தங்கக்குழந்தை ஈகரையின் தளிர்நடை மூன்றாமாண்டு.....

by மஞ்சுபாஷிணி Sun Sep 19, 2010 10:43 pm

First topic message reminder :

தத்தி தவழும் தங்கக்குழந்தை ஈகரையின்
கோலாகலமான மூன்றாம் ஆண்டு
பிறந்த நன்னாளாம் பொன்னாளாம்
வாழ்த்துச்சொல்லி வணங்கி கவி பாடுவோமா?

நட்புக்கென்று ஒரு அன்புச்சோலை
தாயாய் அணைக்க அன்புப்பார்வை
தந்தையாய் நல்வழிப்படுத்த நல் அறிவுரை
மனதை வசீகரிக்கும் அழகிய புகைப்படங்கள்

நல்லதைச்சொல்லி கருத்துரையாடி களமிறங்கி
மதநல்லிணக்கமும் இங்கே ஒற்றுமையுடன் இயங்கி
எல்லோரும் ஒன்றே அதைச்சொன்னவிதமும் நன்றே
பிரிவினை இல்லாத அன்பு தங்க சுரங்கமும் இதுவே

இக்கரையில் தேன் தமிழில் உரையாடி கவிதை இயற்றி
ஈகரையில் அன்பு பரிமாறி அறிவுரைகள் பலச்சொல்லி
அறுசுவை உணவுகளும் அன்புடன் பதிவில் பரிமாறி
வாழ்த்துக்களும் வண்ணக்கோலங்களும் மகிழ்வுடன் கொண்டாடி

பண்புடனும் அன்புடனும் பாங்குடனும் வழிநடத்தி
தலைமையும் தளபதிகளும் ஒன்றிணைந்து உருவாக்கி
செல்லக்குழந்தையாம் கற்கண்டாய் சுவைக்குமாம்
தெள்ளத்தெளிவுடன் கவிபாடும் நல் கவிஞர்களாம்

மருத்துவமும் மேன்மையும் இங்கே உள்ளடக்கி
உள்ளமும் உடல்நலமும் ஆரோக்கியம் நவில
ஈகரை என்பது பொழுதுபோக்கு மட்டும் அல்லவே
நம் இல்லத்தில் தவழும் செல்லக்குழந்தை இதுவே

ஆன்மீகமும் தியானம் யோகமும் ஈகரையில் பயின்று
முதுமையில் நிராதரவாய் இல்லம் தேடியது அன்று
ஈகரை என்ற நல்லதொரு அன்பு இல்லம் உண்டு இன்று
நகைச்சுவையால் மனம் மகிழ்விப்பது நன்று

உறவுகளின் அன்பாலும் நல்லவரின் உழைப்பாலும்
இரண்டாண்டுகளின் வளர்ச்சியில் ஈகரையின் அழகு
பல்கி பெருகிய உறுப்பினர்களாலும் பதிவுகளாலும்
மகிழ்ந்து சந்தோஷித்து தொடர்ந்தாள் மூன்றாம் ஆண்டு

by nilaaa Mon Sep 20, 2010 1:31 pm

சுந்தரத் தமிழில் சிந்து படித்தே
அஞ்சுகம் மஞ்சு அழகாக வாழ்த்தினாளே!
மந்தியென மனது! மகிழ்விலே துள்ளுதே!
வஞ்சியே வடித்திடு பல பாக்கள்! பருக நாம்!

by மஞ்சுபாஷிணி Mon Sep 20, 2010 2:12 pm

இந்திரஜித்தன் wrote:அருமை அருமை மஞ்ச.

ஈகரையின் ஒரு அம்சமும் விடாமல் அனைத்தையும் பகிர்ந்து பாங்காக சொல்லி இருக்கிங்க. வாழ்த்துகள் மஞ்சு.

அன்பு நன்றிகள் இந்திரஜித்தன்....

by மஞ்சுபாஷிணி Mon Sep 20, 2010 2:14 pm

kalaimoon70 wrote:நல்லதைச்சொல்லி கருத்துரையாடி களமிறங்கி
மதநல்லிணக்கமும் இங்கே ஒற்றுமையுடன் இயங்கி
எல்லோரும் ஒன்றே அதைச்சொன்னவிதமும் நன்றே
பிரிவினை இல்லாத அன்பு தங்க சுரங்கமும் இதுவே

வரிக்குள் வைரத்தை வைத்து ,வசிகரித்து ,படைத்த
கவிதை ஈர்த்தது ஈகரைப் போல .வாழ்த்துக்கள் தோழியே !

அன்பு நன்றிகள் கலைநிலா....

by மஞ்சுபாஷிணி Mon Sep 20, 2010 2:15 pm

T.N.Balasubramanian wrote:ஈகரையின் முகப்பை ஓர் அங்கமாக்கி,
அதையே மெருகிட்டு ,தங்கமாக்கி,
சேயினில் காட்டிடும் அன்பை-
தாயின் அரவணைப்பை-
கவிதையில் இணைப்பாய், தந்த
தந்தக் கவிதையாம்
யாம் ரசித்த உம் கவிதை.

ரமணீயன்

அன்பு நன்றிகள் ஐயா....

:suspect:

அருமை மஞ்சு....

by மஞ்சுபாஷிணி Mon Sep 20, 2010 2:17 pm

ஹாசிம் wrote:எவ்வரியை விழிப்பது என்று திண்டாடவைத்த வைரவரிகளில் ஈகரைத்தாயின் சிறப்புப்பாடிய அக்காவுக்கு மிக்க நன்றி அத்தனையும் அமுதம்

அன்பு நன்றிகள் ஹாசிம்....

by மஞ்சுபாஷிணி Mon Sep 20, 2010 2:23 pm

சபீர் wrote:அன்பு அக்காவின் கவி மழையில் ஈகரை உள்ளங்கள் அனைவரின் மனம் குளிரவைத்துவிட்டிர்கள் அக்கா.உங்களின் இந்த வைர வரிகள் ஒவ்வொன்றாக படிக்கும் போது மிகவும் இனிமையாகவும் மனதுக்குள் இனம்புறியாத இன்பத்தையும் உணர முடிகின்றது அவ்வளவு வரிசகரமாக வரிகள்.மிகவும் அழகு அக்கா அன்பு பாராட்டுக்கள் அக்கா.

அன்பு நன்றிகள் சஃபீர்...

by Hasan1 Mon Sep 20, 2010 3:37 pm

அருமை

by கலைவேந்தன் Sun Oct 17, 2010 4:00 pm

இனிய தமிழில் ஈகரையின் பெருமை..
கனிவான மொழி கன்னல் வார்த்தைகள்..
வசிகரிக்கும் சொற்கள் வண்ணமய வர்ணனை..
புசிக்கக்கிடைத்த அருங்கனிக் கவிதை..!

பாராட்டுக்கள் மஞ்சு..!

தாமதமாய் கவனித்தேன்.மஞ்சு..! சோகம்