தீபாவளி பண்டிகை சிறப்பு ரயில்கள் அறிவிப்பு

தீபாவளி பண்டிகை நவம்பர் மாதம் 5-ந் தேதி வருகிறது. இதனை முன்னிட்டு, தென் மாவட்டங் களுக்கு தினசரி இயக்கப்படும் எக்ஸ்பிரஸ் ரெயில்களுக்கான முன்பதிவு தொடங்கிய சில நிமிடங்களிலேயே விற்று தீர்ந்துவிட்டது.

இதனால், சிறப்பு ரெயில்கள் இயக்க வேண்டும் என்று பயணிகள் கோரிக்கை விடுத்து வந்தனர்.

இந்த நிலையில், தீபாவளி பண்டிகையையொட்டி, இயக்கப்படும் சிறப்பு ரெயில்கள் குறித்து தெற்கு ரெயில்வே அறிவிப்பு வெளியிட்டுள்ளது.

சென்னை-நெல்லை

சென்னை சென்டிரலில் இருந்து திருநெல்வேலிக்கு நவம்பர் மாதம் 4-ந் தேதி மாலை 6.15 மணிக்கு சிறப்பு ரெயில் (வண்டி எண் 0601) இயக்கப்படுகிறது. இந்த ரெயில் மறுநாள் காலை (தீபாவளி அன்று) 7.45 மணிக்கு திருநெல்வேலியை சென்றடையும்.

மறுமார்க்கத்தில், திருநெல்வேலியில் இருந்து சென்னை சென்டிரலுக்கு நவம்பர் மாதம் 5-ந் தேதி மதியம் 2 மணிக்கு சிறப்பு ரெயில் (0602) இயக்கப்படுகிறது. இந்த ரெயில் மறுநாள் அதிகாலை 3.40 மணிக்கு சென்னை சென்டிரலை வந்தடையும்.

சென்னை-தூத்துக்குடி

சென்னை சென்டிரலில் இருந்து தூத்துக்குடிக்கு நவம்பர் மாதம் 6-ந் தேதி இரவு 8.35 மணிக்கு சிறப்பு ரெயில் (0613) இயக்கப்படுகிறது.

இந்த ரெயில் மறுநாள் காலை 10 மணிக்கு தூத்துக்குடியை சென்றடையும்.

மறுமார்க்கத்தில், தூத்துக்குடியில் இருந்து சென்னை சென்டிரலுக்கு நவம்பர் மாதம் 7-ந் தேதி மதியம் 3.45 மணிக்கு சிறப்பு ரெயில் (0614) இயக்கப்படுகிறது. இந்த ரெயில் மறுநாள் காலை 8.20 மணிக்கு சென்னை சென்டிரலை வந்தடையும்.


சென்னை-நாகர்கோவில்


சென்னை சென்டிரலில் இருந்து நாகர்கோவிலுக்கு நவம்பர் மாதம் 3-ந் தேதி இரவு 11.30 மணிக்கு சிறப்பு ரெயில் (0603) இயக்கப்படுகிறது. இந்த ரெயில் மறுநாள் மதியம் 2 மணிக்கு நாகர்கோவிலுக்கு சென்றடையும்.


மறுமார்க்கத்தில், நாகர்கோவிலில் இருந்து சென்னை சென்டிரலுக்கு நவம்பர் மாதம் 4-ந் தேதி மாலை 4.15 மணிக்கு சிறப்பு ரெயில் (0604) இயக்கப்படுகிறது. இந்த ரெயில் மறுநாள் காலை 8.20 மணிக்கு சென்னை சென்டிரலை வந்தடையும்.


சென்னை-திருநெல்வேலி


சென்னை சென்டிரலில் இருந்து திருநெல்வேலிக்கு எழும்பூர் வழியாக நவம்பர் மாதம் 3-ந் தேதி இரவு 7.30 மணிக்கு சிறப்பு ரெயில் (0629) இயக்கப்படுகிறது. இந்த ரெயில் மறுநாள் காலை 9.35 மணிக்கு திருநெல்வேலியை சென்றடையும்.


மறுமார்க்கத்தில், திருநெல்வேலியில் இருந்து சென்னை சென்டிரலுக்கு எழும்பூர் வழியாக நவம்பர் மாதம் 4-ந் தேதி மதியம் 2.55 மணிக்கு சிறப்பு ரெயில் (0630) இயக்கப்படுகிறது. இந்த ரெயில் மறுநாள் காலை 5 மணிக்கு சென்னை சென்டிரலை வந்தடையும்.


கோவை-சென்னை


கோவையில் இருந்து சென்னை சென்டிரலுக்கு நவம்பர் மாதம் 2-ந் தேதி இரவு 11.55 மணிக்கு சிறப்பு ரெயில் (0622) இயக்கப்படுகிறது. இந்த ரெயில் மறுநாள் காலை 8.20 மணிக்கு சென்னை சென்டிரலை சென்றடையும்.


மறுமார்க்கத்தில், சென்னை சென்டிரலில் இருந்து கோவைக்கு நவம்பர் மாதம் 3-ந் தேதி இரவு 10.30 மணிக்கு சிறப்பு ரெயில் (0621) இயக்கப்படுகிறது. இந்த ரெயில் மறுநாள் காலை 6.50 மணிக்கு கோவையை வந்தடையும்.


