''நான் செட்டுக்குள் போனால் ஆண்களுக்கு உதறல்!''

by **சிவா** Mon Aug 03, 2009 5:04 pm

ராக்கி சாவந்த் என்றால் "பப்ளிகுட்டி' என்று அர்த்தம். அயிட்டம் கேர்ள், செக்ஸ் சிம்பல், செக்ஸ் பாம் என்று விதவிதமாக அழைக்கப்படும் ராக்கி சாவந்த்தின் மாப்பிள்ளை யார் என்று இந்திய இளைஞர்கள் தாவங்கட்டை தடவிக் காத்திருக்கிறார்கள். காரணம், "ராக்கி கா சுயம்வர்' நிகழ்ச்சி. என்.டி.டி.வி. இமேஜின் டி.வி-யில் ஒளிப்பரப்பாகி வரும் இந்த சுயம்வர நிகழ்ச்சிதான் வட இந்தியாவில் லேட்டஸ்ட் டி.ஆர்.பி.ஹிட்.

நமது சருமத்துக்கு சூரிய வெளிச்சம் எவ்வளவு முக்கியமோ, ராக்கிக்கு மீடியா வெளிச்சம் அவ்வளவு முக்கியம். காரணம். ராக்கியின் இளமை பிளஸ் வறுமைக்காலம். மும்பையின் கறார் அசிஸ்டென்ட் கமிஷன் சாவந்த்துக்கு மகளாகப் பிறந்தவர் ராக்கி. நேர்மையான போலீஸ் சாவந்த் வீட்டில் கடுகடு கெடுபிடியோடு நடந்து கொண்டார். கண் மைகூடப் போடாமல் அடங்கி ஒடுங்கி வளர்ந்தார் ராக்கி. ஒரு பக்கம் அமுக்கி அடக்கினால் வேறு திசையில் திமிறி எழுவதுதானே இயற்பியல் இயல்பு. காபரே டான்ஸர், சினிமா நடிகை, செக்ஸ் சிம்பல் என்று ராக்கி திமிறி எழுந்து திசை திரும்பியது வரலாறு. பொறுக்க முடியாத போலீஸ் அப்பா வீட்டை விட்டு வெளியேறி, ஒரு கவர்மென்ட் குவார்ட்டர்ஸில் தனிமையாக வசித்து வருகிறார்.

தன் செக்ஸி உடமைப்புதான் தன் ஒரே பிளஸ் பாயின்ட் என்பது ராக்கிக்கு நன்றாகவே தெரியும். ஆங்கிலம் தெரியாது.... ஆண்மைத்தனமான முகம் போன்ற குறைகளையும் மீறி, மீடியாவை தன்னைச் சுற்றி வளைய வைத்து ராக்கியின் புத்திசாலித்தனம். ராக்கி கொடுக்கும் பேட்டிகள் எல்லாமே கிளுகிளு... கிடுகிடு கவர் ஸ்டோரிகள்தான். "ஆமா! நான் சிலிக்கான் ஆபரேஷன் செய்து என் மார்பைப் பெரிதாக்கி இருக்கிறேன். இனிமேல் மல்லிகா ஷெராவத்துடன் என்னால போட்டி போட முடியும்!', "நான் செட்டுக்குள் போனாலே ஆண்களுக்கு உதறல் எடுக்கிறது', "உன்னைப் பார்த்தாலே எங்களுக்கு வியர்க்கத் தொடங்கிவிடுகிறது!' என்று என்னைப்பார்க்கும் ஆன்ட்டிகள் பெருமூச்சு விடுகிறார்கள்!' இப்படி எல்லாமே "பலானது பலானது' தான்!

டான்ஸ் ஷா ஒன்றில் அறிமுகமான அபிஷேக்குடன் காதலும் கொண்டார் ராக்கி! அம்மாவுடன் தான் குடியிருக்கும் டபுள் பெட்ரூம் ஃப்ளாட்டில் அபிஷேக்குக்கு ஒரு பெட்ரூம் ஒதுக்கி அதிர்ச்சி கொடுத்தார்.

