இளம் பெண்ணை மணக்கும் ரஷிய பிரதமர் புதின்

First topic message reminder :

ரஷியாவின் பிரதமராக இருப்பவர் விளாடிமிர் புதின். உலக தலைவர்களில் ஒருவராக திகழ்கிறார். இவருக்கும், மனைவி லுட்மிலாவுக்கும் இடையே கருத்து வேறுபாடு ஏற்பட்டது.

எனவே கடந்த பிப்ரவரி மாதம் இவர்கள் இருவரும் ரகசியமாக விவாகரத்து செய்து கொண்டனர். இந்த நிலையில் புதினும் ஒரு இளம் பெண்ணும் காதலித்து வருவதாகவும், இருவரும் திருமணம் செய்து கொள்ள இருப்பதாகவும் வதந்தி பரவியது.

தற்போது அந்த பெண் யார் என்று ரஷிய பத்திரிகைகள் செய்தி வெளியிட்டுள்ளன. அப்பெண்ணின் பெய் அலினா கபேவா. 24 வயது நிரம்பிய இவர் ஒரு புகழ் பெற்ற ஜிம்னாஸ்டிக் வீராங்கனை ஆவார்.

மேலும் இவர் ரஷிய பாராளுமன்றத்தில் எம்.பி. யாகவும் உள்ளார். இவர்கள் இருவரும் விரைவில் திருமணம் செய்ய இருப்பதாகவும் தகவல்கள் வெளியாகி உள்ளன. அதே நேரத்தில் கடந்த ஜூன் மாதம் 15-ந்தேதியே இவர்களின் திருமணம் முடிந்துவிட்டதாகவும் சில பத்திரிகைகள் வெளியிட்டுள்ளன.

அலினா கபேவா தனது 15 வயதிலேயே ஜரோப்பிய சாம்பியன் ஷிப் போட்டியில் பங்கேற்று ரஷியாவுக்காக தங்கப்பதக்கம் வென்றார். இதை தொடர்ந்து 2000-ம் ஆண்டு சிட்னியில் நடந்த ஒலிம்பிக் போட்டியில் தங்க பதக்கம் வென்று உலக கவனத்தை தன்பால் ஈர்த்தார்.

மற்றொரு போட்டியில் அவர் தங்கம் வெல்வார் என எதிர்பார்க்கப்பட்டது. ஆனால் வெண்கல பதக்கம் பெற்று ரஷிய மக்களை அதிர்ச்சியில் ஆழ்த்தினார். இதற்காக ரஷியாவே அவருக்கு வருந்தி கண்ணீர் சிந்தியது. அப்போதே அவர் புதினின் கவனத்தை ஈர்ந்தார்.

ஜிம்னாஸ் டிக் வீராங்களை அலினா கபேவாவின் தந்தையிடம் திருமணம் குறித்து கேட்கப்பட்டது. அதற்கு பதில் அளித்த அவர் “எனது மகளுக்கு திருமணம் நடந்ததா? இல்லையா? என்பது தெரியாது.

அதே நேரத்தில் புதினுடன் அவளுக்கு திருமணம் நடந்தால் நான் மிகவும் மகிழ்ச்சி அடைவேன். ஏனெனில் அவர் மிக உயர்ந்த மனிதர்” என்றார்.

மாலைமலர்