இந்தியாவை பயமுறுத்தும் இரண்டு பிரச்சனைகள் :கலைஞர் பேச்சு

திமுக முப்பெரும் விழா இன்று மாலை 6 மணிக்கு நாகர்கோவில் பொருட்காட்சி திடலில் நடந்தது. இந்த விழாவில்

திமுக தலைவர், முதலமைச்சர் கருணாநிதி தலைமையேற்று பேசினார்.

அவர், ‘’அண்ணா அறிவாலயம், திமுகவின் சின்னத்தை பறிக்க சூழ்ச்சி நடந்தது. அதை மீட்க எவ்வளவு போராட்டம் நடத்த வேண்டியிருந்தது.


என்னை வளர்த்து ஆளாக்கிய அண்ணாவுக்கு என்ன பதில் சொல்வேன். என்னுடைய மனசாட்சிக்கு என்ன பதில் சொல்வேன். பெரும்பாடு பட்டு உதயசூரியன் காப்பாற்றப்பட்டான்.


எத்தனையோ பேர் நேருக்கு நேர் வந்து என் நெஞ்சில் குத்தியிருக்கிறார்கள்; எத்தனையோ பேர் பாசமாக பழகுவது போல் வந்து குத்தியிருக்கிறார்கள். அத்தனையையும் தாங்கிக்கொண்டுதான் உங்கள் முன் இருக்கிறேன்; அதற்கு காரணம் நீங்கள் கொடுக்கும் ஆதரவுதான்.


குஷ்பு குறிப்பிட்டது போல இந்தியாவில் எத்தனையோ பிரச்சனைகள். ஒவ்வொரு நாளும் பேப்பரை கையில் எடுக்கும்போது, கை நடுங்குகிறது.


இந்தியாவிலே இருக்கின்ற காஷ்மீரில் கலவரம் நாளுக்கு நாள் அதிகரிக்கிறது. இந்தியா விடுதலை பெற்றபோது ஆரம்பமான கிளர்ச்சி இப்போதும் கேள்விக்குறியாக இருக்கிறது.


இந்த பிரச்சனைக்கு தீர்வு காண்பதற்கு அனைத்துக்கட்சி குழு காஷ்மீரில் உள்ள ஸ்ரீநகரில் விவாதிக்கிறது.திமுக சார்பில் டி.ஆர்.பாலுவை அனுப்பியிருக்கிறேன்.


எத்தனை வீடுகள் எரிக்கப்பட்டன. எத்தனைபேர் கொல்லப்பட்டார்கள். இதற்காகத்தான் அனைத்துக்கட்சி தலைவர்கள் விவாதித்து வருகிறார்கள்.


அந்தப்பிரச்சனைக்கு மத்திய அரசு என்ன முடிவு எடுக்கப்போகிறதோ என்று தெரியவில்லை. என்ன முடிவாக இருந்தாலும் அந்த பிரச்சனையை சமாளிக்க தயாராக இருக்க வேண்டும் தலைவர்கள்.


அதே போல் இந்தியாவை பயறுத்திக்கொண்டிருக்கும் இன்னொரு பிரச்சனை அயோத்தி. செப்ட்ம்பர் 24ம் தேதி அயோத்தியில் என்ன நடக்குமோ? ஆங்காங்கு எத்தகைய மதக் கலவரம் நடக்குமோ?யார் யார் எல்லாம் கலவரத்தை தூண்டிவிடுகிறார்களோ என்ற் அச்சம் இருக்கிறது.


கலவரம் நடக்காமல் வன்முறைகள் தவிர்க்க பிரதமரும் கேட்டுக்கொண்டுள்ளார். தமிழ்மாநிலத்தின் சார்பில் நானும் கேட்டுக்கொள்கிறேன்.


எந்த தீர்ப்பாக இருந்தாலும் அந்தந்த பகுதியின் பிரதிநிகளுடன் கலந்து ஆலோசித்து வன்முறையினை தவிர்த்து நாம் வாழ்விலே புதியதாக பிறந்ததாக நினைத்துக்கொள்ள வேண்டும்’’என்று பேசினார் ...