நாகர்கோவில்-சென்னை


நாகர்கோவிலில் இருந்து சென்னை எழும்பூருக்கு நவம்பர் மாதம் 7-ந் தேதி மாலை 5 மணிக்கு சிறப்பு ரெயில் (0642) இயக்கப்படுகிறது. இந்த ரெயில் மறுநாள் காலை 6.05 மணிக்கு சென்னை எழும்பூரை சென்றடையும்.


மறுமார்க்கத்தில், சென்னை எழும்பூரில் இருந்து நாகர்கோவிலுக்கு நவம்பர் மாதம் 8-ந் தேதி மதியம் 2.40 மணிக்கு சிறப்பு ரெயில் (0641) இயக்கப்படுகிறது. இந்த ரெயில் மறுநாள் காலை 5.35 மணிக்கு நாகர்கோவிலை வந்தடையும்.


சென்னை-தூத்துக்குடி


சென்னை சென்டிரலில் இருந்து தூத்துக்குடிக்கு நவம்பர் மாதம் 3-ந் தேதி இரவு 8.35 மணிக்கு சிறப்பு ரெயில் (0619) இயக்கப்படுகிறது. இந்த ரெயில் மறுநாள் காலை 10 மணிக்கு தூத்துக்குடியை சென்றடையும்.


மறுமார்க்கத்தில், தூத்துக்குடியில் இருந்து சென்னை சென்டிரலுக்கு நவம்பர் மாதம் 4-ந் தேதி மதியம் 2.05 மணிக்கு சிறப்பு ரெயில் (0620) இயக்கப்படுகிறது. இந்த ரெயில் மறுநாள் அதிகாலை 3.45 மணிக்கு சென்னை சென்டிரலை வந்தடையும்.


திருச்சி-சென்னை


திருச்சியில் இருந்து சென்னை எழும்பூருக்கு மயிலாடுதுறை வழியாக நவம்பர் மாதம் 1-ந் தேதி இரவு 9 மணிக்கு சிறப்பு ரெயில் (0646) இயக்கப்படுகிறது. இந்த ரெயில் மறுநாள் அதிகாலை 4.30 மணிக்கு சென்னை எழும்பூர் ரெயில் நிலையத்தை வந்தடையும்.


மறுமார்க்கத்தில், சென்னை எழும்பூரில் இருந்து திருச்சிக்கு 4-ந் தேதி இரவு 10.45 மணிக்கு சிறப்பு ரெயில் (0645) இயக்கப்படுகிறது. இந்த ரெயில் மறுநாள் காலை 6 மணிக்கு திருச்சியை சென்றடையும்.


சென்னை-நாகர்கோவில்


சென்னை எழும்பூரில் இருந்து நாகர்கோவிலுக்கு நவம்பர் மாதம் 2-ந் தேதி மாலை 6.50 மணிக்கு சிறப்பு ரெயில் (0635) இயக்கப்படுகிறது. இந்த ரெயில் மறுநாள் காலை 8.05 மணிக்கு நாகர்கோவிலை சென்றடையும்.


மறுமார்க்கத்தில், நாகர்கோவிலில் இருந்து சென்னை எழும்பூருக்கு நவம்பர் மாதம் 3-ந் தேதி மதியம் 1.30 மணிக்கு சிறப்பு ரெயில் (0636) இயக்கப்படுகிறது. இந்த ரெயில் மறுநாள் அதிகாலை 4.25 மணிக்கு சென்னை எழும்பூரை வந்தடையும்.


சென்னை-செங்கோட்டை


சென்னை எழும்பூரில் இருந்து செங்கோட்டைக்கு மயிலாடுதுறை வழியாக நவம்பர் மாதம் 3-ந் தேதி இரவு 10.45 மணிக்கு சிறப்பு ரெயில் (0661) இயக்கப்படுகிறது. இந்த ரெயில் மறுநாள் மதியம் 12.30 மணிக்கு செங்கோட்டையை சென்றடையும்.


மறுமார்க்கத்தில், செங்கோட்டையில் இருந்து சென்னை எழும்பூருக்கு விருத்தாசலம் வழியாக நவம்பர் மாதம் 4-ந் தேதி மாலை 4.45 மணிக்கு சிறப்பு ரெயில் (0662) இயக்கப்படுகிறது. இந்த ரெயில் மறுநாள் காலை 6.05 மணிக்கு சென்னை எழும்பூரை வந்தடையும்.


எர்ணாகுளம்-சென்னை


எர்ணாகுளத்தில் இருந்து சென்னை சென்டிரலுக்கு நவம்பர் மாதம் 4-ந் தேதி மாலை 6.55 மணிக்கு சிறப்பு ரெயில் (0652) இயக்கப்படுகிறது. இந்த ரெயில் மறுநாள் காலை 7.45 மணிக்கு சென்னை சென்டிரலை வந்தடைகிறது.


மறுமார்க்கத்தில், சென்னை சென்டிரலில் இருந்து எர்ணாகுளத்திற்கு நவம்பர் மாதம் 5-ந் தேதி இரவு 8.35 மணிக்கு சிறப்பு ரெயில் (0651) இயக்கப்படுகிறது. இந்த ரெயில் மறுநாள் 8.05 மணிக்கு எர்ணாகுளத்தை சென்றடையும்.


இந்த ரெயில்களுக்கான முன்பதிவு இன்று காலை 8 மணி முதல் தொடங்குகின்றன.