என்னை போலவே நீயும்

கார்த்திக் · கார்த்திக் Tue Sep 21, 2010 10:36 am

என்னை போலவே நீயும் நிற்கிறாய்
...புரியாமல் வானம் பார்த்தபடி!
உன்னை போலவே கலங்கி நிற்கிறேன்
நானும் நினைவுகளை சுமந்தபடி!

கூடுகட்டி வாழ்ந்த பறவைகள் போன வழி தெரியவில்லையே
கிளைகளை மட்டும் சுமந்தபடி நீ வாழ்ந்தென்ன லாபம் புரியவில்லையே.
கட்டியணைத்து கிச்சு கிச்சு மூட்டி சிரித்த சிரிபொலி காதில் ஒலிக்குதே
ஆதரவின்றி தனிமையில் உன்னை காண்கையில் என் மனம் தவிக்குதே

வாழ்வென்பதே வேடிக்கையா?
வெறும் கனவோடு பொழுதும் நகருதே
நம் கதை சோகமாய் முடிய போகுதோ
அழுகையோடு நாட்கள் தொடருதே..

வாழும்வரை இனி உன்னோடுதான் என்றவளை இங்கு காணவில்லையே
சாகும்வரை நான் நோகும்படிசெய்து போனது ஏன் என புரியவில்லையே
வரமென்று நினைத்து தொடங்கிய வாழ்கை முடியுமென நினைக்கவில்லையே
நினைத்து நினைத்து அழுதுஅழுது மறக்க நினைத்தும் முடியவில்லையே

வாழ்வென்பதே வேடிக்கையா?
வெறும் கனவோடு பொழுதும் நகருதே
நம் கதை சோகமாய் முடிய போகுதோ
அழுகையோடு நாட்கள் தொடருதே..

என்னை போலவே நீயும் நிற்கிறாய்
...புரியாமல் வானம் பார்த்தபடி!
உன்னை போலவே கலங்கி நிற்கிறேன்
நானும் நினைவுகளை சுமந்தபடி...

balakarthik · balakarthik Tue Sep 21, 2010 10:41 am

நல்லாத்தான் இருக்கு ஒரு சந்தேகம் அதென்ன கவிதைனா ஒரே வரிய ரெண்டு தடவ சொல்லனுமுன்னு ஏதாவது சட்டமா

**கா.ந.கல்யாணசுந்தரம்** · 28/02/2009

தாங்கள் திரையிசைப் பாடல்கள் எழுதினால் நிச்சயம் நன்றாக இருக்கும் தோழரே. முயற்சி செய்து பாருங்கள். வெற்றி நிச்சயம். உங்களிடம் இசைப் பயணத்தோடு கூடிய வார்த்தைகள் உள்ளன.

அன்புடன், கா.ந.கல்யாணசுந்தரம்.

கார்த்திக் · கார்த்திக் Tue Sep 21, 2010 10:44 am

Kaa Na Kalyanasundaram wrote:தாங்கள் திரையிசைப் பாடல்கள் எழுதினால் நிச்சயம் நன்றாக இருக்கும் தோழரே. முயற்சி செய்து பாருங்கள். வெற்றி நிச்சயம். உங்களிடம் இசைப் பயணத்தோடு கூடிய வார்த்தைகள் உள்ளன.

அன்புடன், கா.ந.கல்யாணசுந்தரம்.

நன்றி தோழரே ஜாலி