், கொங்கன் ரெயில்வே நிர்வாக அலுவலர்கள் முன்னிலையில் அரக்கோணம் ரெயில் நிலையத்திற்கும் ஆவடி ரெயில் நிலையத்திற்கும் இடையே ஆர்.எப்.டேக் ரீடர் ஆண்டனா, ஆண்டி கொல்யூசன் டிரைவஸ் கருவிகள் பொருத்தப்பட்ட 6 பெட்டிகளுடன், இரண்டு ரெயில் என்ஜின்கள் பொருத்தப்பட்ட ரெயில்கள் எதிர்எதிரே விடப்பட்டு சோதனை ஓடடம் விடப்பட்டது.

110 கிலோ மீட்டர் வேகத்தில் எதிர்எதிரே விடப்பட்ட இந்த சோதனை ஓட்ட ரெயிகளில் விபத்து தடுப்பு கருவிகள் பொருத்தப்பட்டிருந்ததால் செயற்கை கோள் உதவியுடன் ஆட்டோ பிரேக்கிங் சிஸ்டம் மூலமாக ஒன்றுக்கு கொன்று மோதாமல் 255 மீட்டர் தூர இடைவெளியில் நின்றன.

சோதனை ஓட்டம் 100 சதவீதம் வெற்றி பெற்றதாக அதிகாரிகள் தெரிவித்தனர்.

சோதனை ஓட்டத்தின் வெற்றியை ரெயில்வே உயர் அதிகாரிகள், தொழிலாளர்கள் ஒருவருக்கொருவர் கட்டிப்பிடித்தும், கை குலுக்கியும், கைகளை தட்டியும் இனிப்பு வழங்கி தங்களது மகிழ்ச்சியை பரிமாறிக் கொண்டனர்.

இந்த சோதனை ஓட்ட வெற்றி குறித்து டெல்லியில் உள்ள இந்திய ரெயில்வே தலைமை கட்டுப்பாட்டு அலுவலகத்திற்கு உடனடியாக தகவல் தெரிவிக்கப்படடது. அங்கிருந்து சோதனை ஓட்ட அலுவலர்களுக்கு வாழ்த்து செய்தி வந்தது.

ஐரோப்பா, அமெரிக்கா உள்ளிட்ட பல்வேறு நாடுகளில் இதுபோன்ற கருவிகள் தயாரிக்கப்பட்டு உபயோகத்தில் இருந்தாலும் இந்தியாவிலேயே முதல் முறையாக இந்த கருவி உருவாக்கப்பட்டுள்ளது. இந்த கருவி 15 வகையான விபத்துக்கள் குறித்து சூழ்நிலைகளை கண்டறியும் தன்மை படைத்ததாகும
்.
மாலைமலர்

ரெயில்கள் மோதலை தடுக்கும் சோதனை ஓட்டம் வெற்றி

ரெயில்கள் மோதலை தடுக்கும் சோதனை ஓட்டம் வெற்றி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக