திருமணத்துக்கு சம்மதிக்க நயன்தாராவிடம் வைர நெக்லஸ் வாங்கவில்லை; பிரபுதேவா மனைவி ரம்லத் மறுப்பு

யன்தாராவும் பிரபு தேவாவும் திருமணத்துக்கு தயாராகிறார்கள். இந்த திருமணத்துக்கு முதல் மனைவி ரம்லத் சம்மதம் தெரிவித்து விட்டதாக செய்தி வெளியானது. நயன்தாரா ரூ.85 லட்சம் வைர நெக்லஸ் வாங்கி பிரபுதேவா மூலம் ரம்லத்திடம் கொடுத்ததாகவும் அதை அவர் வாங்கி விட்டதாகவும் கூறப்பட்டது.

அத்துடன் ரூ.3 கோடி ரொக்கம் அண்ணாநகரில் உள்ள வீடு போன்றவற்றையும் ரம்லத்துக்கு ஒதுக்கி பிரபுதேவா சமரசம் செய்து விட்டதாக வதந்திகள் பரவின. இந்த சமரச உடன்பாட்டுக்கு பிறகு தான் நயன்தாராவை திருமணம் செய்து கொள்ளும் முடிவை பிரபுதேவா அதிகாரப்பூர்வமாக அறிவித்தார் என்கின்றனர். ஐதராபாத்தில் நடந்த படவிழாவிலும் ஜோடியாக பங்கேற்று விருது வாங்கினார்கள்.

நயன்தாராவிடம் வைர நெக்லஸ் வாங்கியது உண்மையா என ரம்லத்திடம் அவருக்கு நெருக்க மானவர்கள் செல்போனிலும் நேரிலும் விசாரிக்க துவங்கினர். இதனை ரம்லத் மறுத்தார். அவர் கூறும் போது வைர நெக்லசை நயன்தாராவிடம் இருந்து வாங்கவில்லை. என்னை சம்பந்தப்படுத்தி வந்த செய்திகள் அனைத்துமே வதந்திகள்தான் என்றார்.

மேற்கொண்டு எதுவும் பேச மறுத்து விட்டார். பிரபுதேவா அடுத்த வாரம் சென்னை வருகிறார். அதுவரை அமைதியாக இருக்கும்படி ரம்லத்திடம் அவர் கேட்டுக்கொண்டு இருப்பதாக கூறப்படுகிறது. நயன்தாராவை திருமணம் செய்வதில் பிரபுதேவா உறுதியாக இருக்கிறார். முதல் மனைவி இருக்கும் போது 2-வது திருமணம் செய்வது சட்ட சிக்கலை உருவாக்கும் என்பதால் தான் தயக்கம் காட்டுகிறார்.

அதே நேரம் முதல் மனைவி சம்மதத்தின் பேரில் திருமணம் நடந்தால் சட்டம் அதனை அங்கீகரித்து விடும். எனவே ரம்லத்திடம் சம்மதம் பெற முடிவு செய்துள்ளார். சென்னை வரும் போது ரம்லத்திடம் திருமணத்துக்கு சம்மதம் கேட்க திட்டமிட்டுள்ளார்.

அவர் ஏற்காத பட்சத்தில் வேறு விதமான முடிவுகளை எடுக்க யோசித்து வைத்துள்ளார். அதாவது ரகசிய திருமணம் செய்து நயன்தாராவுடன் குடித்தனம் நடத்தலாம் அல்லது விவாகரத்துக்கு போகலாம் என தெரிகிறது. ஒரு வாரத்தில் இதற்கான முடிச்சுகள் அவிழும் என எதிர்பார்க்கப்படுகிறது
tamilcnn

என்னமோ நடக்குது மர்மமா இருக்குது ஒண்ணுமே புரியல உலகத்துல

இன்னுமா இந்த படம் ஓடிகிட்டு இருக்கு இன்னும் முடியல ??????