மாணவியை மட்டையால் அடித்து கொன்ற மாணவன்

ரபீக் · ரபீக் Mon Sep 20, 2010 6:09 pm

ஆந்திரா மாநிலம் குன்டூர் மாவட்டம் தூக்கபாளையத்தை சேர்ந்தவர் திவ்யா (25). இவர் ஐதராபாத்தில் உள்ள தனியார் என்ஜினீயரிங் கல்லூரியில் படித்து வந்தார். இவர் மிகவும் அழகாக இருப்பார்.

இதே கல்லூரியில் படித்துவரும் சேகர் என்ற மாணவர் ஒரு தலையாக திவ்யாவை காதலித்தார். ஆனால் அதை அவர் ஏற்கவில்லை. தான் நட்புடன்தான் பழகியதாக கூறினார்.

மேலும் தான் வேறு ஒரு மாணவரை காதலிப்பதாக சேகரிடம் தெரிவித்தார். இதில் ஆத்திரம் அடைந்த சேகர் திவ்யாவை தீர்த்துக் கட்ட முடிவு செய்தார்.

இதன்படி திவ்யாவை தனது வீட்டுக்கு நைசாக வரவழைத்தார். அப்போது அவளிடம் கடைசி முறையாக கேட்கிறேன். என்னை காதலிப்பாயா மாட்டாயா என்று கேட்டார்.

அதற்கு திவ்யா, உன்னை காதலிக்கமாட்டேன் என்று கூறிவிட்டு வீட்டை விட்டு வெளியேறினார். உடனே ஆவேசமான சேகர் பேஸ்பால் மட்டையால் திவ்யாவின் மண்டையில் சரமாரியாகத் தாக்கினார். இதில் படுகாயமடைந்த அவர் அந்த இடத்திலேயே துடிதுடித்து இறந்துபோனார்.

இதுபற்றி போலீசார் வழக்குப்பதிவு செய்து தப்பி ஓடிய சேகரை வலைவீசி தேடிவருகிறார்கள்.

மாலைமலர்