எங்கே போனாய் தோழி

**மு.வித்யாசன்** · 19/03/2010

First topic message reminder :

எங்கே போனாய் தோழி

நீ யாரோ
நான் யாரோ

பிறந்ததும், வளர்ந்ததும்
வேறு, வேறு இடம்

இணைந்தததோ
இணையதளத்திடம்

எதார்த்தமாக எங்கு அமர்ந்தாலும்
வண்ணத்துப் பூச்சியின் வண்ணம்
ஒட்டிக் கொள்வது போல்
பழகியதும் சிறகு விரித்தது நம் நட்பு

எனக்காதரவு நீயானாய்
உனக்காதரவு நானானேன்

தொலைவில் நாமிருந்தாலும்
தொடும் தூரத்தில்தான் நம் நினைவுகள்

வலிநேரிடும் போதெல்லாம்
ஓடி வருவாய் என்னிடம்
மருத்துவன் நான் என்று...

மகிழ்வோடு விளையாடும்போது
ஒரு குழந்தையாகவே மாறிவிடுவாய்
நட்பெனும் மயிலிறகு தீண்டும் போது...

எனக்கு மட்டும்தான் தெரியும்
நீ தோழமையின் பூந் தோப்பு என்று...

எனக்கு மட்டும்தான் புரியும்
உன் நேசத்தின் மொழி பெயர்ப்பு...

ஏதோ காரணம்
விலகி விட்டாய்
இல்லை
விளையாடி பார்க்கிறாய்...

கண்ணாமூச்சு ஆட்டடமாய் ஆனது வாழ்க்கை
உன் விரல் பிடித்து சென்ற வழி எல்லாம் கேட்கிறது
எங்கே உன் நிழல் என்று...

நிலை மாறும் உலகத்தில்
தடுமாறும் நிமிடத்தில்
எங்கே நீ இருந்தாலும்

உனக்கென்று ஒன்று இல்லை என்று
ஓய்ந்து விடும் காலத்தில்
உடைந்து விடாதே...
நட்பெனும் நம் வீட்டு
கதவு திறந்து இருக்கு மறந்துவிடாதே...

எப்பொழுதும்...
இணையதளம் வரும்போது எல்லாம்
இணை பிரிவதில்லை
இளையுதிர் காலமாய்
இன்னும் நிகழ்கிறது
நமக்குள் முட்டிக் கொண்டு
நாம் ஒட்டிக் கொள்ள காரணமாக இருந்த
அந்த முதல் வார்த்தைகள்...

உன் பெயர் உள்ளவரிடம் எல்லாம்
உரிமையோடு உரையாடுகிறேன்
அது நீயாக இருக்கலாமோ என்று...

நீ..

எப்படி

தோழி...

அப்படிதானா
என்னையும் தேடுகிறாய் ?

வித்யாசன்

பாடகன்

கலைவேந்தன் · கலைவேந்தன் Sat 25 Sep 2010 - 11:24

ஹூம்... இப்படி எல்லாம் பில்டப் கொடுக்கவேண்டியதா போச்சு இந்த காலத்துல... கொடுமைதான் சரவணா...!

நட்பெனும் பேரில் நாசகார எண்ணம் முளைத்து கிளைவிடுவது இணையத்தில் சகஜமாகிவிட்டது.

உண்மையில் பரிதாபப்படவேண்டியவர்கள் ஏமாறும் பெண்களே...!

ப்ரியா · ப்ரியா Sat 25 Sep 2010 - 11:25

கலை wrote:ஹூம்... இப்படி எல்லாம் பில்டப் கொடுக்கவேண்டியதா போச்சு இந்த காலத்துல... கொடுமைதான் சரவணா...!

நட்பெனும் பேரில் நாசகார எண்ணம் முளைத்து கிளைவிடுவது இணையத்தில் சகஜமாகிவிட்டது.

உண்மையில் பரிதாபப்படவேண்டியவர்கள் ஏமாறும் பெண்களே...!

உண்மைதான் அண்ணா ........

**மு.வித்யாசன்** · 19/03/2010

கலைமூன் அவர்களே கதியற்று போகவில்லை. . நாங்கள் கவிதை பாடி காம இச்சை தீர்க்க. பிரியதர்சினி தோழி, இன்றைய காலகட்டத்தில் பெண்களை எளிதக ஏமாற்றி விடமுடியாது விட்டில் பூச்சியாக இருந்தது வீட்டில் முடங்கிக் கிடந்த காலம் இன்றல்ல. பெண்களால் ஆண்களின் வாழ்க்கையும் அதள பாதளத்தில் போன உண்மைகள் நிறைய உண்டு.

இறுதியாக உறுதியாக ஒன்றை சொல்லிக் கொள்கிறேன். காலாச்சாரம் மாறிக்கொண்டிக்கும் காலத்தில். காதல் என்பது தூய்மை இழந்து விட்டது என்பது உண்மை. ஆண் நட்புக்கும் பெண் நட்புக்கும் இடையில் உள்ள உறவு பார்வைக்கு எப்படி படுகிறதோ அப்படியே அவர்களும் ஆளாகிவிட்ட நிலைதான்.

ஆழ தேடுங்கள். விழுவது எல்லாம் விட்டில் பூச்சியா இல்லை வெட்டி(ல்) பூச்சியா என்று புரியும்.