ரூ. 3,300 கோடி லாட்டரி சீட்டு மோசடி!

சட்டத்திற்கு புறம்பாக லாட்டரி விற்பனை செய்ததன் மூலம் ஐந்து மாதங்களில் 3,300 கோடி ரூபாய் ஊழல் நடந்துள்ளது. இதற்கான லாட்டரி சீட்டுகள் சிவகாசியில் செயல்படும் அனுமதியற்ற அச்சகங்களில் அச்சடிக்கப்பட்டு விற்கப்பட்டுள்ளது.

கேரளாவில் அனுமதியற்ற தனியார் லாட்டரி விற்பனை மூலம் பலகோடி ரூபாய் முறைகேடுகள் நடந்துள்ளன. இதுகுறித்து ரகசிய விசாரணை நடந்து வருகிறது. இதன் ஒரு பகுதியாக சிவகாசியில் அதிகாரிகள் நடத்திய விசாரணையில், அங்குள்ள அனுமதியற்ற அச்சகங் களில் சட்ட விரோதமாக லாட்டரி சீட்டுகள் அச்சடிக்கப்பட்டு, அவற்றை வேறொரு மாநிலத்தைச் சேர்ந்த மாபியா கும்பல் கேரளாவில் விற்றுள்ளது தெரிய வந்துள்ளது.

இதற்காக மாநில விற்பனைத் துறையினர் மாபியா கும்பலிடம் இருந்து முன்கூட்டியே செலுத்தும் வரி (அட்வான்ஸ்டு டாக்ஸ்)யை பெற்றுக்கொண்டு லாட்டரி சீட்டுகள் விற்க அனுமதி அளித்துள்ளனர். இச்சீட்டுகளை சிவகாசியில் அச்சடித்த அச்சகம் அனுமதி பெறாத நிறுவனம் என்பதும் கேரள மாநில விற்பனை வரித் துறையின் கவனத்துக்கு வந்துள்ளது. இதனை தொடர்ந்து நடந்த விசாரணையில் 3,300 கோடி ரூபாய் மோசடி வெளியாகி உள்ளது.

மெகா டிஸ்ட்ரிபியூட்டர்ஸ்' என்ற நிறுவனம் ஒரே நேரத்தில் கேரள அரசு, சிக்கிம் அரசு மற்றும் பூடான் நாடு ஆகியவற்றை ஏமாற்றி உள்ளதாக தெரிய வந்துள்ளது. இந்த லாட்டரி சீட்டுகள் அனுமதியற்ற ஏதோ ஒரு அச்சகத்தில் அச்சடித்து விற்பனை செய்துள்ளதும் தெரிய வந்துள்ளது. இதன் அடிப்படையில் ஏப்ரல் முதல் ஆகஸ்ட் வரை மேற்கண்ட வினியோகஸ்தர்கள் விற்பனை செய்தது சட்ட விரோத லாட்டரி சீட்டுகள் என்பதும் பூடான் டியர், டாடா, சூப்பர், சிக்கிம் சூப்பர் ஆகிய நான்கு பெயர்களில் பிற மாநிலங்களைச் சேர்ந்த லாட்டரி சீட்டுகள் தான் விற்கப்பட்டுள்ளன என்பதும் வெளிச்சத்துக்கு வந்துள்ளது.

இந்நிலையில் அங்கு தினமும் மூன்றரை கோடி சீட்டுகள் விற்கப்பட்டுள்ளதன் மூலம் நாளொன்றுக்கு ரூ. 22 கோடி கணக்கின்படி ஐந்து மாதங்களில் ரூ. 3,300 கோடிக்கு விற்பனையாகி உள்ளது. முன்கூட்டியே செலுத்தும் வரி செலுத்தியதற்கான ஆவணங்கள் இருந்ததால் தமிழக-கேரள எல்லையில் உள்ள வாளையார் சோதனை சாவடியில் இருந்து லாட்டரி சீட்டுகள் வேறெந்த பரிசோதனையும் இன்றி கேரளாவுக்குள் செல்ல அனுமதிக்கப்படுவதாக அதிகாரியொருவர் தெரிவித்தார்.

வாளையாரில் ஆகஸ்ட் மாத கடைசியில் நடத்திய திடீர் சோதனையில் 35 லட்சம் மதிப்புள்ள லாட்டரி சீட்டுகள் கைப்பற்றப்பட்டன. இதையடுத்து 13ம் தேதி சிவகாசியில் குறிப்பிட்ட அச்சகத்தில் அதிகாரிகள் நடத்திய விசாரணையில் தான் மேற்கண்ட பல ஆதாரங்கள் கிடைத்துள்ளதாகவும் அதிகாரி தெரிவித்தார்

inneram

வடை போச்சே

பேராசை தந்தது ....