மேய்ப்பனின் ஆடுகள் கொல்லப்படுகின்றன

by kirupairajah Mon Aug 03, 2009 8:19 pm

மேய்பனை தேடி வல்லூறுகள்
அலைகின்றன
மேய்பனுக்காக ஆடுகள்
கொல்லப் படுகின்றன

ஆடுகள் கன்றுக் குட்டிகள்
பாலருந்துகையில்
கொல்லப் பட்டன
கன்றுக் குட்டிகள் துள்ளி
விளையாடுகையில் கால்கள்
துண்டிக்கப் பட்டு
தெருவில் அலைந்தன

மேய்பனி்ன் நிழலில்
பதுங்க முற்பட்ட ஆடுகள்
அறுக்கப் பட்டு கடைகளில்
விற்கப் பட்டன
தாய் ஆடு சாக
மிச்சம் இருந்த
குழந்தை குட்டிகளும்
வாயில் பாலின் சுவடுகள்
படிய விற்கப் பட்டன

மேப்பனின்
கூடாரத்திற்குள்ளும்
ஆடுகள் ஒதுங்க முடியவில்லை

வாங்குவோர் கூட்டம்
அலை மோதின
சட்டி எரிக்க
ஒரு துளி
நெருப்பற்றவர்களும்
தம் இளம்
சந்ததியின் உடல்களை தின்றும்
பசி தீராது
புத்தனின்
பெயரை செபித்து கொண்டு
மேய்ப்பனது
ஆட்டுக் குட்டிகளின்
குழந்தை
இறைச்சிகாய் அலைந்தனர்

புத்தரின் பெயரால்
கொத்தி தின்னுகையில்
பற்களின் இடையில்
குழந்தை ஆடுகளின்'
இரத்தம் கசக்காதோ.....
பிஞ்சு இரத்தம்
போதை தருமோ.....

கொல்லப் பட்ட ஆடுகளின்
கணக்கை வல்லரசுகள்
எண்ணட்டும் என்று
மேய்பன் நினைத்தானோ...
மேய்பனின் ஆடுகள் அழிபடுகையில்
அவன் வெளி வருவான் என்று
வல்லரசுகள் நினைத்தனவோ...

கொல்லப் பட்ட ஆட்டுக் குட்டிகாய்
மேய்பன் அழுவானோ...
மேய்பனின் அழுகைக்காய்
ஆடுகள் உயிர் துறக்குமோ....

சாவது(ம்) ஆடுகள்
அதற்காய் அழுவதும் ஆடுகள்
கணக்குகளை எண்ணி
கலங்குவதும் ஆடுகள்
இரத்தம் சிந்துவதும்
ஆடுகள்
ஆடுகளின் கண்ணீரை
எவர் மதிப்பர்..

முழுசாய் கிடைக்கும்
ஒரு பிலா இலையில்
இந்த ஆடுகளின்
அவலம் நீங்குமா...

இது
ஒரு ஆட்டுக் கூட்டத்தின்
வாழ்வை வல்லூறுகள்
கொத்தி தின்னும் காலம்
வல்லூறுகளை
காலம் தானும்
சப்பித் தின்னாதோ...

by 4vinoth Mon Aug 03, 2009 8:21 pm

மிருகங்கள் வெட்டி தின்னப்படுவதற்காக படைக்கப்பட்டதாம், அதே மேய்ப்பன் சொன்னது. சோகம்

by kirupairajah Mon Aug 03, 2009 8:25 pm

இங்கு வரும் மேய்பானும் ஆடுகழும்
இலங்கை தமிழர்கள்

by 4vinoth Mon Aug 03, 2009 8:27 pm

அவர்களுக்கு மேய்பான் என்ற சொல் பொருந்தாது.
சிங்க குகையில் அடைக்கலம் தேடு்ம் சில ஆடுகள்.. சோகம்

by kirupairajah Mon Aug 03, 2009 8:29 pm

மேய்பானுக்குரிய அர்த்தம் இங்கு மறைந்து இருக்கிறது

by 4vinoth Mon Aug 03, 2009 8:32 pm

மறைந்து இருக்கும் சொல்லில் வேறு பொருள் நிறைந்து மறைபொருளை மறைக்கிறதே.

by kirupairajah Mon Aug 03, 2009 8:37 pm

இல்லை. ஒவ்வொரு சொல்லும் மேய்ப்பானை உண்ர்தியே நிற்கிறது
மறைக்கவில்லை

by 4vinoth Mon Aug 03, 2009 8:38 pm

நமக்குள் ஏன் சண்டை, எழுதியவர் யாரோ..??

by kirupairajah Mon Aug 03, 2009 8:41 pm

ஓர் ஈழத்தமிழன் எழுதியது

by vkjvinoth Mon Aug 03, 2009 9:02 pm

சாவது(ம்) ஆடுகள்
அதற்காய் அழுவதும் ஆடுகள்
கணக்குகளை எண்ணி
கலங்குவதும் ஆடுகள்
இரத்தம் சிந்துவதும்
ஆடுகள்
ஆடுகளின் கண்ணீரை
எவர் மதிப்பர்.. The Above Sentence is very Good, it suites for everyone, It's Nice Thanks