ஏ... நண்பா

by **மு.வித்யாசன்** Fri Sep 24, 2010 12:07 pm

ஏ...
நண்பா
என் நண்பா
சொல்லப்போறேன் கத ஒன்னு
உலகம் அறிஞ்ச கத
உனக்கும் அது புரிஞ்ச கத
நேரம் கொஞ்சம் உனக்கிருந்த
ஏங் கதைய படிச்சுக்கோ....

இறப்பதும், பிறப்பதும்
அன்றாடம் நடக்குது
இறைவன் எழுதிய எழுத்துன்னு
எல்லாம் இங்கே நடக்குது....

குழந்தையா இருக்கையிலே
குறைகள் ஏதுமில்லே
வளர்ந்து வருகையிலே
துன்பம் நம்ம கையில்லே...

அழுதாலும் தீராது
ஆசை அலை அது ஓயாது
படிப்பு, பள்ளிக்கூடமின்னு
பாதி வாழ்க்கை போகுது...

பருவம் வந்நவுடன்
காதல் போர்களம் நடக்குது
கண்டதையும் எண்ணி எண்ணி
கடலு தண்ணியும் கண்ணீராகுது...

இரவு, பகலுன்னு
யாரு வரஞ்சுவச்ச ஓவியமிது
ஓவியத்தின் வண்ணத்திலே
எத்தனையோ கரை படியுது...

வேதனையும் சோதனையும்
கண்ணீரும், புன்னகையும்
மாறி,மாறி வருமாடா
இதுதானே வாழ்க்கையடா...

வேலை, பணமுன்னு
கல்யாணம் காட்சி கண்டு
சொந்த ,பந்தம்
தோள் சாய்ந்து துவண்டுபோகும் நெஞ்சமடா...

எத்தைனையோ நாடு
அதில் எத்தைனையோ வேறுபாடு
எதை, எதையோடு நாளும் தேடு
யாருக்கும் கிடைக்க வில்லை
வாழ்க்கை நிம்மதியோடு...

வந்தவனும் நொந்து போனது
உண்மைதான்டா
இனி வருபவனுக்கும்
இந்த வழிதாண்டா....

காலங்கள் மாறலாம்
கதைகள் நூறு பேசலாம்
கோலங்கள் வண்ணங்களானாலும்
காயங்கள் இருப்பது நிஜம்தாண்டா...

எல்லாமே மாறி போச்சு
மூச்சு காத்து கூட வயச குறச்சுருச்சு
வாழும் இந்த வாழ்க்கையில
எண்ணிபார்த்தா எல்லாம் மாயம் தாண்டா.....

ஏ...
நண்பா
என் நண்பா
சொல்லப்போறேன் கத ஒன்று
உலகம் அறிஞ்ச கத
உனக்கும் அது புரிஞ்ச கத
நேரம் கொஞ்சம் உனக்கிருந்த
ஏங் கதைய படிச்சுக்கோ....

: என்ன?