வாழ்த்துவோமே! வாழி!

by nilaaa Sun Sep 19, 2010 8:34 pm

ஓடுகின்றது கடிகாரம் மட்டுமல்ல மனித இயந்திரமும் தான்!
வாடி நிற்கும் உறவுப் பயிருக்கு இருக்கும் ஆதாரம் இணையமே
நாடி நிற்பர் ஈகரையை! வார்த்தெடுப்பர் வாசகங்களை!
தேடி நிற்பர்! தோண்டி நிற்பர்! தமிழ்த் தேன் குடிப்பதற்கு!

வண்டுகள் பல வந்து போகும்! வாலிபமும் வழி தேடுமது இயற்கை!
செண்டுகளும், கவிதைச் செண்டுகளும் பிறப்பெடுக்கும்! - களம்
கண்டு களிப்புறும் கவிச் சேய்கள் குதூகலிப்பர்! திறம்
கொண்டு எழுந்திடுவார்! தீரம் அவர்கள் தோளிலேறும்!

ஏணியென ஈகரை! படிகளென விருந்தினர்கள் வழிசமைக்க
தோணியாம் வெற்றியின் வடம் பிடிப்பார்! வளம் பெறுவார்!
ஆணித்தரமான ஆக்கங்கள் ஆகட்டும் ஈகரையால்!
வாணியவள் துணையிருப்பாள்! வாழ்த்துவோமே! வாழி!

by இந்திரஜித்தன் Sun Sep 19, 2010 8:39 pm

அடி ஆத்தி. இன்னொரு அற்புதமான ஈகரை வாழ்த்துங்கோ.

அசத்துங்கோ.

by **சிவா** Sun Sep 19, 2010 8:40 pm

///ஏணியென ஈகரை! படிகளென விருந்தினர்கள் வழிசமைக்க
தோணியாம் வெற்றியின் வடம் பிடிப்பார்! வளம் பெறுவார்!
ஆணித்தரமான ஆக்கங்கள் ஆகட்டும் ஈகரையால்!
வாணியவள் துணையிருப்பாள்! வாழ்த்துவோமே! வாழி!///

மனம் திறந்த பாராட்டிற்கு நன்றி அக்கா!

by **சிவா** Sun Sep 19, 2010 8:41 pm

இந்திரஜித்தன் wrote:அடி ஆத்தி. இன்னொரு அற்புதமான ஈகரை வாழ்த்துங்கோ.

அசத்துங்கோ.

ஈகரைக் கவிஞர்களின் கவிதையில் மனம் பறிகொடுத்துவிட்டீர்களா இந்திரஜித்!

by drrajmohan Sun Sep 19, 2010 8:46 pm

by சபீர் Sun Sep 19, 2010 9:05 pm

வந்த கொஞ்ச நாளிலே உங்களை எந்தளவு இந்த ஈகரைத்தாய் ஈர்த்துள்ளால் என்பதை உங்களின் பாசமிகு கவிவரிகளில் தெரிகின்றது இதனைப்பார்க்கும் போது எனக்கு மட்டில்லா மகிழ்ச்சியாக உள்ளது அக்கா.
பாசத்தால் அரவணைப்பதில் இந்த பாசக்கூடம் யாரைத்தான் விட்டு வைத்துள்ளது இதில் நானும் உறுப்பினராக இருப்பதில் பெருமையாக உள்ளது.

வாழ்த்துக்கவிதைக்கு அன்புபாராட்டுக்கள்

by kalaimoon70 Sun Sep 19, 2010 9:08 pm

நிலவின் வெளிச்சம் ஈகரையை பிரகசிட்டும் .
கவிதை பிரமாதம் .தொடரட்டும் உங்கள் ஆக்கம் .

by **T.N.Balasubramanian** Sun Sep 19, 2010 10:08 pm

,
நிலாவின் எண்ண ஒலிகள், கவிதையாகி,
நிலவின் ஒளி என பளிச்சிடும் வரிகள்.

வாழ்த்துக்கள். அன்பு மலர்

ரமணீயன்.

by முபிஸ் Mon Sep 20, 2010 10:05 am

அருமையாக உள்ளது வாழ்த்துக்கள்

by srinihasan Mon Sep 20, 2010 11:29 am

நிலவின் ஒளியில் மயங்கும் நான்... இந்த நிலாவின் குரல் ஒலியும்.... இங்கே எழுத்து ஒளியும் மேலும் மேலும் ஆனந்தத்தை எனக்கு அள்ளி தருகின்றது...

நிலாவின் பெருமை நான் புதிதாக பாட தேவையில்லாத ஒன்று....

தங்களின் இந்த கவிதையும் அருமை நிலா...

மேலும் பல படைப்புகள் படைத்திட என் மனமார்ந்த வாழ்த்துகள் அன்பு மலர்