அதிசயம் பெண்.

கார்த்திக் · கார்த்திக் Sat Sep 18, 2010 5:56 pm

நீ
அவசியம் அறிய வேண்டிய
அதிசயம் பெண்.

உயிர்கள் அடையும்
உன்னதம் அடைபவள்
தனக்குள் புது
உயிரை முடைபவள்;

பெண்
ஓடத்தில் அல்ல - அவள்
மூங்கிலில் விழுந்த ஓட்டை!

இரசித்துப் பாரேன்
நசித்துப் பார்க்காதே
மலர்களின் வனப்பை
மறுத்தக் குருடனாய்
இருந்துவிடாதே

குனிந்த தலை நிமிராமை
குலப் பெருமை என்று
குட்டிக்குட்டியே வளர்த்தக் கூற்றை
குப்பையில் தள்ளு.

கொடுப்பினை அவ்வளவுதான் - இவள்
அடுப்பினைப் பார்க்கவே
அதிர்ஷ்டம் உள்ளவள் - என்றே
பேசிக் கெடுத்தோம்
பெண்கள் நிலையை....

நகப் பூச்சும், முகப் பூச்சும்
அகம் இனிக்கும்
அன்புப் பேச்சும் கொண்டு
தண்டை சுமந்த
கெண்டைக் கால்கள் - இன்று
சண்டைக் களம் வந்தாச்சு.

ஆணோ - பெண்ணோ
சமர்க்களமோ, சமையற்களமோ
பங்களிக்க இரண்டும்
சமமான களமே.

பெண்
அடிமையும் இல்லை
எஜமானும் இல்லை
சக உயிர் என்பதே சரி.

தழுவதற்காய்ச் செய்த
தந்திரம் எல்லாம்
நழுவுதற்கும் செய்யும்
ஆண் வர்க்கம்
நீயும் அப்படியே
இருந்து விடாதே

வயது இருபதுகளில் வரும்போது
ஒரு ஈர்ப்பு வரும் - அது
உனக்கும் வரும்
உனக்குள்ளும் வரும்

பலருக்கும் அது
மீனை ஈர்க்கும்
தூண்டிலின் ஈர்ப்பு,
சிலருக்கு அது
பூமியை ஈர்க்கும்
சூரியனின் ஈர்ப்பு.

உனக்கும் வரும்
அந்த ஈர்ப்பு,
ஒருநாளும் தூண்டிலாய் இராதே!

நிறம் பார்த்தும்
புறம் பார்த்தும்
வருவதென்றால்
தரமின்றி தாழ்ந்துவிடும்
களமில்லாத காதல்
பலம் இல்லாமல்
பாதியில் முறியலாம்?

உன் புரிதலுக்கான களத்தை
நீயே முடிவு செய்.

கரும்பைப் போல் பூப்பதனால் - நாணலைக்
கடித்து உண்ணக் கூடுமா?
அரும்பைப் போல் குவிந்ததனால் - வெங்காயத்தை
அள்ளிச் சூடக் கூடுமா?

சரியான தேர்வில் கவனம் வை.

சபீர் · சபீர் Sat Sep 18, 2010 7:15 pm

வயது இருபதுகளில் வரும்போது
ஒரு ஈர்ப்பு வரும் - அது
உனக்கும் வரும்
உனக்குள்ளும் வரும்

பலருக்கும் அது
மீனை ஈர்க்கும்
தூண்டிலின் ஈர்ப்பு,
சிலருக்கு அது
பூமியை ஈர்க்கும்
சூரியனின் ஈர்ப்பு.

அழகிய வரிகள் அருமைதோழரே

கார்த்திக் · கார்த்திக் Sat Sep 18, 2010 7:17 pm

சபீர் wrote:வயது இருபதுகளில் வரும்போது
ஒரு ஈர்ப்பு வரும் - அது
உனக்கும் வரும்
உனக்குள்ளும் வரும்

பலருக்கும் அது
மீனை ஈர்க்கும்
தூண்டிலின் ஈர்ப்பு,
சிலருக்கு அது
பூமியை ஈர்க்கும்
சூரியனின் ஈர்ப்பு.

அழகிய வரிகள் அருமைதோழரே

நன்றி தோழரே ஜாலி