பாகிஸ்தானில் தற்கொலை படை தாக்குதல்: 3 காவலர்கள் பலி

**Admin** · **Admin** Thu Oct 16, 2008 3:58 pm

இஸ்லாமாபாத் : பாகிஸ்தானில், ஸ்வாத் மாநிலத்தில் இன்று அதிகாலை தீவிரவாதிகள் காவல் நிலையம் மீது நடத்திய தற்கொலை படை தாக்குதலில் 3 காவலர்கள் பலியாகியுள்ளனர். காவல் நிலையத்துக்குள் குண்டுகள் நிரப்பப்பட்ட காரில் வந்த தீவிரவாதி, காரை காவல் நிலையத்தின் மீது ‌மோதி வெடிக்கச் செய்தான். இந்த தாக்குதலில் 3 காவலர்கள் உயிரிழந்தனர். 20க்கும் மேற்பட்ட காவலர்கள் படுகாயமடைந்துள்ளனர்.

**Admin** · **Admin** Thu Oct 16, 2008 3:59 pm

சியோல் : வடக்கு மற்றும் தென் கொரியா நாடுகளுக்கிடையேயான ஒப்பந்தத்தை மீறும் வகையில் தொடர்ந்து நடந்து கொண்டால் தென் கொரியாவுடனான அனைத்து உறவுகளையும் முறித்துக்கொள்வதைத்தவிர வேறு வழியில்லை என வடகொரியா தெரிவித்துள்ளது. வடகொரியா மற்றும் தென்கொரியா இடையே கடந்த பல ஆண்டுளுக்கு மேலாக பகைமை நிலவி வந்தது. கடந்த 2000, 2007ம் ஆண்டுகளில் நடந்த பேச்சுவார்த்தையின் அடிப்படையில் இருநாடுகளுக்கிடையேயான பகைமை சிறிதளவுமாறி இருநாடுகளும் நெருங்கி வந்தன. இதனடிப்படையில் இரு நாடுகளுக்குமிடையே நல்லெண்ண ஒப்பந்தம் ஏற்பட்டது. இதன்படி தென்கொரியா, வடகொரியாவில் செயல்படுத்தப்படும் திட்டங்களுக்கு நிதியுதவி செய்து வருகிறது. இதற்கிடையே தற்போது புதிய தென் கொரிய அதிபராக பொறுப்பேற்றிருக்கும் லீ யங் பாக், வடகொரியாவிற்காக தென்கொரியா செலவிடும் தொகையினால் எந்தவித பயனும் ஏற்படப்போவதில்லை எனவும், அந்த பணத்தை வடகொரியா தனது அணுஆயுத திட்டங்களுக்கு பயன்படுத்துவதாக குற்றம் சாட்டியுள்ளார். தென்கொரிய அதிபரின் இந்த குற்றச்சாட்டு வடகொரியாவை கோபமடையச் செய்துள்ளது. இருநாடுகளுக்கிடையேயான நட்புறவு ஒப்பந்தத்தை தென்கொரியா தொடர்ந்து அவமதித்து மீறும் வகையில் செயல்பட்டு வருவதாகவும், இந்நிலை நீடித்தால் அந்நாட்டுடனான அனைத்து உறவுகளையும் துண்டித்துக் கொள்வதைத்தவிர வேறு வழியில்லை எனவடகொரியா தெரிவித்துள்ளது.

**Admin** · **Admin** Thu Oct 16, 2008 4:00 pm

புதுடில்லி : இந்தியாவிற்கு யுரேனியம் சப்ளை செய்வதற்கு தயாராக இருப்பதாக தென் ஆப்ரிக்க அதிபர் அறிவித்துள்ளார். இந்தியா தென் ஆப்ரிக்கா மற்றும் பிரேசில் தலைவர்கள் கலந்து கொள்ளும் உச்சி மாநாடு புதுடில்லியில் நடைபெற்றது. இதில் பேசிய தென் ஆப்ரிக்க அதிபர் கலிமா மொட்லாந்தே, இந்தியாவிற்கு யுரேனியம் விற்பதில் தங்களுக்கு எவ்வித கருத்து வேறுபாடும் கிடையாது என்று தெரிவித்தார். இந்தியா அணுவர்த்தகத்தில் ஈடுபடுவதற்கு சர்வதேச அணுசக்தி கழகம் அனுமதியளித்திருப்பதற்கு வரவேற்பு தெரிவித்த அவர், இந்தியாவுடன் அமெரிக்கா செய்து கொண்ட அணுசக்தி ஒப்பந்தத்தை வரவேற்றார். இந்தியாவிற்கு அணுஎரிபொருள் வழங்குவது குறித்து, கூட்டத்தில் கலந்து கொண்ட மற்றொரு தலைவரான பிரேசில் அதிபர் லூயிஸ் இனாசியோ லூலா டி சில்வா கருத்து எதையும் கூற மறுத்து விட்டார்.

