தாய்மையோடு ஒருத்தி

**மு.வித்யாசன்** · 19/03/2010

இதில் மட்டும்தான்
சுமைகள் கூட, கூட
சுகங்கள் அதிகரிக்கும்...

ஒவ்வொரு நிமிடமும்
கடந்து செல்வதற்குள்
ஓராயிரம் யுகங்கள் இருப்பது
கண்டுபிடிக்கப்படும்...

முதன் முதலாக
வீட்டு தேதிகள் கிழிப்பதற்கு
கைகள் தவமிருக்கும்...

அடிக்கடி
பயமும், பரவசமும்
ஒரே நேரத்தில் சந்திக்கும்...

ஒவ்வொரு...
செயல்களிலும் ஈடுபடும்போது
எச்சரிக்கை ஒலிகள்
அலைகளாக வந்து சேரும்...

இளமைப் பருவத்தில்
முதுமைப் பருவத்தின்
அனுபவம் கற்றுக் கொடுக்கப்படும்
தள்ளாடி நடக்கையில்...

உறங்கும் வேளையில்
எட்டி உதைத்து எழுப்புவதுண்டு
குட்டி பாதச்சுவடுகள்
உலகத்திற்குள்...

அங்கும் இங்குமாய் நிகழும்
அசைவுகளும்,நெழிவுகளும்
அழகிய கவிதையாகிறது...

கண்ணாடி வளையல்களுக்குள்
ஒலிந்து கொண்டது கைகளும்,
கைரேகைகளும்...

பெயர் சூட்டுவதற்கு
இப்பொழுதே மனதிற்குள்
மாபெரும் மாநாடு நடக்கும்...

தாயின் தன்மையை
உணர்கிறேன் கருவில்
உருவை சுமக்கையில்...

இன்னும்
சில தினங்களில்
விதைக்கப்போகிறேன்
இன்னொரு தலைமுறையை
(இல்லை)
மீண்டும் என்னை...

உலகத்தில்
உயர்ந்தது இதுதான்
படைப்பதால், கடவுளாவதால்...

கனவுகளின் பிம்பங்களோடு
காலத்தடங்கின் சின்னங்களோடு
காத்திருக்கிறாள்..

அம்மா என்று அழைக்கும்
அந்த நிமிடத்திற்காகவும்
தனக்கு மட்டும் புரியும்
அழகிய மொழிக்காகவும்...

ஆவலோடு
அடி வயிற்றை தடவிக்கொண்டு
தாய்மையோடு
ஒருத்தி...

ஆமாம்
ஒவ்வொரு
பெண்ணுக்கும்
இது ..
தன்னை அளந்து பார்க்கும் காலம்
தனக்குள் நிகழும் மாற்றங்களை
உணர்ந்து பூக்கும் தருணம்...

பூமிப்பந்தின் பேரானந்தம்
ஒவ்வொரு பெண்ணுக்கும்
இது...
புது ஜென்மம்தான் !!

வித்யாசன்.
ஐ லவ் யூ

**உமா** · **உமா** Fri Sep 24, 2010 1:56 pm

இளமைப் பருவத்தில்
முதுமைப் பருவத்தின்
அனுபவம் கற்றுக் கொடுக்கப்படும்
தள்ளாடி நடக்கையில்...

உறங்கும் வேளையில்
எட்டி உதைத்து எழுப்புவதுண்டு
குட்டி பாதச்சுவடுகள்
உலகத்திற்குள்...

தாய்மையின் உணர்வை அழகாக வடித்துள்ளிர்கள்!!!
உங்களை பாராட்ட வார்த்தைகளே இல்லை...

உங்கள் வரிகளை படித்து என்னையே சில நிமிடம் நான் ரசித்து விட்டேன்....
நன்றி!
அன்பு மலர்

**உமா** · **உமா** Fri Sep 24, 2010 1:57 pm

என்னையே அறியாமல் ஏனோ என் கண்கள் கலங்கிவிட்டது உங்கள் வரியில்....

**மு.வித்யாசன்** · 19/03/2010

அப்படியா தோழி. ஆனந்தமான நன்றிகள் உங்களுக்கு.

**கா.ந.கல்யாணசுந்தரம்** · 28/02/2009

**V.Annasamy** · **V.Annasamy** Fri Sep 24, 2010 2:00 pm

**மு.வித்யாசன்** · 19/03/2010

ஆனந்த கண்ணீரா தோழி. என்னால் முழுமையாக இதை எழுத முடியவில்லை பார்ததது, கேட்டது, வைத்துத்தான் எழுதியுள்ளேன். இருப்பினும் உங்களை ரசிக்க வைத்துள்ளது என்றால். நன்றிகள் தாய்மை அடைந்தவருக்கு போய் சேரும். வாழ்த்தியதற்கு நன்றி.

**மு.வித்யாசன்** · 19/03/2010

நன்றிகள் கல்யாணசுந்தரம், அண்ணாசாமி நண்பர்களுக்கு.

**சிவா** · **சிவா** Fri Sep 24, 2010 2:07 pm

தாய்மையின் சிறப்பை அழகாக வடித்துள்ளீர்கள்!

**மு.வித்யாசன்** · 19/03/2010

நன்றி சிவா அண்ணா

Sponsored content · Sponsored content

தாய்மையோடு ஒருத்தி

தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

Re: தாய்மையோடு ஒருத்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக