மந்த்ர ஜபம் - முறையும் பலனும்

**V.Annasamy** · **V.Annasamy** Fri Sep 17, 2010 10:28 am

' மந்த்ராம் த்ராயத் இதி மந்த்ரஹா'

மந்த்ரம் என்ற சொல்லுக்கு - ' சிந்திப்பவனைப் காப்பாற்றுவது" என்பதாகும்.

மஹா மந்த்ரங்கள் ஏழு கோடி என்றும் அதன் உப மந்த்ரங்கள் எண்ணமுடியா எண்ணிக்கையில் உள்ளனவாம்.

ஒவ்வொரு பதமும் மந்த்ரம் என்கிறது வேத நூல்கள். '

' மந்த்ரமாகாத பதமில்லை, வைத்தியத்திற்கு பயன்படா மூலிகையில்லை; பிரயோஜனமில்லாத மனிதனுமில்லை என்பது பொதுவான கூற்று.

ஜபம் என்றால் மந்த்ரங்களைத் மீண்டும் மீண்டும் சொல்லுதல்/செய்தல் என்றாகும். அதிலும் பொருள் உணர்ந்து ஜபித்தால் பலன் பன்மடங்கு.

ஜபம் முறையாக பயிலுதல் அவசியம். ஒரு நல்ல குருவிடம் கற்றுக் கொள்ளலாம். சரியாக உச்சரித்து, பொருள் உணர்ந்து சொல்ல வழி வகுக்கும்.

ஜபித்தல் மூன்று வகைப் படும்.

மனத்தால் ஜபிப்பது முதல் தரம்; த்யானமே யோக மயம்.

ஒலி (சப்தம்) வராமல் உதடு அசையுமாறு ஜபிப்பது நடுத்தரம்

உரக்கக் கூறி ஜபிப்பது - அவ்வளவு நல்லது இல்லை எனக் கூறுகிறார்கள் சான்றோர்.

ஆங்கிலத்தில் கூட இதனை ' மெல்லப் படித்தல் நல்லது' என்றனர் பொதுவாக. (Silent reading is a good habit.)

மனப் பாடம் செய்வதற்கு பல முறை படிப்பது தேவைப் படுகிறது.

முறைப்படி செய்யும் ஜபம் மனதையே பாடம் (பக்குவம்) செய்து விடும் நெறியாகும்.

எண்ணாமல் செய்யும் ஜபம் பிரயோஜனமில்லை.. ஜபத்தை விரல்களின் கணுக்களை உபயோகித்துச் செய்யவேண்டும். ஜப மாலையை உபயோகப் படுத்திக் கொள்ளலாம்.

ஜ ப = ஜன்ம பலன்/ பலம் என்றும் கொள்ளலாம் !!! ஜன்ம பலனை, பலத்தோடு அனுபவிப்போம்.