ஆசை மகனும் அவனது அம்மாவும்

by வினுப்ரியா Mon Sep 20, 2010 7:48 pm

First topic message reminder :

ஆசை மகனும் அவனது அம்மாவும் !

என் ஆசை மகன்
ஐந்து வயது செல்வன்-என்
முப்பது வயதில் -அவன்
முழு உலகமும் நான் !

அன்றொரு நாள்
அர்த்தமுடன் ஒரு கேள்வி கேட்டான்
அருகிலிருந்த அவன் பாட்டியை
சுட்டிக்காட்டி!

அம்மா !ஏன் பாட்டியின்
கைகள் சுருங்கியுள்ளது -ஏன்
கோலுன்றி நடக்கிறாள்
என்றான் குழப்பமுடன் !

என் கண்ணே!
வயதானால் வரும் தொல்லை
வரம் ஏதுமில்லை
இதிலிருந்துதப்பிச்செல்ல
என்றேன் உண்மையுடன்!

அம்மா!
பாட்டியின் அம்மா எங்கே ?
அவர்களை நான் பார்த்ததேயில்லையே
என்றான் ஏக்கமுடன்!

செல்லமே !
அவர்கள் சென்றுவிட்டார்கள்
அந்த சாமியிடமே
என்றேன் கவலையுடன்!

புரியாமல் முழித்தான் -பின்பு
புரிந்ததுபோல் கேட்டான்
உனக்கும் வயதாகுமோ?
பளபளக்கும் உன் முகமும் மாறிடுமோ ?
சாமி வந்து அழைத்து சென்றிடுமோ ?
உன்னையும் என்றான் தவிப்புடன்!

புது சிக்கலில் மாட்டிக்கொண்டு
பொய் என்ன சொல்வதென
புரியாமல் -ஆமாம்
என்றேன் திகைப்புடன்!

உடனே பெருங்குரலெடுத்து அழலானான்
பெரிய ஆர்ப்பாட்டம் செய்யலானான் -நானோ
பேதைபோல் விழித்தேன் கண்ணீருடன்!

என் அம்மா நீ
எப்போதும் இப்படியே இருக்க வேண்டும்
சாமியே அழைத்தாலும்
என்னைவிட்டு செல்லக்கூடாது
என்று சொல்லி தேம்பலானான் விசும்பலுடன்!

என் ஆசை மகனை
தேற்றும் வழியறியாது
ஆரத்தழுவி முத்தமிட்டு -உன்னம்மா
உன்னை விட்டு செல்ல மாட்டேன்
உன்னுடனே இருப்பேன் என்றென்றும்
என்றேன் பெருமையுடன்!

நாட்கள் வருடங்களானது
நாடிகள் சுருங்கி
நரை வந்து கூடி
என்பது வயதில்
எழுந்து நிற்கிறேன் கோலுடன்!

என் அன்பு மகன்
இப்போதெல்லாம்
இவ்வாறு
சொல்கிறான் எரிச்சலுடன் !

எந்த எமனும் -உன்னை
வந்து அழைக்கவில்லையே!
இன்னும் எத்தனை வருடங்கள்
உந்தன் தொல்லையோ!
என்றான் சலிப்புடன் !

என் கண்களின் கண்ணீர்
கன்னச்சுருக்கங்களில் தேங்கி
கரை புரண்டோட
சத்தமின்றி தேம்புகிறேன்
தேற்றுவார் யாருமின்றி!

வினுப்ரியா கவிதைகள்

[b]

by **சிவா** Mon Sep 20, 2010 9:22 pm

மனதை உருக்கும் வரிகள்! வாழ்த்துகள் வினோதா!

by வினுப்ரியா Mon Sep 20, 2010 9:41 pm

சிவா wrote:மனதை உருக்கும் வரிகள்! வாழ்த்துகள் வினோதா!

நன்றி சிவா சார்.நேற்று தேனி பாஸ்கரன் ஒரு போட்டோவை வெளியிட்டிருந்தாரே அது நீங்கள்தானா ?

vinotha wrote:
சிவா wrote:மனதை உருக்கும் வரிகள்! வாழ்த்துகள் வினோதா!

நன்றி சிவா சார்.நேற்று தேனி பாஸ்கரன் ஒரு போட்டோவை வெளியிட்டிருந்தாரே அது நீங்கள்தானா ?

அதே பகுதிக்கு...இப்போது சென்று பாருங்கள்... ஆசை மகனும் அவனது அம்மாவும் - Page 3 Icon_eek

by **சிவா** Mon Sep 20, 2010 10:59 pm

vinotha wrote:
சிவா wrote:மனதை உருக்கும் வரிகள்! வாழ்த்துகள் வினோதா!

நன்றி சிவா சார்.நேற்று தேனி பாஸ்கரன் ஒரு போட்டோவை வெளியிட்டிருந்தாரே அது நீங்கள்தானா ?

நானாகவும் இருக்கலாம்! வேறு நபராகவும் இருக்கலாம்! என் புகைப்படமாகவும் இருக்கலாம், இல்லாமலும் இருக்கலாம்!!

தெளிவான பதில்தானே!

by வினுப்ரியா Tue Sep 21, 2010 8:46 am

சிவா wrote:
vinotha wrote:
சிவா wrote:மனதை உருக்கும் வரிகள்! வாழ்த்துகள் வினோதா!

நன்றி சிவா சார்.நேற்று தேனி பாஸ்கரன் ஒரு போட்டோவை வெளியிட்டிருந்தாரே அது நீங்கள்தானா ?

நானாகவும் இருக்கலாம்! வேறு நபராகவும் இருக்கலாம்! என் புகைப்படமாகவும் இருக்கலாம், இல்லாமலும் இருக்கலாம்!!

தெளிவான பதில்தானே!

தெளிவான குழப்பத்திற்கு நன்றி சார் ஒன்னும் புரியல