பூமியைத் தாக்கப் போகும் சூரியசக்திப் புயல்?

azeezm · azeezm Tue Oct 05, 2010 12:35 am

ஓர் அதிசக்தி வாய்ந்த `சூரிய சக்திப் புயல்’ 2012-ம் ஆண்டுவாக்கில் பூமியைத் தாக்கக் கூடும் என்று எச்சரிக்கை மணி அடிக்கிறார்கள், விண்ணியல் ஆய்
வாளர்கள்.

பூமியில் சாதாரணமாக வாண வேடிக்கை நிகழ்த்திக் காட்டும் `எரிகல் மழை’யைப் போல பல மடங்கு பலமானதாக அந்த சூரியசக்திப் புயல் இருக்கும் என்கிறார்கள் விஞ்ஞானிகள். அதாவது, அப்புயலின் சக்தி, 10 கோடி ஹைட்ரஜன் குண்டுகளின் சக்திக்கு இணையானதாக இருக்குமாம்.

சமீபத்தில் அமெரிக்காவில் ஒரு பெரிய `எரிகல் மழை’ பொழிந்தது. அது, சூரியசக்திப் புயலின் முன்னோட்டம்தான் என்று புளியைக் கரைக்கிறார்கள் `நாசா’ விஞ்ஞானிகள். வீசப் போகும் சூரிய சக்திப் புயல் பூமியின் ஒட்டுமொத்த மின் தொடர்பையே துடைத்தெறிந்தால் ஆச்சரியப்படுவதற்கு இல்லை என்கிறார்கள்.

இந்த சூரியசக்திப் புயல் தொடர்பாக 2006-ம் ஆண்டு முதலே கவனமாகக் கண்காணித்து வருகிறது `நாசா’. இதேபோல விண்ணிலிருந்து 1859, 1921-ம் ஆண்டுகளில் பாய்ந்த சூரியசக்திப் புயலால் உலகில் பெரும் பாதிப்புகள் ஏற்பட்டிருக்கின்றன. தந்தித் தொடர்பு வயர்கள் பெருமளவில் சேதம் அடைந்தன. 2012-ம் ஆண்டு சூரிய சக்திப் புயல் அவற்றை விடப் பலமானதாக இருக்கக் கூடும் என்கிறார்கள்.

“பொது விண்ணியல் நிபுணர்கள் மத்தியில் நிலவும் கருத்து, 2012 அல்லது 2013-ம் ஆண்டின் ஆரம்பத்தில் வீசும் சூரியசக்திப் புயல், 100 ஆண்டுகளிலேயே மிக மோசமானதாக இருக்கக்கூடும்” என்று விண்ணியல் பேராசிரியரும், கட்டுரையாசிரியருமான டேவ் ரெனேக்கே கூறுகிறார்.

இன்றைய `டிஜிட்டல்’ உலகத்தில் சூரியசக்திப் புயல் ஏற்படுத்தப்போகும் உண்மையான தாக்கம் என்னவென்று ஒருவருக்கும் தெரியவில்லை. எனவே சூரியசக்திப் புயல் வருமுன் காப்பது அல்லது அதைத் தடுப்பது குறித்து விஞ்ஞானிகள் மண்டையை உடைத்துக்கொள்ள ஆரம்பித்திருக்கிறார்கள்.
==================================================
நன்றி:-தினத்தந்தி
==================================================
http://azeezahmed.wordpress.com/

**kirikasan** · **kirikasan** Tue Oct 05, 2010 1:42 am

ஏற்கனவே பாத்துப் பயந்து ராத்திரிமுழுக்க துங்கலை. கனவெல்லாம் அந்த சூரியக்குட்டி வந்து துரத்திக்கொண்டே இருந்தது. இன்னைக்கு உங்களையும் துரத்தட்டும். இங்க பாருங்க

sanmugakumar007 · sanmugakumar007 Tue Oct 05, 2010 1:55 am

kirikasan wrote:ஏற்கனவே பாத்துப் பயந்து ராத்திரிமுழுக்க துங்கலை. கனவெல்லாம் அந்த சூரியக்குட்டி வந்து துரத்திக்கொண்டே இருந்தது. இன்னைக்கு உங்களையும் துரத்தட்டும். இங்க பாருங்க

பயந்துட்டேன்

Sponsored content · Sponsored content

பூமியைத் தாக்கப் போகும் சூரியசக்திப் புயல்?

பூமியைத் தாக்கப் போகும் சூரியசக்திப் புயல்?

Re: பூமியைத் தாக்கப் போகும் சூரியசக்திப் புயல்?

Re: பூமியைத் தாக்கப் போகும் சூரியசக்திப் புயல்?

Re: பூமியைத் தாக்கப் போகும் சூரியசக்திப் புயல்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக