ஈகரை தமிழ் களஞ்சியமே இனிதே வாழ்க!

by **kirikasan** Mon Sep 20, 2010 4:02 am

மென்வலையை தூக்கி
மின்தளமென் ஆழ்கடலில்
என்னவரும் என்று எறிந்திருக்கக்
கண்ணிரண்டும்
பொன்னிழைந்தபேழை புதையல் கிடைத்திடுமோ
என்னவோ என்றிருக்க இழுத்தவலையிற் கடற்
கன்னியெனும் அதிசயமாய்
கண்டதுமே கவர்ந்திழுத்த
நன்னரியபக்கமென நானடைந்த ஈகரையே
மின்னுமொரு சிப்பியடை
மிளிர்ந்தபெருமுத்தெனவே
என்னுயிரை கொள்ளையிட்ட
ஈகரையாம் தான்நடந்து
ஈரோடிச்செல்ல எதிர்வந்தமூன்றாகி
வளர்ந்திருக்கும் இவ்வாண்டின்
வண்ணத்தமிழ்களஞ்சியமே!

பொன்னில் மழைதூவட்டும் பூஅள்ளிவீசட்டும்
போற்றிப் புகழ்பாடட்டும் புத்துணர்வு பொங்கட்டும்
நன்னெழில் ஆழ்சாகரமாம்
மின்தளத்திலெங்கணுமே
மென்னெழில்பூத் தேமின்னும்
வண்ணக்குமிழ்கள் ஒளி
கண்மயங்கப் பொலிந்தே காணட்டும் சின்னதொரு
செல்லமகன்போலச் சிறிதேநடைபயின்று
எண்ணியோர்மூன்றாண்டில்
எடுத்துஅடிவைக்கையிலே
விண்ணிறையத் தேவர்களும்
வெள்ளி மலர்கொட்டி
அள்ளிகொடுத்திவனைஅன்புடனேவாழ்த்தட்டும்
அகிலமிதில்நனிசிறந்து வெல்லட்டும்
வீறுநடைவிளங்க கணிஉலகில்
துள்ளி நடைபோடட்டும்
உள்ளம்நிறைஅன்புக்கொள்
தன்னிகரே அற்ற எங்கள்
ஈகரை தமிழ் களஞ்சியமே!