தான் கலந்துகொள்ளும் ரியாலிட்டி ஷாக்கள் ஹிட் அடிக்க என்ன வேண்டுமானாலும் செய்வார் ராக்கி. லைவ் டெலிகாஸ்டில் போர்வையைச் சுற்றிக்கொண்டு உடைகளைக் கழற்றி எறிந்தார். முன்னாள் காதலன் ஆகிவிட்ட அபிஷேக் அஸ்வத்தை கன்னத்தில் அறைந்தார். உச்சமாக இப்போது சுயம்வரம் நடத்திக்கொண்டு இருக்கிறார். நிகழ்ச்சி பற்றிய அறிவிப்பு வந்ததுமே மாடலிங், இன்ஜினியர், சாஃப்ட்வேர், பிஸினஸ், என்.ஆர்.ஐ. எனப் பல துறைகளைச் சேர்ந்த பணக்கார இளைஞர்கள் விண்ணப்பங்களைத் தட்டிவிட்டார்கள். ஃபிட்னஸோ, பெர்சனாலிட்டியோ, காதலோ இல்லை என்றால், ராக்கி சாவந்த் ராக்கி கட்டி கழட்டிவிடுவார் என்பது விதி. அதனாலேயே டான்ஸ் ஆடி, பாட்டுப்பாடி, பலப்பரீட்சையில் மோதி ராக்கிக்காக ஒவ்வொரு எபிசோடிலும் அடித்துக்கொண்டார்கள் இளைஞர்கள். பல்டி அடிக்காத குறையாக படாத பாடுபட்டு ராக்கியை இம்ப்ரஸ் செய்த நான்கு பேர் மட்டும் இப்போது இறுதிச் சுற்றினை எட்டி பிடித்து உள்ளனர்.

இவர்களில் ஒவ்வொருவர் வீட்டிலும் ராக்கி இரண்டு நாட்கள் தங்கி, அவர்களின் குடும்பத்தினருடன் பழகிப்பார்ப்பது அடுத்தடுத்து அதிரவைக்க உள்ள அத்தியாயங்கள். "ராக்கி மாதிரி ஒரு பொண்ணு எங்க வீட்டுக்கு மருமகளா வர நாங்க கொடுத்துவெச்சிருக்கணும்(!)' என்று நால்வரின் அம்மாக்களும் கண்கலங்காத குறையாக பேட்டி அளித்துக்கொண்டு இருக்கிறார்கள். பியூட்டி பார்லர், ஜிம் என்று நான்கு மாப்பிள்ளைகளும்(!) செம சின்சியராக வியர்வை சிந்திக்கொண்டு இருக்கிறார்கள். நாடே ராக்கியின் மாப்பிள்ளை யார் என்று அறிய காத்திருக்க, "சுயம்வரத்தில் யார் செலக்ட் ஆனாலும் அவரைக் கல்யாணம் பண்ணிப்பேன்னுலாம் தோணலை!' என்று இருக்கிறார் ராக்கி.

ஆனால், சுயம்வர பார்ட்டியை ராக்கி திருமணம் செய்து கொண்டாலும் ஆச்சர்யம் இல்லை. அல்லது "ராக்கி கா சுயம்வர் சீஸன் -2 ' வந்தாலும் மிரள வேண்டாம். ஏனெனில், ராக்கி எப்போதும் வெளிப்படையான ஒரு புதிர்!

by ramesh.vait Mon Aug 03, 2009 5:10 pm

Super Comment Mr. Siva, I am really enjoyed your comments நன்றி

''நான் செட்டுக்குள் போனால் ஆண்களுக்கு உதறல்!''

''நான் செட்டுக்குள் போனால் ஆண்களுக்கு உதறல்!''

Re: ''நான் செட்டுக்குள் போனால் ஆண்களுக்கு உதறல்!''