உதிர்ந்த சருகுகளே!

**கா.ந.கல்யாணசுந்தரம்** · 28/02/2009

தன்னை மறந்து
பிறர்க்கு உதவும்
இனிய நாட்களின்
மகிழ்வுகளில் - அவளது
பருவம் மெருகூட்டியது
பள்ளிக்கூடத்தை மறந்து
பதினாறில் தொடங்கிய
பள்ளியறை - சில
கயவர்களின் மடியில்
தஞ்சம் புகுந்தது!
ஏதும் அறியா இளமை...
எதிர்காலம் வண்ணமயம்
என்றெண்ணி பகலையும்
இரவாக்கி வாழ்ந்தது!
இன்று....
அங்கம் நொந்து
புழுவாய் துடிக்கும் -அவளது
உடலில் ஆயிரம் பிள்ளைகள்!
ஆனால் அள்ளி எடுத்து
கொள்ளியிட்டு
பால் வார்க்க எவருமில்லை....
நுகர்ந்தோர் எல்லாம்
நகர்ந்து போயினர்-அந்த
நடைபாதை நுனியை
எவரும் நாடவில்லை!
இரவுக் கூடலில்
ஒப்பிலா இன்பமுதம் பருக
ஈக்களாய் மொய்த்த
மாந்தரோ எண்ணிலடங்கார்!
பட்டமரக் கிளை மீது அமர்ந்த
கழுகுக்கு பாவையிவள்
பிணவிருந்து ஆனாள்!
ஆம்....இலக்கியம் படைத்த
விலைமகளிர் எல்லாம்...
இளவேனிற் காலத்து
உதிர்ந்த சருகுகளே!

..........கா.நா.கல்யாணசுந்தரம்.

( கல்லூரி வாழ்நாளில் முதல் பரிசு பெற்று எழுத்தாளர் தீபம் ந.பார்த்தசாரதி அவர்களால் பாராட்டு பெற்ற எனது 'சருகுகள்' எனும் கவிதை )

செரின் · செரின் Tue Oct 20, 2009 5:18 pm

அருமையான வரிகள்

**Manik** · **Manik** Tue Oct 20, 2009 5:20 pm

மிகவும் அருமையான தமிழ் வரிகள்..... நன்றி நண்பரே....

நீங்க என்ன படிச்சிருக்கீங்க நண்பரே

மீனு · மீனு Tue Oct 20, 2009 5:21 pm

அருமை அருமை..அழகான கவிதை ..

**கா.ந.கல்யாணசுந்தரம்** · 28/02/2009

மீனு, மணிக், செரின் உங்களுக்கு எனது நன்றிகள்!
கா.ந.கல்யாணசுந்தரம்

nandhtiha · nandhtiha Tue Oct 20, 2009 11:25 pm

வணக்கம்
சொற்சிலம்பம் ஆடி இருக்கிறீர்கள் திரு கல்யாண சுந்தரம் அவர்களே.
திரு நா பார்த்தசாரதி பாராட்டியதால் அவருக்குத் தான் பெருமை. அவர் பாராட்டுத் தங்கள் எழுத்திற்கு அங்கீகாரம் கிடைத்தது.
அன்புடன்
நந்திதா

mdkhan · mdkhan Wed Oct 21, 2009 12:07 am

வணக்கம்

நண்பர் திரு. கல்யாணசுந்தரம் அவர்களுக்கு.......

நிறை குடம் தளும்பாது என்பதுபோல இவ்வளவு திறமையை உள் அடக்கிய நீங்கள் எவ்வளவு அமைதியாக இந்த ஈகரையில் உலா வருகிறீர்கள். வாழ்த்துக்கள்.

விலை மாதர்களை சபிக்கும் இந்த காலத்தில் அவர்களுக்கும் வாழ்க்கை உண்டு உணர்ச்சிகள் உண்டு என்று சொல்லி தன்னை மறந்து பிறருக்கு உதவும் இனிய நாட்கள் என்று அழகாக ஆரம்பித்து நேர்த்தியான கவிதை நயத்துடன் கொண்டு சென்று கடைசியில் இலக்கியம் படைத்த
விலைமகளிர் எல்லாம்...
இளவேனிற் காலத்து
உதிர்ந்த சருகுகளே........

என்று அழகாக முடித்தது அற்ப்புதம்.

வாழ்த்துக்கள் இன்னும் இதுபோன்ற தன்னிலை மறந்து பிறருக்கு உதவும் மானிடர் பலரின் வாழ்க்கையை வடித்து தாருங்கள் காத்திருக்கிறோம்.

**கா.ந.கல்யாணசுந்தரம்** · 28/02/2009

மிகவும் நன்றி- நந்திதா மற்றும் கான் அவர்களுக்கு!
கா.ந.கல்யாண்.

**கா.ந.கல்யாணசுந்தரம்** · 28/02/2009

இன்றைய ஈகரை நண்பர்களின் கருத்துக்கு மீண்டும் இந்த கவிதை.....ஒரு பார்வைக்கு.

கார்த்திக் · கார்த்திக் Fri Oct 01, 2010 2:55 pm

அருமை ....

அழகான வரிகள்

வாழ்த்துக்கள் தோழரே

Sponsored content · Sponsored content

உதிர்ந்த சருகுகளே!

உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

Re: உதிர்ந்த சருகுகளே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக