16 வயதினிலே மயிலு...விவேக்!

ரபீக் · ரபீக் Tue Sep 21, 2010 6:47 pm

எட்டுக்கும் பத்துக்கும் இடைப்பட்ட நம்பர் என்று கேவலமாகவே அழைக்கப்படுகிறார்கள் திருநங்கைகள்! அரசின் சார்பாக அவர்களுக்கு நலவாரியமே அமைக்கப்பட்டாலும் சினிமாவில் மட்டும் அவர்களின் மனநலத்தை பழுதாக்குகிற மாதிரிதான் காட்சிகள் வைக்கப்படுகின்றன. சற்று படித்த திருநங்கைகள் இதற்கு எதிர்ப்பு தெரிவித்தாலும் அந்த குரலுக்கு யாரும் செவி சாய்ப்பதில்லை என்பது நீண்டகால அவலம். போகட்டும்... முதன்முறையாக அவர்களின் பிரச்சனைகளையும் கொஞ்சம் எடுத்துச் சொல்லியிருக்கிறாராம் விவேக்.

முரட்டுக்காளை படத்தில் திருநங்கையாக நடித்திருக்கும் இவர், இந்த படத்தின் க்ளைமாக்சே என் மீதுதான் முடியுது. அந்தளவுக்கு எனக்கு முக்கியமான ரோல் என்றார். அரவாணிகளுக்கு ஆதரவாக அவர் பேசும் டயலாக்குகள் படத்திலிருந்து நீளம் கருதி நீக்கப்பட்டாலும், இந்த படம் அவர்களுக்கு மரியாதையை தரும் என்பது விவேக்கின் நம்பிக்கை.

அப்படின்னா விவேக்கின் போர்ஷன் கோனார் தமிழ் உரை மாதிரி இருக்குமோ என்று அஞ்ச தேவையில்லை. 16 வயதினிலே படத்தில் வருகிற மயிலு கேரக்டரில் நடிக்கிறாராம். இவரை ஒரு டாக்டர் லவ் பண்ணுவதும், அந்த ஆற்றங்கரை காட்சியில் இவர் புடவை நனையாமல் கடந்து வருவதுமான திகில்+தில்லாலங்கடி காட்சிகளும் உண்டு! 'பாத்ரூம் வரைக்கும் வந்திட்டீக்களா கோபால்...' புதிய பறவை சரோஜாதேவி போலவே வசனம் பேசி தமிழ்நாட்டையே குலுக்கிப் போட்ட விவேக்கின் அடுத்த ராக்கெட் இது. இதை ஷ§ட் பண்ணும் போதே வாய்விட்டு சிரித்தார்களாம் படப்பிடிப்பு குழுவினர்.

சுந்தர்சி-சினேகா இணையும் இப்படத்தை முதல்வர் கலைஞரின் பேரன் குணாநிதி தயாரிக்கிறார்

தமிழ்சினிமா இணையம்