**Admin** · **Admin** Thu Oct 16, 2008 4:01 pm

புதுச்சேரி: ஏழை மக்களுக்கு கிடைக்கும் வகையில், மருந்துகளின் விலையை எவ்வாறு குறைக்கலாம் என்பது குறித்து திட்ட மிட வேண்டும் என்று முன்னாள் ஜனாதிபதி அப்துல்கலாம் கூறினார். புதுச்சேரியில் அமைந்துள்ள ஜிப்மர் மருத்துவமனையை தேசிய முக்கியத்துவம் பெற்ற நிறுவனமாக நாட்டிற்கு அர்ப்பணித்து வைத்து, முன்னாள் ஜனாதிபதி அப்துல்கலாம் பேசியதாவது: மலேரியா, காசநோய், எய்ட்ஸ் போன்றவற்றை எப்படி தடுப்பது என்பது குறித்து இளம் டாக்டர்கள் சிந்திக்க வேண்டும். ஏழை மக்களுக்கு கிடைக்கும் வகையில் மருந்துகளின் விலையை எவ்வாறு குறைக்கலாம் என்பது குறித்தும், காலாவதியான மருந்துகளில் இருந்து மக்களை காப்பாற்றுவது குறித்தும் திட்ட மிட வேண்டும். இதற்கு இளம் டாக்டர்கள் தன்னை மற்றவர்கள் எப்படி நினைத்து பார்ப்பார்கள் என்ற கேள்வியை தங்களுக்குள் எழுப்பி பார்த்தால் விடை கிடைக்கும். அப்போதுதான் சரியான நோக்கில் செயல்பட முடியும்.

**Admin** · **Admin** Thu Oct 16, 2008 4:01 pm

சென்னை: இலங்கைத் தமிழர்கள் படுகொலையைக் கண்டித்து, இரண்டு நாட்கள் கோர்ட் புறக்கணிப்புப் போராட்டத்தில் வக்கீல்கள் ஈடுபடுகின்றனர். சென்னை ஐகோர்ட் வக்கீல்கள் சங்க பொதுக்குழுக் கூட்டம், அதன் தலைவர் பால்கனகராஜ் தலைமையில் நடந்தது. சங்கத்தின் செயலர் வேல்முருகன் மற்றும் நிர்வாகிகள் கலந்துகொண்டனர். "தமிழக மீனவர்களைப் படுகொலை செய்ததோடு, அவர்களின் உடைமைக்கும், மீன்பிடித் தொழிலுக்கும் இலங்கை அரசு பங்கம் விளைவிக்கிறது. இலங்கை அரசுக்குப் பண உதவி, ஆயுத உதவி, தொழில்நுட்ப உதவி செய்வதை இந்திய அரசு உடனடியாகத் தடுத்து நிறுத்த வேண்டும்' என தீர்மானங்கள் நிறைவேற்றப்பட்டுள்ளன.

Sponsored content · Sponsored content

பாகிஸ்தானில் தற்கொலை படை தாக்குதல்: 3 காவலர்கள் பலி

பாகிஸ்தானில் தற்கொலை படை தாக்குதல்: 3 காவலர்கள் பலி

தென்கொரியாவுடனான உறவுகளை முறித்துக்கொள்ள போவதாக வடகொரியா மிரட்டல்

இந்தியாவிற்கு யுரேனியம் சப்ளை செய்ய தயார் : தென் ஆப்ரிக்கா அறிவிப்பு

மருந்துகளின் விலையை குறைக்க அப்துல்கலாம் வலியுறுத்தல்

இலங்கைத் தமிழர் பிரச்னை : 2 நாள் கோர்ட் புறக்கணிப்பு

Re: பாகிஸ்தானில் தற்கொலை படை தாக்குதல்: 3 காவலர்கள் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக